តារាសម្តែង កុល ដាវី ដែលនិយមលេងតួកាច បានសម្ងំពរពោះ រស់នៅថែ ទាំសុខភាពអោយបានមាំទាំជាថ្មីម្តងទៀត ព្រោះមិនយូរទេ នាងបានឃើញមុខកូនស្រីរបស់ នាង ដើម្បី
រាជធានីភ្នំពេញ ៖ តារាសម្តែង កុល ដាវី ដែលនិយមលេងតួកាច បានសម្ងំពរពោះ រស់នៅថែ ទាំសុខភាពអោយបានមាំទាំជាថ្មីម្តងទៀត ព្រោះមិនយូរទេ នាងបានឃើញមុខកូនស្រីរបស់ នាង ដើម្បីលើកបីបមដូចម្តាយគេផ្សេងៗហើយ។
ធ្លាប់តែរបូតកូនដំបូងម្តងហើយ ធ្វើអោយ ដាវី និង រក្សា ខូចចិត្តអស់ជាច្រើនខែ ទើបម្តងនេះ សុខ រក្សា បានព្យាយាមនៅក្បែរប្រពន្ធ ថ្នាក់ថ្នមណាស់ ដើម្បីអោយសុខភាពប្រពន្ធកូនរឹងមាំព្រោះពេលវេលាពរពោះបានចូលដល់៧ខែទៅហើយ។
គ្រាន់តែដឹងថា មានកូនជាថ្មី ហើយកំពុងនៅក្នុងពោះភ្លាម កុល ដាវី ដែលរមែងស្រវ៉ាការងារពេញដៃបានទម្លាក់ចោល មិនអើពើដូចមុននោះទេ។ ទាំងការដើរសម្តែង និងការលក់លើ Online គឺទុកមួយអន្លើសិន ព្រោះមិនចង់កើតមានការលំបាកដូចកូនទី១ទៀត។ កាលពីកូនទី១ នាងហាក់ភ្លាត់ ដោយខំធ្វើការភ្លេចរក្សាខ្លួន ឬថ្នមខ្លួន ដែលបណ្តាលអោយបាត់បង់ទាំងស្មានមិនដល់។ មេរៀនមួយនេះ នាងចងចាំហើយ ខំយកឈ្នះដោយប្រឹងតស៊ូជាថ្មីនាដំណាក់កាលទី២នេះ។
អំឡុងមុនចូលឆ្នាំខ្មែរខាងមុខនេះ នាងនឹងសម្រាលកូនហើយ ដែលជាពេលវេលាល្អមួយដែលចង់បានមកដល់បំផុត ព្រោះប្តីប្រពន្ធមួយគូនេះក៏ចូលដល់វ័យច្រើនគួរសមទៅហើយ។ ចំណែក កុល ដាវី ដែលកំពុងពរពោះ៧ខែនោះ ត្រូវបានស្វាមីរបស់នាងលោកសុខ រក្សា បញ្ចេញរូបភាពក្បាលពោះដ៏សិចស៊ីរបស់នាងនៅថ្ងៃខួប ដាវី គម្រប់អាយុ៣៥ឆ្នាំ កាលពីថ្ងៃទី៣១ ខែធ្នូ ឆ្នាំ ២០២១ ហើយតារាចម្រៀងសាន់ដេរូបនេះថែមទាំងជូនពរឲ្យភរិយារបស់លោក កាន់តែមានរូបសម្រស់ស្រស់ស្អាត ជោគជ័យមុខរបរតាម Online ជាពិសេសឲ្យកូនស្រីក្នុងផ្ទៃ និងម្ដាយមានសុខភាពល្អ។
ស្រីស្អាត កុល ដាវី រីករាយខ្លាំងណាស់ នៅពេលដែលត្រូវសំណព្វចិត្តរបស់នាងថ្នាក់ថ្នម ទាំងចិត្តទាំងកាយមិនឲ្យសៅហ្មង នេះហើយនាងក៏ធ្វើតាមសំណូមពរស្វាមីមិនឲ្យទាស់ចិន្ដាឡើយ នោះគឺការថែទាំសុខភាពឲ្យបានល្អ ដោយហាមធ្វើកិច្ចការងារអ្វីផ្សេងៗ។
គួរបញ្ជាក់ថា ស្រីស្អាត កុល ដាវី បានរៀបការជាមួយលោកសុខ រក្សា កាលពីថ្ងៃទី៨ ខែមីនា ឆ្នាំ២០១៩ ហើយក្រោយពីចាប់ដៃគ្នាជាង២ឆ្នាំនេះ ពួកគេមានជីវភាពធូរធាខ្លាំង ដោយទិញបានផ្ទះ២កន្លែង និងមានរថយន្ដទំនើបៗជិះទៀតផង។ ស្រីស្អាត កុលដាវី និងលោកសុខ រក្សា បានបង្កើតមុខរបរក្រៅសិល្បៈតាមរយៈការរៀបចំវង្សតន្ដ្រីសម្រាប់បម្រើតាមបណ្ដាកម្មវិធី ទាំងឡាយដែលកាក់កបគួរសម ទើបធ្វើឲ្យកម្រិតនៃជីវភាពរបស់ពួកគេកាន់តែហក់ស្ទុះឡើង។
ចែករំលែកព័តមាននេះ