ជាងម្នាក់ត្រឡប់មកពីជូនសង្សារទៅផ្ទះវិញ ជួបគ្រោះអកុសលត្រឹមមួយប៉ប្រិចភ្នែក
- ភ្នំពេញ
រាជធានីភ្នំពេញ ៖ បុរសម្នាក់ ខណៈជិះម៉ូតូត្រឡប់មកពីជូនសង្សារទៅផ្ទះវិញ ក៏ជិះម៉ូតូជ្រុលទៅបុកនឹងរថយន្តមិនស្គាល់ម៉ាកមួយ
រាជធានីភ្នំពេញ ៖ បុរសម្នាក់ ខណៈជិះម៉ូតូត្រឡប់មកពីជូនសង្សារទៅផ្ទះវិញ ក៏ជិះម៉ូតូជ្រុលទៅបុកនឹងរថយន្តមិនស្គាល់ម៉ាកមួយគ្រឿង ដែលបើកបត់ត្រឡប់ក្រោយយ៉ាងពេញទំហឹង បណ្តាលឲ្យជនរងគ្រោះបែ.កក្បាលស្លា.ប់នៅកណ្ដាលនៅកណ្ដាលផ្លូវយ៉ាងអាណោចអាធ័ម ។
ហេតុការណ៍ខាងលើនេះ បានកើតឡើងកាលពីវេលាម៉ោង៤ទៀបភ្លឺឈានចូលថ្ងៃទី៣១ ខែធ្នូ ឆ្នាំ២០២១ ទល់មុខច្រកចូល ភោជនីយដ្ឋានមួយកន្លែង តាមបណ្តោយផ្លូវ៥០ម៉ែត្រ ស្ថិតក្នុងសង្កាត់ជើឯក ខណ្ឌដង្កោ រាជធានីភ្នំពេញ ។
ជនរងគ្រោះឈ្មោះ គឹម សីហា ភេទប្រុស អាយុ២៦ឆ្នាំ មុខរបរជាងជួសជុលរថយន្ត ស្នាក់នៅផ្ទះជួលម្តុំបុរីសូនី សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ មានស្រុកកំណើតនៅភូមិជីហែរ ឃុំពាមរ៍ប្រធ្នោះ ស្រុកកោះសុទិន ខេត្តកំពង់ចាម ជិះម៉ូតូធន់ធំម៉ាកមួយគ្រឿង ម៉ាកហុងដាCB ពណ៌ខ្មៅ ពាក់ស្លាកលេខ ភ្នំពេញ 1AG-1099 ។
តាមប្រភពព័ត៌មានពីកន្លែងកើតហេតុ បានអោយដឹងថា មុនពេលកើតហេតុ គេបានឃើញរថយន្តប្រភេទបែនមួយគ្រឿង បានធ្វើដំណើរតាមបណ្ដោយផ្លូវ៦០ម៉ែត្រ ក្នុងទិសដៅពីជើងទៅត្បូង លុះមកដល់ចំណុចកើតហេតុខាងលើ ក៍បានបត់ឆ្វេងត្រឡប់ក្រោយវិញ ហើយគាប់ជួនពេលនោះដែរ ក៍ស្រាប់តែបុរសរងគ្រោះ បានបើកបរម៉ូតូធុនធំមួយគ្រឿង បានធ្វើដំណើរក្នុងទិសដៅស្របគ្នា ក្នុងល្បឿនលឿនក៍ជ្រុលទៅបុ.ករថយន្តពីក្រោយយ៉ាងពេញទំហឹង បណ្តាលឲ្យមនុស្ស និងម៉ូតូខ្ទាតចូលក្រោមរថយន្ត ហើយក៍ត្រូវរថយន្តកិ.នបែកក្បាលធ្លាយខួរស្លា.ប់ភ្លាមៗនៅកន្លែងកើតហេតុតែម្តង ។ ដោយឡែករថយន្តវិញ ក៏បានបន្ថែមល្បឿនបើករត់គេចខ្លួនបាត់ស្រមោល ។
ក្នុងហេតុការណ៍នេះដែរ សមត្ថកិច្ចមូលដ្ឋានក៍ជាជំនាញចរាចរណ៍ខណ្ឌ បានចុះទៅកន្លែងកើតហេតុ រួចហើយក៍បានធ្វើការទាក់ទងហៅសាច់ញាតិអោយមកទទួលស.ពជនរងគ្រោះផងដែរ ។ នៅពេលដែលសាច់ញាតិជនរងគ្រោះមកដល់ ក៏បាននិយាយថាជនរងគ្រោះ ទើបត្រឡប់មកពីជូនសង្សារទៅផ្ទះនៅក្រុងតាខ្មៅវិញ ក៏ជួបគ្រោះថ្នាក់ចរាចរណ៍បែបនេះតែម្តង។
ក្រោយពេលកើតហេតុ ស.ពជនងគ្រោះត្រូវបានសមត្ថកិច្ចធ្វើកំណត់ហេតុប្រគល់ឱ្យសាច់ញាតិយកទៅធ្វើបុណ្យតាមប្រពៃណីនៅឯស្រុកកំណើត ចំណែកម៉ូតូដែលរងការខូចខាត ត្រូវបានសមត្ថកិច្ចយកទៅរក្សាទុកនៅអធិការដ្ឋាននគរបាលខណ្ឌដង្កោ រង់ចាំសមត្ថកិច្ចស្រាវជ្រាវរកភាគីខាងរថយន្ដ ដើម្បីចាត់ការតាច្បាប់នៅពេលក្រោយទៀត ៕
ចែករំលែកព័តមាននេះ