កញ្ញា សេង ធារី ចូលសវនាការ ខណៈតុលាការបន្តកាត់ទោសអ្នកពាក់ព័ន្ធសំណុំរឿងក្បត់ជាតិ (វីដេអូ)
- ភ្នំពេញ
រាជធានីភ្នំពេញ ៖ សាលាដំបូងរាជធានីភ្នំពេញ កាលពីព្រឹកថ្ងៃទី ២៨ ខែធ្នូ ឆ្នាំ២០២១ បានលើកយកសំណុំរឿងទណ្ឌិតសម រង្ស៊ី និង
រាជធានីភ្នំពេញ ៖ សាលាដំបូងរាជធានីភ្នំពេញ កាលពីព្រឹកថ្ងៃទី ២៨ ខែធ្នូ ឆ្នាំ២០២១ បានលើកយកសំណុំរឿងទណ្ឌិតសម រង្ស៊ី និង អតីតសកម្មជនគណបក្សសង្គ្រោះជាតិចំនួន៤២នាក់ ដែលជាសវនាការលើកទី៣ ពាក់ព័ន្ធពីបទ ក្បត់ជាតិ បទ.រួមគំនិតក្បត់ និង.បទញុះញុងឲ្យមានភាពវិកវរធ្ងន់ធ្ងរដល់សន្តិសុខសង្គម ។ សវនាការនេះក្រោមការដឹកនាំដោយលោក រស់ ពិសិដ្ឋ អនុប្រធានសាលាដំបូង នឹងជាប្រធានក្រុមប្រឹក្សាជំនុំជម្រះ លោក សេង ហេង នឹង លោក សំម ឬទ្ធីវាសនា ព្រះរាជអាជ្ញារងតំណាងអយ្យការអមសាលាដំបូងរាជធានីភ្នំពេញ ។ គួររំលឹកថា ថ្ងៃនេះ! តុលាការកាត់ទោសក្រុមបក្សប្រឆាំង CNRP (មានវីដេអូ)
សវនាការលើកនេះក៏មិនខុសពីលើកមុនៗ ដែរ គឺជាសវនាការសាធារណៈ ដែលមានការចូលពីមន្ត្រទូត មន្ត្រីសិទ្ធិមនុស្ស ទីប្រឹក្សាអ្នកច្បាប់ អង្គការសង្គមស៊ីវិល នឹងអ្នកសារព័ត៌មានជាតិ ប្រមាណជាង២០នាក់ ។ ក្នុងនោះមានជនជាប់ចោទនៅក្នុងឃុំចំនួន៣ នាក់ មានមុខក្នុងរង្វង់ក្រចកសេះ អមដោយមេធាវីការពារក្តីផងដែរ ចំណែកជនជាប់ចោទ៣៩នាក់ នៅក្រៅឃុំ ហើយមានខ្លះនៅក្រៅប្រទេស ខ្លះបានចូលរួម ខ្លះមិនចូលរួមសវនាការនេះទេ ប៉ុន្តែក្នុងនោះគេបានសង្កេតឃើញជនជាប់ចោទឈ្មោះ សេង ច័ន្ទធារី ដែលកាលពីមុន គាត់បានតុបតែងស្លៀកសំលៀកបំពាក់ជាតួអង្គអប្សរា បានចូលរួមសវនាការដែរ តែលើកនេះគាត់ស្លៀកពាក់ត្រឹមត្រូវមិនដូចមុនទេ ។
ជនជាប់ចោទកញ្ញាវ័យចំណាស់ សេង ច័ន្ទធារី ឱបឯកសារពាក់ព័ន្ធមួយចំនួនចូលសវនាការ ដោយអត់មានមេធាវីការពារក្តីទេ ដូច្នោះប្រធានក្រុមប្រឹក្សាជំនុំជម្រះ តម្រូវឲ្យជនជាប់ ចោទរកមេធាវី ព្រោះនេះជាបទល្មើសព្រហ្មទណ្ឌ ។ សវនាការបា នសាកសួរដេញដោល លើជនជាប់ចោទរហូតដល់ម៉ោងសម្រាក ទើបានប្រកាសលើកពេលសវនាការ បន្តទៅថ្ងៃទី៤ ខែមករា ឆ្នាំ២ ០២២ ខាងមុខនេះទៀត ។
តែមុនពេលចូលរួមក្នុងសវនាការ សេង ច័ន្ទធារី បានគ្រងឈុតអាវធំ តែងតួដូចជាមនុស្សប្រុស អមនឹងក្រវ៉ាត់ក ឆ្នូតពណ៌ស ក្រហម និងទឹកមាស បានថ្លែងនៅមុខសាលាដំបូងរាជធានីភ្នំពេញថា កញ្ញាថា កញ្ញាមានសង្ឃឹមថា តុលាការនឹងទម្លាក់ការចោទប្រកាន់លើរូបអ្នកនាង ខណៈ ៥០ ភាគរយទៀតកញ្ញាថា កញ្ញាអាចត្រូវបានតុលាការកាត់ទោសដាក់ពន្ធនាគារ ។ នាងបានថ្លែងប្រាប់សារព័ត៌មានថា ការចោទប្រកាន់លើនាងគឺអត់មានមូលដ្ឋានក្នុងអង្គច្បាប់ និងអង្គហេតុ ។ នាងបន្តចោទប្រកាន់ថា វាជាល្ខោននយោបាយដែលគេទាញរូបនាងចូលក្នុងសំណុំរឿងក្បត់ជាតិនេះ ។
នៅក្រៅបរិវេណសាលាដំបូងរាជធានីភ្នំពេញនោះវិញ គេបានសង្កេតឃើញ មានអ្នកគាំទ្រក្រុមបក្សប្រឆាំងប្រមាណ១៥ នាក់ ដឹកនាំដោយឈ្មោះ សាត ថា នឹងលោកយាយ ម៉ាមី ។ ក្រុមអ្នកគាំទ្រប្រមាណ១៥នាក់ កន្លងមកពួកគាត់តែងតែស្លៀកពាក់ព័ត៌ខ្មៅ ដែលហៅថា (ក្រុមស្ត្រីតវ៉ាថ្ងៃសុក្រ) ថ្ងៃនេះបានប្រែសម្លៀកបំពាក់អាវស ក្រវ៉ាតក.ខ្មៅ នឹងពាក់វែតតាខ្មៅវិញ បានប្រមូលផ្តុំគ្នារង់ចាំស្តាប់លទ្ធផលសវនាការនោះ ។ បានសង្កេតឃើញអ្នកឃ្លាំ មើលសង្គម សមាគមន៏អាដហុកម្នាក់គឺលោក (យី សុខសាន្ត) និង មានអ្នកការសែត៣ នាក់ មានមុខនៅទីនោះដែរ ។ ក្រោយចប់សវនាការនាព្រឹកនោះកញ្ញា សេង ច័ន្ទសុធា បានដើរឆ្លងផ្លូវទៅជួបក្រុមអ្នកគាំទ្រ ដែលនៅរង់ចាំស្វាគមន៍ តែមិនបានបញ្ចេញអកប្បកិរិយា ឬសកម្មភាព ដែលគួឲ្យកត់សម្គាល់ដូចមុននោះទេ ហើយមួយសន្ទុះក៏ចែកផ្លូវគ្នាទៅបាយទឹកតាមផ្ទះរៀងខ្លួន ។
សូមរម្លឹកថា កាលពីព្រឹកថ្ងៃទី០៧ នឹងថ្ងៃទី១៤ ខែធ្នូ ឆ្នាំ ២០២១ សាលាដំបូងរាជធានីភ្នំពេញ បានបើកសវនាការជំនុំជម្រះក្តី(កាត់ទោស)លើសំណុំរឿងលោកសម រង្ស៊ី និងអតីតសកម្មជនគណបក្សសង្គ្រោះCNRPចំនួន៤២ នាក់ ពាក់ពន្ធពីបទ.ក្បត់ជាតិ.បទរួមគំ និតក្បត់ និង.បទញុះញុងឲ្យមានភាពវិកវរធ្ងន់ធ្ងរដល់សន្តិសុខសង្គម តាមបញ្ញតិ មាត្រា ២០៣.មាត្រា ២០៤ និងមាត្រា ២០៥ នៃក្រមនីតិវិធីព្រហ្មទណ្ឌ ។ សំណុំរឿងនេះមានជនត្រូវចោទសរុបទាំងអស់៤២នាក់ ៣នាក់នៅក្នុងឃុំ មាន ៖
១-ឈ្មោះ ទុំ ប៊ុនថន ហៅ សុខ ភេទប្រុស អាយុ៤៣ឆ្នាំ
២-ឈ្មោះ កាក់ កុម្ភារ
៣-ឈ្មោះ ហេង ចាន់សុទ្ធី ។
ចំណែក៣៩នាក់ នៅក្រៅឃុំមានលោក សម រង្ស៊ី នឹង សម រង្ស៊ី និយម ខ្លះនៅក្រៅប្រទេស នឹងខ្លះនៅក្នុងនៅប្រទេស ។ សវនាការជាសាធារណៈក្រោមការដឹកនាំដោយលោក រស់ ពិសិដ្ឋ អនុប្រធានសាលាដំបូង នឹងជាប្រធានប្រឹក្សាជំនុំជម្រះ រីឯតំណា ងអយ្យការមាន២ រូប គឺលោក សេង ហៀង នឹងលោក សំម ឬទ្ធីវាសនា ព្រះរាជអាជ្ញារងអមសាលាដំបូងរាជធានីភ្នំពេញ ។ សវនាការបើទោះបីជនត្រូវចោទខ្លះមានវត្តមាន ខ្លះអវត្តមាន តែមានមេធាវីការពារក្តីគ្រប់គ្រាន់ ដោយបានដំណើរការទៅយ៉ាងរលូន ដែលមានការចូលរួមពីសំណាក់អង្គទូត អង្គការសង្គមស៊ីវិល អ្នកសង្កេតការ នឹងអ្នកសារព័ត៌មានជាច្រើននាក់ផងដែរ ។
ចំណែកនៅក្រៅបរិវេណសាលាដំបូងវិញ គេបានសង្កេតឃើញកញ្ញា សេង ច័ន្ទធារី ដោយស្លៀកសម្លៀកបំពាក់ជាអ្នកអប្សរា កោសក់ក្បាល ដៃកាន់ផ្កាឈូក ២.៣ទង ក្នុងគោលបំណងទៅចូលរួមសវនាការនោះដែរ ដែលកញ្ញាមានដីកាកោះរបស់តុលាការ ក្នុងនាមជាជនសង្ស័យ ។ ក្នុងសម្លៀកបំពាក់ប្រហាក់ប្រហែលអ្នករបាំង ដែលមើលមួយភ្លែតហាក់ដូចជាមនុស្សមានសតិមិនគ្រប់គ្រាន់ កញ្ញា សេង ច័ន្ទធារី បានដើរបញ្ចេញមតិរៀបរាប់ប្រាប់អ្នកកាសែតពេញដងផ្លូវ បន្តិចក្រោយមកទើបកញ្ញាចូលសាលសវនាការ ។
ប៉ុន្តែដោយសារកញ្ញា សេង ច័ន្ទធារី មិនទាន់ត្រូវបានដល់វេនសវនាការសាកសួរដេញដោល ទើបកញ្ញាចេញទៅវិញរង់ចាំសវនាការពេលក្រោយ ។ ក្នុងនោះដែរនៅមុខបរិវេណសាលា ដំបូងរាជធានីភ្នំពេញ គេសង្កេតឃើញមានអ្នកគាំទ្រប្រមាណ១០ នាក់ ដឹកនាំដោយឈ្មោះសំ បូលីណា ឈ្មោះ សេង ចាន់ថន និងឈ្មោះ សាត ផា នឹងមានអតីតអ្នកតវ៉ាសហគមន៏ថ្មគោលម្នាក់ (ច្រាយ នីម) មានអង្គការសង្គមស៊ីវិលសមាគមន៏អាដហុកម្នាក់ (យី សុខសាន្ត) និងអ្នកការសែតជាង១០នាក់ រួមជាមួយអ្នកវិភាគលោក ឡៅ ម៉ុងហៃ ផងដែរ ។ សវនាការបានសាកសួរដេញ ដោលលើជនត្រូវចោទបាន២ នាក់ ក៏ដល់ម៉ោងសម្រាក ទើបត្រូវបានប្រធានក្រុមប្រឹក្សាជំនុំជម្រះប្រកាសបិទសវនាការ នឹងលើកពេលទៅថ្ងៃទី១៤ ខែធ្នូ ២០២១ ខាងមុខនេះបន្តទៀត ៕
ចែករំលែកព័តមាននេះ