បន្ទាយមានជ័យ ៖ កម្លាំងសមត្ថកិច្ចយោធាថៃប្រាណអង្គភាពទី១២ ឈរជើងតាមបន្ទាត់ព្រំដែនក្នុងស្រុកតាប្រាយ៉ា ខេត្តស្រះកែវ ប្រទេសថៃ ជាប់ព្រំដែនទល់នឹងខេត្តបន្ទាយមានជ័យរបស់ប្រទេសកម្ពុជា ចុះល្បាតក្នុងភូមិសាស្ត្រទទួលខុសត្រូវ នៅថ្ងៃទី២៦ ខែធ្នូ…
បន្ទាយមានជ័យ ៖ កម្លាំងសមត្ថកិច្ចយោធាថៃប្រាណអង្គភាពទី១២ ឈរជើងតាមបន្ទាត់ព្រំដែនក្នុងស្រុកតាប្រាយ៉ា ខេត្តស្រះកែវ ប្រទេសថៃ ជាប់ព្រំដែនទល់នឹងខេត្តបន្ទាយមានជ័យរបស់ប្រទេសកម្ពុជា ចុះល្បាតក្នុងភូមិសាស្ត្រទទួលខុសត្រូវ នៅថ្ងៃទី២៦ ខែធ្នូ ឆ្នាំ២០២១ម្សិលមិញ បានប្រទះឃើញពលរដ្ឋខ្មែរលួចឆ្លងដែនចូលប្រទេសថៃ ខណៈជនជាតិថៃ៥នាក់ ធ្វើដំណើរមកពីទីក្រុងបាងកក មានបំណងធ្វើដំណើរមកធ្វើការនៅក្នុងទឹកដីខេត្តបន្ទាយមានជ័យ របស់កម្ពុជា ។
ដោយពលករខ្មែរដែលលួចឆ្លងដែនចូលប្រទេសថៃតាមច្រករបៀងដោយខុសច្បាប់ដែលប្រថុយ និងគ្រោះថ្នាក់ដល់អាយុជីវិតចំនួន១០នាក់ ក្នុងនោះប្រុស៦ នឹងស្រី៤នាក់ នៅបរិវេណភូមិទព័សៀម ឃុំ/ស្រុកតាប្រាយ៉ា ខេត្តស្រះកែវ ។
សមត្ថកិច្ចការពារព្រំដែនថៃប្រាប់ថា នៅពេលសមត្ថកិច្ចសួរនាំពលរដ្ឋខ្មែរទាំង១០នាក់នេះបានប្រាប់ថា គាត់ធ្វើដំណើរមកពីខេត្តកំពង់ចាម និងកំពង់ធំ ប្រទេសកម្ពុជា មានគោលបំណងធ្វើដំណើរទៅធ្វើការនៅក្នុងខេត្តប៉ះធំ ថានី នឹងខេត្តស្រះកែវរបស់ថៃ ទើបសមត្ថកិច្ចថៃឃុំខ្លួនយកទៅសួរនាំបន្ថែម និងបញ្ជូនទៅឲ្យជំនាញស្រុកតាព្រះយ៉ា ដើម្បីចាត់ការតាមច្បាប់បន្ត ។
សមត្ថកិច្ចការពារព្រំដែនបន្តថា ៖ នៅពេលជាមួយគ្នានេះដែរ កម្លាំងទាហានប្រាណទី១៣ ប្រចាំស្រុកអារញ្ញ កងកម្លាំងបូរផា បានចេញល្បាតឃ្លាំមើល និងត្រួតពិនិត្យតំបន់ដែលទទួលខុសត្រូវនេះផងដែរក៏បានប្រទះឃើញបុរសជនជាតិថៃកំពុងលួចឆ្លងដែនតាមច្រករបៀង ធ្វើដំណើរចូលទៅទឹកដីកម្ពុជា ចំនួន៥នាក់ នៅបរិវេណភូមិខ្លងលឹក ឃុំ/ស្រុកអារញ្ញ ខេត្តស្រះកែវ នឹងក្រោយពីសមត្ថកិច្ចសួរនាំ បានឲ្យដឹងថា បុរសជនជាតិថៃទាំង៥នាក់ ធ្វើដំណើរមកពីទីក្រុងបាងកក មានបំណងធ្វើដំណើរមកធ្វើការនៅក្នុងទឹកដីខេត្តបន្ទាយមានជ័យ របស់កម្ពុជា ទើបសមត្ថកិច្ចថៃឃាត់ខ្លួនបញ្ជូនទៅឲ្យជំនាញសមត្ថកិច្ចស្រុកខ្លងលឹក ដើម្បីចាត់ការតាមច្បាប់បន្ត ៕
ចែករំលែកព័តមាននេះ