ទីបំផុត! លោក ឡាយ វណ្ណៈ និងឡាយ ណារិទ្ធ ត្រូវតុលាការកំពូលសម្រេចពីជោគវាសនាហើយ
- ភ្នំពេញ
រាជធានីភ្នំពេញ ៖ តុលាការកំពូលនៅព្រឹកថ្ងៃទី ២៤ ខែធ្នូ ឆ្នាំ២០២១ បានប្រកាសសាលដីកា សម្រេច «តម្កល់សាលដីកា នឹងសាល
រាជធានីភ្នំពេញ ៖ តុលាការកំពូលនៅព្រឹកថ្ងៃទី ២៤ ខែធ្នូ ឆ្នាំ២០២១ បានប្រកាសសាលដីកា សម្រេច «តម្កល់សាលដីកា នឹងសាល
រាជធានីភ្នំពេញ ៖ តុលាការកំពូលនៅព្រឹកថ្ងៃទី ២៤ ខែធ្នូ ឆ្នាំ២០២១ បានប្រកាសសាលដីកា សម្រេច «តម្កល់សាលដីកា និងសាលក្រមរបស់តុលាការថ្នាក់ក្រោម នៅរក្សាទុកជាបានការដដែល» ពោលគឺជនជាប់ចោទឈ្មោះ ឡាយ វណ្ណៈ អតីតអភិបាលខេត្តតាកែវ ជាប់ពន្ធនាគារ១៣ ឆ្នាំ នឹង ឡាយ ណារិទ្ធ អតីតស្នងការរងនគរបាលខេត្តតាកែវ ឱ្យជាប់ពន្ធនាគារ១០ ឆ្នាំ ពាក់ព័ន្ធករណីឃា.ត កម្មលើស្ត្រីមេម៉ាយរូបស្រស់កូន៣ អ្នកនាង ចេវ សុវឌ្ឍនា ។
សូមរម្លឹកថា តុលាការកំពូល នាព្រឹកថ្ងៃទី១០ ខែធ្នូ ឆ្នាំ២០២១ នេះបានបើកសវនាការជំនុំជម្រះក្តី លើបណ្តឹងសារទុករបស់ ឡាយ វណ្ណៈ និងបងប្រុស ឡាយ ណារិទ្ធ អតីតស្នងការរងខេត្តតាកែវ ដែលអ្នកទាំងពីរកំពុងជាប់ឃុំពន្ធនាគាររយៈពេលជាង៣ឆ្នាំកន្លងមកនោះ ដោយអំណាចសាលក្រមរបស់សាលាដំបូងរាជធានីភ្នំពេញ នឹងសាលដីកាសាលាឧទ្ទរណ៍ ពាក់ព័ន្ធករណីស្លា.ប់ស្ត្រីមេម៉ាយកូនបីរូបស្រស់ ចេវ សុវឌ្ឍនា ។ យ៉ាងណាមិញ ទាំង២នាក់បងប្អូន កំពុងដង្ហើយរកយុត្តិធម៌ ។
សវនាការបានធ្វើឡើងជាសាធារណៈ ក្រោមការដឹកនាំដោយលោក និល ណុល ប្រធានក្រុមប្រឹក្សាតុលាការកំពូល ចំពោះមុខជនជាប់ចោទ នឹងមេធាវីការពារក្តី ។ សវនាការបានដំណើរការសាកសួរដេញដោលដោយរលូន តាមនីតិវិធីរហូតដល់ចប់ វេលាព្រឹកថ្ងៃដដែលនោះ ទើបប្រធានក្រុមប្រឹក្សាអង្គជំនុំជម្រះក្តីលើកពេលប្រកាសសាល ទៅថ្ងៃទី២៤ ខែធ្នូ ។
កន្លងមក បងប្អូនប្រុសទាំង២នាក់ បានខិតខំប្រឹងប្រែងតតាំងក្តី ដោយអះអាងថាខ្លួនមិនពាក់ព័ន្ធក្នុងអំពើឃា.តក.ម្ម លើស្ត្រីមេម៉ាយរូបស្រស់ ចេវ សុវឌ្ឍនា ទេ ។
កាលពីថ្ងៃទី២៩ ខែកញ្ញា ឆ្នាំ២០២១ តុលាការកំពូលបានលើកយកបណ្តឹងសារទុកមួយនេះ មកបើកសវនាការជំនុំជម្រះក្តីម្តងរួចហើយ តែត្រូវបានតុលាការលើកពេល ដោយមូលហេតុជនជាប់ចោទ ឡាយ វណ្ណៈ មានបញ្ហាសុខភាព ។ សវនាការលើបណ្តឹងសារទុករបស់ជនជាប់ចោទ ឡាយ វណ្ណៈ នឹង ឡាយ ណារិទ្ធ នៅតុលាការកំពូល ត្រូវបានលើកពេលជាបន្តបន្ទាប់ ។ ជាក់ស្តែងនៅថ្ងៃទី១៣ ខែសីហា ឆ្នាំ២០២១ តុលាការកំពូលបានគ្រោងលើកយកសំណុំរឿងនេះ មកបើកសវនាការម្តងដែរ ប៉ុន្តែពាក់ព័ន្ធបញ្ហាការរាតត្បាតដោយជម្ងឺវីរុសកូវីដ-១៩ ក៏ត្រូវលើកពេលទៅវិញ ។ មិនមែនតែលើកនេះទេតុលាការកំពូល កាលពីព្រឹកថ្ងៃទី២៥ ខែធ្នូ ឆ្នាំ២០២០ បានលើកយកសំណុំរឿង ឡាយ វណ្ណៈ អតីតៈអភិបាលខេត្ត និង ឡាយ ណារិទ្ធ ស្នងការរងខេត្តតាកែវ មកបើកសវនាការជំនុំជម្រះក្តី តាមបណ្តឹងសារទុករបស់ជនជាប់ចោទម្តងដែរ ប៉ុន្តែសវនាការនោះត្រូវបានប្រកាសលើកពេល ដោយមូលហេតុជនជាប់ចោទឈ្មោះ ឡាយ វណ្ណៈ មានសុខភាពមិនល្អ ។
សូមបញ្ជាក់ទៀតថា សំណុំរឿងជនជាប់ចោទ ឡាយ វណ្ណៈ និងបងប្រុសឈ្មោះ ឡាយ ណារិទ្ធ ពាក់ព័ន្ធករណីឃា.ត កម្មលើស្ត្រីមេម៉ាយកូនបីរូបស្រស់ ចេវ សុវឌ្ឍនា កាលពីព្រឹកថ្ងៃទី២ ខែកញ្ញា ឆ្នាំ២០១៩ ត្រូវបានលោក ហម ម៉េងសែ ប្រធានក្រុមប្រឹក្សាចៅក្រមជំនុំជម្រះសាលាដំបូងរាជធានីភ្នំពេញ ប្រកាសសាលក្រមផ្តទន្ទាទោសទាំង២ នាក់បងប្អូន គឺលោក ឡាយ វណ្ណៈ ភេទប្រុស អាយុ៤៥ឆ្នាំ អតីតអភិបាលខេត្តតាកែវ ដាក់ពន្ធនាគារកំណត់រយៈពេល១៣ឆ្នាំ ពីបទ.ឃាតកម្ម តាមមាត្រា១៩៩ នៃក្រមព្រហ្មទណ្ឌ ។ សាលក្រមនេះក៏បានផ្តន្ទាទោសលោក ឡាយ ណារិទ្ធ ភេទប្រុស អាយុ៤៦ឆ្នាំ អតីតតស្នងការរងនគរបាលខេត្តតាកែវ និងជាបងប្រុសបង្កើតរបស់ ឡាយ វណ្ណៈ ដាក់ពន្ធនាគារកំណត់រយៈពេល១០ឆ្នាំ ពីបទ.សមគំនិតក្នុងអំពើឃា.ត កម្ម តាមមាត្រា១៩៩ នៃក្រមព្រហ្មទណ្ឌ ។ ផ្តន្ទាទោសជនជាប់ចោទឈ្មោះ ម៉េន សាម៉ៃ ភេទប្រុស អាយុ៣៦ឆ្នាំ អ្នកបើកបររថយន្តឲ្យ ឡាយ វណ្ណ: ដាក់ពន្ធនាគារកំណត់២ឆ្នាំ និង ផ្តន្ទាទោសលើជនជាប់ចោទឈ្មោះ ជឹម វុធ ហៅថូត ភេទប្រុស អាយុ៤១ឆ្នាំ ជាអ្នកបម្រើផ្ទះស្ត្រី ចែវ សុវឌ្ឍនា ដាក់ពន្ធនាគារកំណត់រយៈពេល ២ឆ្នាំ ទាំងពីរនាក់ពីបទ.លាក់បាំងតម្រុយក្នុងអំពើឃា.ត កម្ម តាមមាត្រា៥៣២ នៃក្រមព្រហ្មទណ្ឌ ។
ចំណែកជនជាប់ចោទឈ្មោះ ម៉េន សាម៉ៃ ភេទប្រុស អាយុ ៣៦ឆ្នាំ ជាអ្នកបើកបររបស់ ឡាយ វណ្ណ: និងឈ្មោះ ជឹម វុធ ហៅថូត ភេទប្រុស អាយុ ៤១ឆ្នាំ ជាអ្នកបម្រើនៅផ្ទះរបស់អ្នកស្រី ចែវ សុវឌ្ឍនា ពីបទ.លាក់បំបាំងតម្រុង ប្រព្រឹត្តកាលពីថ្ងៃទី២៦ ខែមករា ឆ្នាំ២០១៨ នៅចំណុចផ្ទះជួល ភូមិផ្សារតាកោរ សង្កាត់រកាក្នុង ក្រុងដូនកែវ ខេត្តតាកែវ លើជនរងគ្រោះឈ្មោះ ចេវ សុវឌ្ឍនា ដែលជាស្រីចំណាន់ ឡាយ វណ្ណៈ ។
ក្រោយពេលប្រកាសសាលក្រមនេះភ្លាម ជនជាប់ចោទគឺ ឡាយ វណ្ណៈ និងបងប្រុស ឡាយ ណារិទ្ធ បានប្រតិកម្ម កើតទុក្ខមិនសុខ ចិត្តចំពោះសាលក្រមនោះ ដែលគិតថា ការកាត់ក្តីមិនមានភាពយុត្តិធម៌ ដូច្នោះទើបជនជាប់ចោទ២ នាក់បងប្អូន បានប្រកាសប្តឺងឧទ្ធរណ៌តាមច្បាប់កំណត់ ។ ក្នុងនោះលោក ឡាយ វណ្ណៈ និង ឡាយ ណារិទ្ធ ធ្លាប់បានបដិសេធហើយថា ពីរនាក់បងប្អូនមិនបា នសម្លាប់អ្នកស្រី ចេវ សុវឌ្ឍនា ទេ ហើយបើមានពាក់ពន្ធមែននោះសូមឲ្យវត្ថុស័ក្តិសិទ្ធិបរាមុខ ឲ្យស្លា.ប់តៃហោងទាំងប្រពន្ធកូន និងធ្លាក់នរក៩ជាន់កុំឲ្យចាប់ជាតិ ។ ក្រោយមកសំណុំរឿងនេះត្រូវបានសភាស៊ើបសួរសាលាឧទ្ធរណ៍ លើកយកមកបើកសនាការ តាមបណ្តឹងរបស់ជនជាប់ចោទទើបសាលាឧទ្ធរណ៍បានប្រកាសសាដីកា សម្រេចនៅរក្សាសាលក្រមរបស់សាលាដំបូងរាជធានីភ្នំពេញ ទុកជាបានការដដែល ។
ដោយឡែក ជនជាប់ចោទជាអ្នកបម្រើ នឹងអ្នកបើកបររថយន្ត ត្រូវបានដោះលែងឲ្យមានសេរីភាពវិញ នៅពេលអនុវត្តទោសក្នុងពន្ធនាគារគ្រប់គ្រាន់ តាមអំណាចសាល ដីកា ។ ពេលសាលដីកាសាលាឧទ្ធរណ៍ប្រកាស នៅតែរក្សា នឹងតម្កល់ទុកសាលក្រមរបស់សាលាដំបូងរាជធានីភ្នំពេញនោះ ២ នាក់បងប្អូន នៅតែមិនសុខចិត្ត ក៏បានពឹងពាក់មេធាវីការពារក្តីឲ្យ ប្តឹងសារទុកទៅតុលាការកំពូល ដើម្បីទាមទាររកយុត្តិធម៍ឡើងវិញម្តងទៀត ។
ដូច្នេះបានជានៅព្រឹកថ្ងៃទី២៥ ខែធ្នូ តុលាការកំពូលលើកយកសំណុំរឿងនេះមកបើកសវនាការជំនុំជម្រះក្តី ប៉ុន្តែដោយជនជាប់ ចោទ ឡាយ វណ្ណៈ មានបញ្ហាសុខភាព សវនាការនោះត្រូវបានប្រកាសលើកពេលទៅវិញ ។
សូមរំលឹកថា អ្នកស្រី ចេវ សុវឌ្ឍនា ត្រូវគេប្រទះឃើញស្លាប់ដោយចងកនៅក្នុងបន្ទប់គេងរបស់នាង ដែលជាផ្ទះលោក ឡាយ វណ្ណៈ ជួលឲ្យស្នាក់នៅ ស្ថិតក្នុងភូមិផ្សារតាកោរ សង្កាត់រការក្នុង ក្រុងដូនកែវ ខេត្តតាកែវ កាលពីល្ងាចថ្ងៃទី២៦ ខែមករា ឆ្នាំ២០១៨ កន្លងទៅ ។ ដែលករណីខាងលើនោះតាមរបាយការរបស់សមត្តកិច្ចខេត្តតាកែវជំហ៊ានដំបូងថា សង្ស័យជាករណីជនរងគ្រោះចងកសម្លាប់ខ្លួន ប៉ុន្តែក្រោយមកគណៈកម្មការស៊ើប អង្កេត នៃនាយកដ្ឋានកណ្តាលនគរបាលយុត្តិធម៍ក្រសួងមហាផ្ទៃបានចុះបើកការស្រាវជ្រាវ ក៏បានរកឃើញជាអំពើឃាតកម្មទៅវិញ ។
ក្រោយពេលគណៈកម្មការស្រាវជ្រាវ សង្ស័យដឹងថា ជាអំពើឃា.ត កម្ម ទើបកម្លាំងសមត្តកិច្ចជំនាញ នៃនាយកដ្ឋាននគរបាលព្រហ្មទណ្ឌក្រសួងមហាផ្ទៃ បានធ្វើការឃាត់ខ្លួនជនពាក់ពន្ធជា បន្តបន្ទាប់ ដែលមានលោក ឡាយ វណ្ណៈ អតីតអភិបាលខេត្តតា កែវ និងលោក ឡាយ ណារិទ្ធ ជាស្នងការរង រួមជាមួយអ្នកបម្រើ និងតៃកុងឡានផងដែរ ។
មហាជនបាននិងកំពុងរង់ចាំមើល ការដង្ហើយទាមទាររកយុត្តិធម៍ ពីសំណាក់លោក ឡាយ វណ្ណៈ នឹង ឡាយ ណារិទ្ធ ពីរនាក់បងប្អូន តើទទួលបានផ្លែផ្កាយ៉ាងណា ទឹកចុងក្រោយនៅតុលាការកំពូលព្រឹកនេះ ។ ទីបំផុត ឡាយ វណ្ណៈ អតីតអភិបាលខេត្ត នឹងឡាយ ណារិទ្ធ សាលដីកាតុលាការកំពូល ប្រកាសតម្កល់សាលដីកា នឹងសាលក្រមរបស់តុលាការថ្នាក់ក្រោ មនៅតែរក្សាទុកជាបានការដដែល ៕
ចែករំលែកព័តមាននេះ