បើករថយន្តធន់ធំចុះពីស្ពានច្បារអំពៅ បុករះរថយន្តកង់បី និងម៉ូតូសរុប១១គ្រឿង រងរបួស១១នាក់
រាជធាភ្នំពេញ ៖ យ៉ាងហោចណាស់មនុស្សប្រុសស្រី ចំនួន១១នាក់ ខ្លះបាក់ដៃ ខ្លះបាក់ជើង និងបែកក្បាល មានទាំងជនជាតិខ្មែរ ៩នាក់ និងជនជាតិចិន…
រាជធាភ្នំពេញ ៖ យ៉ាងហោចណាស់មនុស្សប្រុសស្រី ចំនួន១១នាក់ ខ្លះបាក់ដៃ ខ្លះបាក់ជើង និងបែកក្បាល មានទាំងជនជាតិខ្មែរ ៩នាក់ និងជនជាតិចិន ២នាក់ផងដែរ បានរងរបួសធ្ងន់ និងស្រាល ត្រូវបានបញ្ជូនទៅកាន់មន្ទីរពេទ្យភ្លាមៗ ដោយសារតែរថយន្តឃ្លុប ដឹកទំនិញធន់ធំ មួយគ្រឿង បើកចុះពីស្ពានច្បារអំពៅ ហើយទៅបុករះ រថយន្តចំនួន ៣គ្រឿង កង់បីខ្មែរ ៣គ្រឿង កង់បីឥណ្ឌា ១គ្រឿង និងម៉ូតូចំនួន ៤គ្រឿងទៀត ។ ចំណែកឯបុរស ជាអ្នកបើករថយន្តបង្ក ត្រូវបានកម្លាំងមានសម្ថកិច្ច ចាប់ឃាត់ខ្លួន បានផងដែរ ។
ហេតុការណ៍បុករះនេះ បានកើតឡើងកាលពីវេលាម៉ោង០៣និង១៥នាទីរសៀល ថ្ងៃទី២៣ ខែធ្នូ ឆ្នាំ២០២១ នៅចំណុចខាងមុខស្ថានីយ៍ប្រេងឥន្ធនៈ ភីធីធី គល់ស្ពានអាកាសក្បាលថ្នល់ ផ្លូវព្រះមុនីរង្ស ក្នុងសង្កាត់ទន្លេបាសាក់ ខណ្ឌចំការមន ។
តាមប្រភពព័ត៌មានពីនគរបាល បានប្រាប់ឱ្យដឹងថា រថយន្តឃ្លុបបង្ក មានព៌ណខៀវ ពាក់ស្លាកលេខភ្នំពេញ 3G-3338 ដែលបើកបរដោយបុរសម្នាក់ និងត្រូវបានកម្លាំងមានសម្ថកិច្ចចាប់ឃាត់ខ្លួនបានភ្លាមៗផងដែរ ។
ចំណែករថយន្តរងគ្រោះ ចំនួន ៣គ្រឿង រួមមាន៖ ទី១-ម៉ាកព្រុស ព៌ណក្រហម ពាក់ស្លាកលេខ ភ្នំពេញ 2AP-2268 ទី២-ម៉ាក LEXUS RX 330 ពណ៌ទឹកមាស ពាក់ស្លាកលេខភ្នំពេញ 2Q-8748 និងទី៣- រថយន្តម៉ាក PAJERO ពណ៌ប្រផេះ ពាក់ស្លាកលេខ ភ្នំពេញ 2F-0421 កង់បីខ្មែរ ចំនួន ៣គ្រឿង កង់បីឥណ្ឌា ចំនួន១គ្រឿង និងម៉ូតូចំនួន៤គ្រឿង សរុបទាំងអស់ចំនួន ១១គ្រឿង ។
តាមប្រភពដដែល បានប្រាប់បន្តថា មុនពេលកើតហេតុ រថយន្តឃ្លុបដឹកទំនិញ ធន់ធំ ចំណុះ ៦តោនកន្លះ ដែលបើកបរដោយបុរសម្នាក់ បានបើកបរក្នុងទិសដៅ ពីកើតទៅលិច ចុះពីស្ពានច្បារអំពៅ ក្នុងល្បឿនយ៉ាងលឿន លុះមកដល់ខាងក្រោម ក៏ជាន់ហ្វ្រាំងមិនស៊ី ក៏ជ្រុលទៅបុករះជាបន្តបន្ទាប់ មានរថយន្ត កង់បីខ្មែរ កង់បីឥណ្ឌា និងម៉ូតូ សរុបទាំងអស់ ១១គ្រឿង ហើយក៏បានបង្កអោយមានអ្នករងរបួស ប្រុសស្រី មានទាំងជនជាតិខ្មែរ ជនជាតិចិន សរុបចំនួន ១១នាក់ ខ្លះបាក់ដៃ បាក់ជើង និងខ្លះទៀតបែកក្បាល ហូរឈាមដេករណូករណែល ពេញផ្លូវផងដែរ ។
ពាក់ពន្ធ័ទៅនឹងករណីគ្រោះថ្នាក់ចរាចរណ៍បុករះនេះ បុរសជាអ្នកបើកបររថយន្តបង្ក ក៏ត្រូវបានចាប់ឃាត់ខ្លួនបានភ្លាមៗផងដែរ ។
ក្រោយពេលកើតហេតុ ជនរងគ្រោះទាំង ១១នាក់ ក្នុងនោះមានពីរនាក់ប្តីប្រពន្ធជាជនជាតិចិន ត្រូវបានគេបញ្ជូនទៅកាន់មន្ទីរពេទ្យឯកជន និងពេទ្យរដ្ឋច្រើនកន្លែងផ្សេងៗគ្នាភ្លាមៗ ហើយកម្លាំងនគរបាលចរាចរណ៍ ខណ្ឌចំការមនសហការជាមួយ កម្លាំងការុយាល័យនគរបាលចរាចរណ៍ផ្លូវគោករាជធានីភ្នំពេញ ចុះមកធ្វើការវាស់វែង យករថយន្តឃ្លុបដឹកទំនិញធន់ធំ និងបុរសជាអ្នកបើកបររថយន្តបង្ក រួមទាំងរថយន្ត កង់បីខ្មែរ កង់បីឥណ្ឌា និងម៉ូតូ សរុបទាំង ១១គ្រឿង យកទៅរក្សាទុក ដើម្បីរង់ចាំធ្វើការដោះស្រាយគ្នាជាបន្តទៀត ៕
ចែករំលែកព័តមាននេះ