រាជធានីភ្នំពេញ ៖ រោងចក្របោកគក់សម្លៀកបំពាក់មួយកន្លែងបានទម្លាក់អុសលើគំនរធ្យូងមិនដឹងថា មានសល់រងើកភ្លើងឆេះផ្អើល សមត្ថកិច្ចហៅរថយន្តពន្លត់អគ្គិភ័យមកបាញ់ពន្លត់ទាន់ពេលវេលា បង្កអោយមានការភ្ញាក់ផ្អើល កាលពីវេលាម៉ោង១០និង៥០នាទីយប់ ថ្ងៃទី១៩ ខែធ្នូ ឆ្នាំ២០២១ នៅភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យ ។
តាមប្រភពព័ត៌មានពីស្ត្រីកម្មកររោងចក្របោកគក់សម្លៀកបំពាក់បានអោយដឹងថា រោងចក្របោកគក់សម្លៀកបំពាក់ខាងលើ មានឡដុតអុស ដើម្បីបោកគក់សម្លៀកបំពាក់នៅទីតាំងកន្លែងឆេះមានពំនូកផេះធ្យូងដែលចាក់ចោល មុនពេលកើតហេតុមានរថយន្តដឹកអុសរោងចក្រខាងលើ បានយកអុសមកទម្លាក់ដែលក្តៅងុំ បង្កអោយឆាបឆេះជាអណ្តាតភ្លើងឆេះយ៉ាងសន្ធោសន្ធៅខ្ពស់ជាងដំបូលរោងចក្រទៀតផង នឹងបណ្តាលឲ្យដាច់ខ្សែភ្លើងនៅខាងលើជាប់នឹងដំបូលរោងចក្រផងដែរ តែមិនបង្កអោយឆាបឆេះរាលដាលដល់ រោងចក្រនិងផ្ទះប្រជាពលរដ្ឋនោះទេ ។
ប្រភពព័ត៌មានពីកន្លែងកើតហេតុបានបន្តទៀតថា ខណៈពេលភ្លាមៗនោះបងប្អូនប្រជាពលរដ្ឋបានទូរស័ព្ទប្តឹងសមត្ថកិច្ច និងហៅរថយន្តពន្លត់អគ្គិភ័យមកបាញ់ពន្លត់ភ្លាមៗ ។ បន្ទាប់មករថយន្តពន្លត់អគ្គិភ័យរបស់ស្នងការរាជធានីភ្នំពេញបានមកចំនួន៣គ្រឿង តែបាញ់អស់ចំនួន២គ្រឿងបានរលត់ទៅវិញ ៕
ចែករំលែកព័តមាននេះ