ឡានដឹកទំនិញបើកលើផ្លូវសុខៗ ស្រាប់តែរ៉េចង្កូតធ្លា.ក់ប្រឡាយទឹក ប្រូង
- ភ្នំពេញ
រាជធានីភ្នំពេញ ៖ រថយន្តសណ្តោងដឹកទំនិញមួយគ្រឿង សង្ស័យអ្នកបើកបរងងុយដេកបានរ៉េចង្កូតធ្លាក់ផ្លូវ ដាំក្បាលធ្លា.ក់ចូល
រាជធានីភ្នំពេញ ៖ រថយន្តសណ្តោងដឹកទំនិញមួយគ្រឿង សង្ស័យអ្នកបើកបរងងុយដេកបានរ៉េចង្កូតធ្លាក់ផ្លូវ ដាំក្បាលធ្លា.ក់ចូលប្រឡាយទឹក បណ្តាលឲ្យទំនិញនៅលើរថយន្តធ្លា.ក់រាយប៉ាយរងការខូចខាត តែមិនបណ្តាលឱ្យមនុស្សណាម្នាក់រងគ្រោះថ្នាក់នោះទេ ។
ហេតុការណ៍ខាងលើនេះបានកើតឡើងកាលពីវេលាម៉ោង១២និង៣០នាទីរំលងអាធ្រាត្រឈានចូលថ្ងៃទី២០ ខែធ្នូ ឆ្នាំ២០២១ ត្រង់ចំណុចក្បែររណ្ដៅដីតាកៅ តាមបណ្ដោយផ្លូវវិមានឈ្នះៗ ស្ថិតក្នុងភូមិកប់ស្រូវតូច សង្កត់គោករកា ខណ្ឌព្រែកព្នៅ រាជធានីភ្នំពេញ ។
តាមប្រភពព័ត៌មានបានឲ្យដឹងថា មុនពេលកើតហេតុ គេឃើញបុរសម្នាក់បើកបររថយន្តធន់ធំមួយគ្រឿង ពណ៌ខៀវ ជាប្រភេទរថយន្តសណ្ដោងដឹកភេសជ្ជៈ ពាក់ស្លាកលេខ ភ្នំពេញ 3B-3466 ធ្វើដំណើរតាមបណ្ដោយផ្លូវទៅវិមានឈ្នះឈ្នះ ក្នុងគោលដៅពីកើតទៅលិច ក្នុងល្បឿនលឿន លុះដល់ចំណុចកើតហេតុខាងលើ សង្ស័យអ្នកបើកបររថយន្តងងុយដេករួចក៏បានងោកមួយភាំងធ្វើឲ្យរថយន្តរ៉េចង្កូតទៅខាងស្ដាំ ធ្លា.ក់ចេញពីផ្លូវជ្រុលសំយ៉ុងក្បាលចូលក្នុងប្រឡាយទឹក បណ្តាលឲ្យភេសជ្ជៈនៅលើរថយន្តជ្រុះធ្លា.ក់រប៉ាត់រប៉ាយរងការខូចខាត តែមិនបណ្តាលឱ្យមនុស្សណាម្នាក់រងគ្រោះថ្នាក់ឡើយ ។
ភ្លាមៗនោះ អ្នកបើកបររថយន្តក៏បានបើកទ្វាររថយន្តគេចខ្លួនចេញពីកន្លែងកើតហេតុបាត់ស្រមោល បន្សល់ទុកតែរថយន្តប៉ុណ្ណោះ។ បន្ទាប់មកក៏មានកម្លាំងសមត្ថកិច្ចមូលដ្ឋានបានចុះទៅជួយធ្វើការអន្តរាគមន៍ភ្លាមៗផងដែរ។
ក្រោយពេលកើតហេតុ សមត្ថកិច្ចមូលដ្ឋានក៏បានទាក់ទងហៅរថយន្តជំនាញឲ្យចុះមកធ្វើការស្ទូចយករថយន្តទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ រង់ចាំម្ចាស់រថយន្តយកឯកសារពាក់ព័ន្ធមកទទួលយករថយន្តត្រឡប់ទៅវិញនៅពេលក្រោយជាបន្តទៀត៕
ចែករំលែកព័តមាននេះ