រាជធានីភ្នំពេញ ៖ ព្រោះតែរឿងជិះម៉ូតូប៊ិះរកប៉ះគ្នា ក៏ឈានដល់ការជម្លោះពាក្យសម្ដី រហូតធ្វើអោយភាគីម្ខាង ដែលជាជនដៃដល់
រាជធានីភ្នំពេញ ៖ ព្រោះតែរឿងជិះម៉ូតូប៊ិះរកប៉ះគ្នា ក៏ឈានដល់ការជម្លោះពាក្យសម្ដី រហូតធ្វើអោយភាគីម្ខាង ដែលជាជនដៃដល់ បានដកកាំភ្លើ.ងបា.ញ់ទៅលើភាគីម្ខាងទៀតចំនួន៣គ្រាប់ បណ្តាលអោយបុរសម្នាក់រងរបួសធ្ងន់ ។
ហេតុការណ៍ខាងលើនេះដែរ បានកើតឡើងកាលពីវេលាម៉ោង១០យប់ថ្ងៃទី១៦ ខែធ្នូ ឆ្នាំ២០២១ នៅចំនុចស្តុបស្ពានដែកចំការដូង ផ្លូវ២១៧ កែងផ្លូវ៣៧១ ស្ថិតក្នុងសង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ ។
ជនរងគ្រោះឈ្មោះ ឡាយ សៀកឡេង ភេទប្រុស អាយុ៣២ឆ្នាំ មុខរបរលក់ទូរស័ព្ទដៃ ស្នាក់នៅផ្ទះលេខ៣៥៧ ផ្លូវជាតិលេខ៥ ភូមិមិត្តភាព សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ ជិះម៉ូតូមួយគ្រឿងម៉ាក ស្គូពី ពណ៌ខៀវ ពាក់ស្លាកលេខ ភ្នំពេញ 1IV 5692 ។
ចំណែកជនដៃដល់មិនស្គាល់អត្តសញ្ញាណនោះទេ ប៉ុន្តែសមត្ថកិច្ចបានហូតម៉ូតូមួយគ្រឿង ម៉ាកស្គូពី ពណ៌ស ពាក់ស្លាកលេខ ភ្នំពេញ 1GU 9897 និងសំបកកន្ទុះចំនួន២គ្រាប់ ជារបស់ជនដៃដល់ផងដែរ ។
តាមប្រភពពីទីតាំងកើតហេតុខាងលើ បានអោយដឹងថា មុនពេលកើតហេតុ គេបានឃើញភាគីខាងជនរងគ្រោះមានគ្នា៣នាក់ជិះម៉ូតូជាលក្ខណៈគ្រួសារ ក្នុងនោះមានប្តី ប្រពន្ធ និងកូនតូច ដោយបុរសជាប្តីដែលជាជនរងគ្រោះ ជាអ្នកឌុបធ្វើដំណើរតាមបណ្ដោយផ្លូវ២១៧ ក្នុងទិសដៅពីត្បូងទៅជើង លុះមកដល់ចំណុចកើតហេតុ ដែលជាផ្លូវបំបែកជាបួន ស្រាប់តែមានបុរសជាជនដៃដល់ម្នាក់ បានជិះម៉ូតូមួយគ្រឿងម៉ាកស្គូពី ពណ៌ស ធ្វើដំណើរតាមបណ្ដោយផ្លូវ៣៧១ ក្នុងទិសពីកើតទៅលិច ហើយមកដល់ចំនុចកើតហេតុប៊ិះប៉ះគ្នា ដោយម្នាក់ៗចង់ជិះទៅមុន ទើបឈានដល់ជម្លោះពាក្យសម្ដីបន្តិចបន្តួច ។
តាមប្រភពខាងលើបានបន្តថា ពេលនោះ ស្រាប់តែបុរសជាជនដៃដល់បានដកកាំភ្លើ.ងខ្លីមិនស្គាល់ម៉ាក ចេញពីកាបូបស្ពាយ ហើយបា.ញ់ស្រោចទៅលើបុរសរងគ្រោះចំនួន៣គ្រាប់ ក្នុងនោះគ្រាប់ទី១ ត្រូវចំក្រោមដោះខាងស្តាំ គ្រាប់ទី២ ត្រូវចំគល់ភ្លៅខាងស្ដាំ និងគ្រាប់ទី៣ ត្រូវចំថ្លើមដៃខាងឆ្វេង បណ្ដាលអោយជនរងគ្រោះដេកដួលក្នុងថ្លុ.កឈា.ម ត្រូវបានរថយន្ដសង្គ្រោះដឹកយកទៅសង្គ្រោះនៅមន្ទីរពេទ្យព្រះកុសុមៈ ហៅពេទ្យលោកសង្ឃ ភ្លាមៗផងដែរ ។
ដោយឡែកជនដៃដល់វិញ ក៍ជិះម៉ូតូគេចខ្លួន រហូតដល់ម្តុំបុរីលឹមឈាងហាក់ សង្កាត់ស្ទឹងមានជ័យទី៣ ខណ្ឌមានជ័យ ក៏ផ្តួលម៉ូតូចោល ហើយរត់គេចខ្លួនបាត់ស្រមោលតែម្តង ។
ក្នុងហេតុការណ៍ខាងលើនេះដែរ បន្តិចក្រោយមក គេឃើញមានកម្លាំងសមត្ថកិច្ចមូលដ្ឋាន ក៍ដូចជាកម្លាំង អាវុធហត្ថខណ្ឌមានជ័យ បានចុះទៅទីតាំងកើតហេតុ ដើម្បីសាកសួរពីដំណើររឿង ព្រមទាំងបានរកឃើញសំបកកន្ទុះចំនួន២គ្រាប់ តែមិនទាន់ដឹងថា ជាប្រភេទគ្រាប់កាំភ្លើងម៉ាកអ្វីនៅឡើយនោះទេ ។
ក្រោយពេលកើតហេតុ សមត្ថកិច្ចមូលដ្ឋានក៍បានយកវត្ថុតាងម៉ូតូរបស់ជនដៃដល់ និងសំបកកន្ទុះ រួមជាមួយនឹងម៉ូតូរបស់ជនរងគ្រោះ ទៅរក្សាទុកនៅប៉ុស្តិ៍នគរបាលរដ្ឋបាលស្ទឹងមានជ័យទី២ ដើម្បីសមត្ថកិច្ចធ្វើការស្រាវជ្រាវរកជនដៃដល់មកចាត់ការតាមច្បាប់ ៕
ចែករំលែកព័តមាននេះ