ម៉ូតូកង់បីជិះបំពានភ្លើងស្តុប បង្កគ្រោះថ្នាក់ ផ្អើ.លស្តុបអនុវិទ្យាល័យចតុមុខ
- ភ្នំពេញ
រាជធានីភ្នំពេញ ៖ ម៉ូតូកង់បីឥណ្ឌាមួយគ្រឿងបើកបំពានភ្លើងស្តុបចរាចរណ៍ ក៏ត្រូវម៉ូតូធំមួយគ្រឿងបើកលឿនធ្វើដំណើរឆ្លងកាត់
រាជធានីភ្នំពេញ ៖ ម៉ូតូកង់បីឥណ្ឌាមួយគ្រឿងបើកបំពានភ្លើងស្តុបចរាចរណ៍ ក៏ត្រូវម៉ូតូធំមួយគ្រឿងបើកលឿនធ្វើដំណើរឆ្លងកាត់ទទឹងផ្លូវគ្នាមកបុកចំពាក់កណ្ដាលម៉ូតូកង់បីយ៉ាងពេញទំហឹង បណ្តាលឲ្យក្រឡាប់ផ្ងារជើងខ្ទាតទៅបុ.ករថយន្តម៉ាកព្រូសមួយគ្រឿងទៀត កំពុងឈប់ស្តុប បណ្តាលឱ្យរងការខូចខាត និងបណ្តាលឱ្យអ្នករួមដំណើរភាគីខាងម៉ូតូធំរងរបួសធ្ងន់សន្លប់ស្តូកស្តឹង ។
ហេតុការណ៍ខាងលើនេះបានបង្កការភ្ញាក់ផ្អើលកើតឡើងកាលពីវេលាម៉ោង12និង12នាទីរំលងអធ្រាតឈានចូលថ្ងៃទី16 ខែធ្នូ ឆ្នាំ2021 នៅចំនុចស្តុបអនុវិទ្យាល័យចតុមុខ ផ្លូវព្រះនរោត្តម កែងផ្លូវ214 សង្កាត់ បឹងរាំង ខណ្ឌដូនពេញ រាជធានីភ្នំពេញ។
តាមប្រភពពីម្ចាស់រថយន្តម៉ាកព្រូស បានឱ្យដឹងថា មុនពេលកើតហេតុ គាត់បើករថយន្តធ្វើដំណើរតាមបណ្ដោយមហាវិថីព្រះនរោត្តម ក្នុងទិសដៅពីជើងទៅត្បូង លុះមកដល់ចំនុចស្តុបអនុវិទ្យាល័យចតុមុខ ស្តុបបញ្ជាចរាចរណ៍ក៏លោតភ្លើងពណ៌ទឹកក្រូច គាត់ក៏បន្ថយល្បឿនឈប់ ។
តាមប្រភពដដែលបានបន្តថា ភ្លាមៗនោះ ក៏មានម៉ូតូកង់បីមួយគ្រឿង ពណ៌ស ពាក់ស្លាកលេខ កណ្ដាល 1AG-6188 ដឹកភ្ញៀវនារី3នាក់ ធ្វើដំណើរតាមបណ្ដោយមហាវិថីព្រះនរោត្តម ក្នុងទិសដៅពីត្បូងទៅជើងក្នុងល្បឿនលឿនមកដល់ចំនុចកើតហេតុ បានបើកបំពានភ្លើងស្តុប ក៏ត្រូវម៉ូតូធំមួយគ្រឿងម៉ាក XR ពណ៌ស ពាក់ស្លាកលេខ កណ្ដាល 1AG-6188 បើកបរដោយបុរសម្នាក់ និងបុរសម្នាក់ទៀតជាអ្នករួមដំណើរ បើកឆ្លងកាត់ទទឹងផ្លូវគ្នាមកតាមបណ្ដោយផ្លូវ214 ក្នុងល្បឿនលឿនដូចហោះ ក៏បុកចំពាក់កណ្ដាលម៉ូតូកង់បីឥណ្ឌា បណ្តាលឱ្យក្រឡាប់វិលក្បាលត្រឡប់ក្រោយខ្ទាតទៅបុ.ករថយន្តម៉ាកព្រូសរបស់គាត់កំពុងឈប់ស្តុប បណ្តាលឲ្យក្រពិតទ្វារបែកភ្លើងស្តុប ចំណែកម៉ូតូកង់បី ខូចខាតធ្ងន់ធ្ងរ ចំណែកអ្នកនៅក្នុងម៉ូតូកង់បីរងរបួសស្រាល និងបណ្តាលឱ្យភាគីខាងម៉ូតូធំ របួសធ្ងន់អ្នករួមដំណើរម្នាក់ ត្រូវបានរថយន្តបញ្ជូនខ្លួនទៅសង្គ្រោះភ្លាមៗផងដែរ ។
ក្រោយពេលកើតហេតុ ភាគីទាំងបីក៏ប្រគល់អោយសមត្ថកិច្ចជំនាញវាស់វែងយកទៅរក្សាទុករង់ចាំដោះស្រាយគ្នានៅពេលក្រោយទៀត ៕
ចែករំលែកព័តមាននេះ