អនិច្ចាអ្វីម្ល៉េះ ! ស្លា.ប់ទាំងមានផ្ទៃពោះ៦ខែ
ខេត្តកំពង់ធំ ៖ គួរឲ្យអាណោចអាធ័មខ្លាំងណាស់ដែលស្ត្រីម្នាក់កំពុងមានផ្ទៃពោះ៦ខែបានស្លា.ប់ភ្លាមៗនៅកន្លែងកើតហេតុ រីឯប្តីរងរបួសធ្ងន់ដោយសារគ្រោះថ្នាក់ចរាចរណ៍
ខេត្តកំពង់ធំ ៖ គួរឲ្យអាណោចអាធ័មខ្លាំងណាស់ដែលស្ត្រីម្នាក់កំពុងមានផ្ទៃពោះ៦ខែបានស្លាប់ភ្លាមៗនៅកន្លែងកើតហេតុ រីឯប្តីរងរបួសធ្ងន់ដោយសារគ្រោះថ្នាក់ចរាចរណ៍កាលពីវេលាម៉ោង១ និង២៥នាទីថ្ងៃត្រង់ ថ្ងៃទី២៨ ខែឧសភា ឆ្នាំ២០១៦ នៅលើផ្លូវលេខ៧១ ស្ថិតក្នុងភូមិត្រស់ ឃុំបល្ល័ង្គ ស្រុកបារាយណ៍ ខេត្តកំពង់ធំ ។
សមត្ថកិច្ចឲ្យដឹងថា ជនរងគ្រោះឈ្មោះ សេង សុខឡេង អាយុ២២ឆ្នាំ ជាប្រពន្ធ ព្រមទាំងកូនក្នុងផ្ទៃបានស្លាប់ភ្លាមៗ រីឯប្តីឈ្មោះ ង៉ាន មេងលី អាយុ២៧ឆ្នាំ បានរបួសធ្ងន់ ។ ទាំង២នាក់នេះរស់នៅភូមិក្រសាំងជ័យ ឃុំបារាយណ៍ស្រុកបារាយណ៍ ខេត្តកំពង់ធំ ។ ចំណែកភាគីខាងរថយន្តបើកបរដោយឈ្មោះ ហ៊ុន សីហា ភេទប្រុស អាយុ២៧ឆ្នាំ នៅភូមិបារាយណ៍ធំ ឃុំបារាយណ៍ ស្រុកបារាយណ៍ ខេត្តកំពង់ធំ ។ សមត្ថកិច្ចបញ្ជាក់ថា ជនរងគ្រោះ និងជនបង្ករស់នៅម្ខាងផ្លូវម្នាក់ ។
ប្រភពនៅកន្លែងកើតហេតុបានអោយដឹងថា មុនពេលកើតហេតុគេឃើញ២នាក់ប្តីប្រពន្ធរងគ្រោះជិះម៉ូតូ១គ្រឿងម៉ាក ហុងដា ឌ្រីម សេ១២៥ ពណ៌ខ្មៅ ស៊េរីឆ្នាំ២០១៣ ពាក់ស្លាកលេខ កំពង់ធំ 1S-5835 ឆ្លងកាត់ស្តុបដែលមានសញ្ញាភ្លើងខៀវត្រឹមត្រូវ(ពីលិចទៅកើត) ខណៈនោះដែរគេឃើញរថយន្តម៉ាក CRV ពណ៌ទឹកប្រាក់ ពាក់ស្លាកលេខ កំពង់ធំ 2A-1899 បើកមកពីក្រោយក្នុងល្បឿនលឿនដូចហោះទៅបុកអ្នកជិះម៉ូតូពីរអ្នកប្តីប្រពន្ធពេញទំហឹង បណ្តាលឲ្យស្ត្រីជាប្រពន្ធបែកក្បាលស្លាប់ទាំងកូនក្នុងផ្ទៃ៦ខែភ្លាមៗនៅនឹងកន្លែងកើតហេតុ ចំណែកបុរសប្តីរបួសធ្ងន់ត្រង់ក្បាលបញ្ជូនយកទៅសង្គ្រោះនៅមន្ទីពេទ្យក្រុងភ្នំពេញ ។ ប្រភពបញ្ជាក់ផងដែរថា ប្តីប្រពន្ធរងគ្រោះឌុបគ្នាក្នុងគោលបំណងទៅលេងកំសាន្តនៅទំនប់១មករា ។
ប្រភពបន្តថា ភ្លាមៗនោះអ្នកបើកបររថយន្តបានព្យាយាមបើករត់គេចខ្លួន តែរត់ទៅដល់ចំណុចភូមិពណ្ណារាយណ៍ ឃុំចើងដើង ត្រូវកម្លាំងអាវុធហត្ថស្ទាក់ចាប់បាន ៕
ចែករំលែកព័តមាននេះ