ឃាត់ខ្លួនជនសង្ស័យ៣នាក់ រួមជាមួយវត្ថុតាងប្រើប្រាស់គ្រឿងញៀ.ន
ខេត្តបាត់ដំបង ៖ នៅវេលាម៉ោង៣និង៣០នាទី ថ្ងៃទី២៥ ខែឧសភានេះ ស្ថិតក្នុងភូមិវត្តគ សង្កាត់វត្តគ ក្រុងបាត់ដំបង សមត្ថកិច្ចឃាត់ខ្លួនបុរស៣នាក់ពាក់ព័ន្ធករណីគ្រឿងញៀ.ន ។
ខេត្តបាត់ដំបង ៖ នៅវេលាម៉ោង៣និង៣០នាទី ថ្ងៃទី២៥ ខែឧសភានេះ ស្ថិតក្នុងភូមិវត្តគ សង្កាត់វត្តគ ក្រុងបាត់ដំបង សមត្ថកិច្ចឃាត់ខ្លួនបុរស៣នាក់ពាក់ព័ន្ធករណីគ្រឿងញៀន ។ តាមប្រភពពីសមត្ថកិច្ចបានលើកឡើងថា ដំបូងឡើយសមត្ថកិច្ចមកធ្វើការអន្តរាគមន៍គឺក្នុងករណីហិង្សាតែប៉ុណ្ណោះ តែលុះដល់តាមដានសាច់រឿងទើបបែកការថា ក្រុមនេះជាមុខសញ្ញាអ្នកប្រើប្រាស់ និងចែកចាយគ្រឿងញៀន ។
ភ្លាមៗនោះនគរបាលព្រហ្មទណ្ឌផ្នែកបង្កា និងបង្ក្រាបគ្រឿងញៀន បានឃាត់ខ្លួនជនសង្ស័យ៣នាក់ ១.ឈ្មោះ លួម សាវ័ន ភេទប្រុស អាយុ២១ឆ្នាំ ២.ឈ្មោះ រិទ្ធ យូរ៉ា ភេទប្រុស អាយុ២១ឆ្នាំ ទាំងពីរនាក់នេះរស់នៅភូមិសំរោង ឃុំសំរោងក្នុង ស្រុកឯកភ្នំ និងទី៣.ឈ្មោះ ថេត សុជាតា ហៅតា ភេទប្រុស អាយុ២៧ឆ្នាំ ដែលជាម្ចាស់ផ្ទះ រស់នៅភូមិឃុំកើតហេតុខាងលើ ។ ក្រោយពីធ្វើការបង្ក្រាប សមត្ថកិច្ចដកហូតបានវត្ថុតាងរួមមាន ថ្នាំញៀនប្រភេទម្សៅក្រាមពណ៌ស (ម៉ាទឹកកក)៥កញ្ចប់តូច កាំភ្លើងច្នៃ ឧបករណ៍ឆក់ត្រី ឧបករណ៍ប្រើប្រាស់ថ្នាំញៀន និងសម្ភារច្រើនទៀត ។ ទីបំផុតសមត្ថកិច្ចបាននាំខ្លួនជនសង្ស័យទាំង៣ រួមទាំងវត្ថុតាង ទៅកាន់ស្នងការដ្ឋានខេត្ត ដើម្បីចាត់ការទៅតាមផ្លូវច្បាប់ ៕
ចែករំលែកព័តមាននេះ