ចឹងសោះ រំខានគេទាំងយប់គ្រប់គ្នា
រាជធានីភ្នំពេញ ៖ បុរសជនជាតិចិនម្នាក់ស្រវឹងស្រាឈប់រថយន្តបត់ជើងតូចតាមផ្លូវភ្លេចសោក្នុងរថយន្តខឹងមួរម៉ៅដើរវាយជញ្ជាំងផ្ទះប្រជាពលរដ្ឋ និងទាត់ធាក់របស់របរនៅតាមចិញ្ចើមផ្លូវ
រាជធានីភ្នំពេញ ៖ បុរសជនជាតិចិនម្នាក់ស្រវឹងស្រាឈប់រថយន្តបត់ជើងតូចតាមផ្លូវភ្លេចសោក្នុងរថយន្តខឹងមួរម៉ៅដើរវាយជញ្ជាំងផ្ទះប្រជាពលរដ្ឋ និងទាត់ធាក់របស់របរនៅតាមចិញ្ចើមផ្លូវ បង្កអោយមានការភ្ញាក់ផ្អើលកាលពីវេលាម៉ោង១០យប់ ថ្ងៃទី២៤ ខែឧសភា ឆ្នាំ២០១៦ នៅតាមបណ្តោយផ្លូវបេតុង ស្ថិតក្នុងភូមិចាក់ជ្រូក សង្កាត់សំរោងក្រោម ខណ្ឌពោសែនជ័យ ។
បុរសជនជាតិបង្កភាពអុកឡុកនោះមិនត្រូវបានគេស្គាល់អត្តសញាណឡើយ គ្រាន់តែដឹងថាមានអាយុជាង៣០ឆ្នាំ បើករថយន្តម៉ាក SANTA ពណ៌ស្ករ ពាក់ស្លាកលេខ ភ្នំពេញ 2AG-7482 ។
តាមប្រភពព័ត៌មានពីកន្លែងកើតហេតុបាននិយាយថា មុនពេលកើតហេតុគេបានលឺសូរសន្ធឹករថយន្តខាងលើបើកតាមផ្លូវបេតុងភូមិចាក់ជ្រូក លុះមកដល់ចំណុចកើតហេតុខាងលើបានឈប់រថយន្តបត់ជើងតូច ស្រាប់តែភ្លេចកូនសោក្នុងរថយន្តហើយចាក់ឡុកសោជាប់ ធ្វើឲ្យបុរសជនជាតិចិនដែលជាអ្នកបើករថយន្តអត់ចេះនិយាយភាសាខ្មែរ បានស្រែកហៅប្រជាពលរដ្ឋឲ្យជួយទៅគោះជញ្ជាំងផ្ទះប្រជាពលរដ្ឋធ្វើឲ្យប្រជាពលរដ្ឋភ័យអត់ហ៊ានចេញក្រៅទេ ហើយជនជាតិស្រវឹងស្រាផងនោះមួម៉ៅស្រែកឡូឡា និងលើកគ្រែដាក់នៅមុខផ្ទះទុកសម្រាប់លក់ដូរវាយបាក់បែកខ្ចាត់ខ្ចាយ ទើបប្រជាពលរដ្ឋរាយទៅសមត្ថកិច្ចចុះមកដល់កន្លែងកើតហេតុ បានសួរនាំជនជាតិចិន រួចហើយបានរិះរកវិធីជួយយកកូនសោរថយន្តដោយយកញញួរវាយបែកកញ្ចក់រថយន្តយកកូនសោបានវិញ ហើយបុរសជាជនជាតិបានទូរស័ព្ទហៅមិត្តភក្កិជាជនជាតិចិនជិះរថយន្តមួយគ្រឿងទៀតមកជួយអន្តរាគមន៍ផងដែរ ។
បន្ទាប់ពីយកកូនសោរថយន្តបានហើយ សមត្ថកិច្ចបានប្រាប់ទៅជនជាតិចិនជាអ្នកបើករថយន្តឲ្យសងសំណងទៅម្ចាស់ផ្ទះដែលក្រពិតជញ្ជាំងផ្ទះ និងបាក់គ្រែ ព្រមទាំងរបស់របរមួយចំនួនទៀតចំនួន៨០ដុល្លារបញ្ចប់រឿងនៅកន្លែងកើតហេតុ ៕
ចែករំលែកព័តមាននេះ