ស្តាប់ចំបទ Sad យុវជនម្នាក់ធ្វើរឿងស្មានមិនដល់២ដង ត្រឹម១យប់
- ភ្នំពេញ
រាជធានីភ្នំពេញ ៖ យុវជនម្នាក់ផឹកស្រាស្រវឹងស្តាប់ចំរៀងចំបទមនោសញ្ចេតនាខូចចិត្ត ស្រាប់តែចូលតួអង្គុយយំ បែកគំនិតរត់ទៅ
រាជធានីភ្នំពេញ ៖ យុវជនម្នាក់ផឹកស្រាស្រវឹងស្តាប់ចំរៀងចំបទមនោសញ្ចេតនាខូចចិត្ត ស្រាប់តែចូលតួអង្គុយយំ បែកគំនិតរត់ទៅ
រាជធានីភ្នំពេញ ៖ យុវជនម្នាក់ផឹកស្រាស្រវឹងស្តាប់ចំរៀងចំបទមនោសញ្ចេតនាខូចចិត្ត ស្រាប់តែចូលតួអង្គុយយំ បែកគំនិតរត់ទៅច.ង ក ក្នុងបន្ទប់ស្នាក់នៅ តែសំណាងល្អអ្នកធ្វើការជាមួយគ្នាជួយឃាត់ទាន់ និងនិយាយហាមមិនស្តាប់ ក៏បានទាត់៣ជើង ធ្វើឱ្យយុវជនរូបនោះតូចចិត្ត រត់ទៅស្ពានជ្រោយចង្វារបម្រុងលោ.តទឹកទៀត ក៏ត្រូវប្រជាពលរដ្ឋឃាត់ទាន់ម្តងទៀត បង្កការភ្ញាក់ផ្អើលកាលពីវេលាម៉ោង១០និង៥០នាទីយប់ថ្ងៃទី១២ ខែធ្នូ ឆ្នាំ២០២១ នៅលើស្ពានជ្រោយចង្វាចាស់ សង្កាត់ស្រះចក ខណ្ឌដូនពេញ រាជធានីភ្នំពេញ ។
យុវជនគិតខ្លីរូបនោះឈ្មោះ ពុធ អាយុ២១ឆ្នាំ មុខរបរកម្មករសំណង់ ស្នាក់នៅផ្លូវរទេះភ្លើង ក្រោយវត្តនាគវ័ន្ត ស្ថិតក្នុងសង្កាត់ស្រះចក ខណ្ឌដូនពេញ មានស្រុកកំណើតនៅស្រុកកំពង់ត្រឡាច ខេត្តកំពង់ឆ្នាំង ។
បើតាមសម្តីអ្នកឃើញហេតុការណ៍បានឲ្យដឹងថា មុនពេលកើតហេតុ គេឃើញយុវជនខាងលើបានអង្គុយយំនៅលើបង្កាន់ដៃស្ពានជ្រោយចង្វារគួរឲ្យសង្ស័យ ក៏នាំគ្នាចូលទៅចាប់ឃាត់ និងសួរនាំ ទើបយុវជនគិតខ្លីខាងលើបានរៀបរាប់ប្រាប់ទាំងទឹកភ្នែកថា រូបគាត់ត្រូវបានអ្នកធ្វើការជាមួយគ្នាវា.យគាត់រាល់ថ្ងៃ ហើយរូបគាត់មិនហ៊ានតដៃទេ និងថែមទាំងបណ្តេញរូបគាត់ចេញពីបន្ទប់ស្នាក់នៅទៀត ។ មិនត្រឹមតែវា.យគាត់នោះទេ ថែមទាំងមើលងា.យគាត់ថាអ្នកក្រទៀត ធ្វើអោយគាត់អន់ចិត្ត ក៏សម្រេចចិត្តចង់បញ្ចប់ជីវិតខ្លួនបែបនេះតែម្ដង។
ដោយឡែកបើតាមប្រភពពីមេការសំណង់ឈ្មោះ ណាក់ បានប្រាប់ឱ្យដឹងថា រូបគាត់ពិតជាបានវា.យ និង ទាត់យុវជនខាងលើពិតប្រាកដមែន ព្រោះតែហាមមិនស្តាប់ និងជាមនុស្សមានអត្តចរិកចម្លែកខុសគេ អោយតែផឹកស្រាស្រវឹងដឹងតែអង្គុយយំកើតទុក្ខហើយ ។
បុរសជាមេការសំណង់ខាងលើបានបន្តថា មុនមានការភ្ញាក់ផ្អើល គឺរូបគាត់ និងយុវជនខាងលើ រួមទាំងមិត្តភក្តិរួមការងារផ្សេងទៀតបាននាំគ្នាផឹកស៊ី រាំសប្បាយ នៅបន្ទប់ស្នាក់នៅរបស់កម្មករជុំគ្នាយ៉ាងសប្បាយ ហើយយុវជនខាងលើផឹកស្រាអស់ចំនួន៥កំប៉ុង ស្រវឹងចាក់បទចំរៀងញ៉ាក់ៗរាំសប្បាយ លុះដល់ពេលគេចាក់ចំរៀងចំបទមនោសញ្ចេតនា ដែលគេនិយមហៅថា បទ sad ស្រាប់តែយុវជនរូបនោះចូលតួតាមបទចម្រៀង អង្គុយយំតែម្នាក់ឯង អស់ពីយំក៏រត់ចូលបន្ទប់យកខ្សែច.ងនឹងធ្នឹមផ្ទះ បម្រុងច.ង ក ក៏ត្រូវអ្នកធ្វើការជាមួយគ្នាឃើញទាន់ ស្រែកឆោឡោ ផ្អើលដល់គាត់រត់ស្ទុះទៅចាប់ទាញទម្លាក់មកវិញ ហើយនិយាយលួងលោមឃាត់មិនស្តាប់ ក៏ទាត់បីជើង និងទះពីរដៃ នៅមុខអ្នករួមការងារទាំងអស់គ្នា ។
បុរសជាមេការសំណង់បានបន្តទៀតថា បន្ទាប់ពីហាមមិនស្តាប់ គាត់បាននិយាយលេងសើចថា បើចង់ស្លា.ប់ ប្រមូលខោអាវ ចេញពីបន្ទប់ទៅលោ.តទឹកស្ពានជ្រោយចង្វារទៅ កុំនៅអោយចង្រៃបន្ទប់គេ និយាយចប់ក៏នាំគ្នាចេញទៅក្រៅផឹកស៊ីបន្តទៀត លុះភ្លេចខ្លួនមួយភ្លែត ស្រាប់តែបាត់យុវជនខាងលើ និងបាត់ទាំងខោអាវទៀត ទើបភ្ញាក់ផ្អើលតាមរក ស្រាប់តែឃើញទៅលោ.តទឹកនៅលើស្ពានជ្រោយចង្វារ មែន ។
តាមសម្តីក្មួយប្រុសយុវជនខាងលើបានប្រាប់ថា អត្តចរិករបស់បុរសរងគ្រោះគឺបែបហ្នឹង អោយតែស្រវឹងស្រាស្តាប់បទចំរៀងណា sad ៗ តែងតែអង្គុយយំ ហើយរកសម្លា.ប់ខ្លួន លុះពេលស្វាងវិញ គឺលែងអីហើយ។
ក្រោយមានការភ្ញាក់ផ្អើល យុវជនខាងខាងលើត្រូវបានប្រជាពលរដ្ឋឃាត់នាំទៅកាន់ប៉ុស្តិ៍ជ្រោយចង្វា ដើម្បីអោយសមត្ថកិច្ចជួយអន្តរាគមន៍ និងទាក់ទងហៅមិត្តភក្ដិ និងសាច់ញាតិជីដូនមួយ ដែលធ្វើការជាមួយគ្នាអោយមកនាំយុវជនខាងខាងលើត្រឡប់ទៅផ្ទះវិញ ៕
ចែករំលែកព័តមាននេះ