ADផ្ទាំងផ្សព្វផ្សាយពាណិជ្ជកម្ម

Picture

ពិធីបុណ្យ «​រំលឹក​គុណ​អង្គរ​» នឹង​ប្រារព្ធ​ឡើង នៅ​ថ្ងៃទី​១៤-១៦ ខែធ្នូ​

1 ខែ មុន
  • ភ្នំពេញ

​ខេត្តសៀមរាប​៖ ដើម្បី​ចូលរួម​អបអរសាទរ​ខួប​ជិត ៣០​ឆ្នាំ នៃ​ការចុះ​រមណីយដ្ឋាន​អង្គរ ទៅក្នុង​បញ្ជី​នៃ​សម្បត្តិ​បេតិកភណ្ឌ​ពិភពលោក នា​ថ្ងៃទី​១៤ ខែធ្នូ ឆ្នាំ​១៩៩២ ដែលជា​និមិត្តរូប​ជាតិ វឌ្ឍនភាព​ជាតិ…

​ខេត្តសៀមរាប​៖ ដើម្បី​ចូលរួម​អបអរសាទរ​ខួប​ជិត ៣០​ឆ្នាំ នៃ​ការចុះ​រមណីយដ្ឋាន​អង្គរ ទៅក្នុង​បញ្ជី​នៃ​សម្បត្តិ​បេតិកភណ្ឌ​ពិភពលោក នា​ថ្ងៃទី​១៤ ខែធ្នូ ឆ្នាំ​១៩៩២ ដែលជា​និមិត្តរូប​ជាតិ វឌ្ឍនភាព​ជាតិ សាមគ្គីភាព និង​សុខសន្តិភាព ក៏ដូចជា រំលឹក​គុណ​ដល់​បុព្វបុរស និង​បុព្វការី​ជន​ខ្មែរ​គ្រប់​ជំនាន់ អាជ្ញាធរ​ជាតិ​អប្សរា នឹង​រៀបចំ​ប្រារព្ធ​ពិធីបុណ្យ «​រម្លឹក​គុណ​អង្គរ​» នៅក្នុង​រមណីយដ្ឋាន​អង្គរ ដែល​នឹង​ប្រព្រឹត្តទៅ ចាប់ពី​ថ្ងៃទី​១៤ ដល់​ថ្ងៃទី​១៦ ខែធ្នូ ឆ្នាំ​២០២១​។​

​តាម​សេចក្តីប្រកាស ពិធីបុណ្យ​ដ៏​មាន​សារៈសំខាន់​នេះ នឹង​រួម​មានការ​ប្រារព្ធ​ពិធីបួងសួង​សុំ​សេចក្តីសុខ និង​ការដាក់​បាត​ព្រះសង្ឃ នា​ព្រឹក​ថ្ងៃទី​១៤ ខែធ្នូ ឆ្នាំ​២០២១ នៅ​ថ្ងៃ​បើក​ពិធីបុណ្យ «​រំលឹក​គុណ​អង្គរ​» ការសម្តែង​ល្ខោនស្បែក​ធំ នាពេល​រាត្រី និង​ការរៀបចំ​ស្តង់​ពិ​ពរណ៍​សមិទ្ធផល និង​សកម្មភាព​ការងារ​របស់​អាជ្ញាធរ​ជ​តិ​អប្សរា ក៏ដូចជា ការបើក​ការ​ទស្សនា​ការដ្ឋាន​ជួសជុល​នានា ក្នុង​រមណីយដ្ឋាន​អង្គរ ជូន​ភ្ញៀវ​ជាតិ​-​អន្តរជាតិ ចាប់ពី​ថ្ងៃទី​១៤ ដល់​ថ្ងៃទី​១៦ ខែធ្នូ ឆ្នាំ​២០២១ ផងដែរ​។​

​ដោយឡែក មុន​ការ​ប្រារព្ធ​ពិធី​នេះ ក៏​នឹង​មានការ​ប្រារព្ធ​ពិធី​សាសនា និង​ការសម្តែង​សិល្បៈ ជាពិសេស​ការសម្តែង​ល្ខោនបាសាក់​ឧបត្ថម្ភ​គាំទ្រ​ដោយ​វិស័យ​ឯកជន​ផងដែរ នៅ​ថ្ងៃទី​១២ និង​ថ្ងៃទី​១៣ ខែធ្នូ ឆ្នាំ​២០២១ នៅ​បរិវេណ​ប្រាសាទភ្នំបាខែង និង​ទី​លានជល់ដំរី ក្រុង​អង្គរធំ​៕​

Picture
Picture
Picture
Picture
Picture