លោកវរសេនីយ៍ឯក មៀច សុខរុន អធិការនគរបាលស្រុកកណ្តាលស្ទឹង បានប្រាប់តាមទូរស័ព្ទនៅព្រឹកថ្ងៃទី២៥ ខែវិច្ឆិកា ឆ្នាំ២០២១នេះថា ពិតជាបានដោះលែងអ្នកលេងល្បែងអាប៉ោងជិត១០នាក់ អោយវិលត្រឡប់ទៅផ្ទះវិញពិតមែន ដោយមានបញ្ជាពី
ខេត្តកណ្តាល ៖ ពិតជាគួរអោយភ្ញាក់ផ្អើល បន្ទាប់ពីសមត្ថកិច្ចស្រុកកណ្តាលស្ទឹង បានសម្រេចធ្វើការដោះលែងអ្នកលេងល្បែងអាប៉ោងជិត១០នាក់ អោយវិលត្រឡប់ទៅផ្ទះវិញ តែងតក់ក្រហល់ ។
លោកវរសេនីយ៍ឯក មៀច សុខរុន អធិការនគរបាលស្រុកកណ្តាលស្ទឹង បានប្រាប់តាមទូរស័ព្ទនៅព្រឹកថ្ងៃទី២៥ ខែវិច្ឆិកា ឆ្នាំ២០២១នេះថា ពិតជាបានដោះលែងអ្នកលេងល្បែងអាប៉ោងជិត១០នាក់ អោយវិលត្រឡប់ទៅផ្ទះវិញពិតមែន ដោយមានបញ្ជាពីថ្នាក់លើ ។ អ្នកដែលត្រូវបានចាប់ខ្លួននោះ មានកងរាជអាវុធហត្ថ អ្នកសារព័ត៌មាន ទាំងអស់សរុប៣ស្ថាប័នឯណោះ ។ ហើយហេតុការណ៍ចុះបង្ក្រាបខាងលើនេះ ធ្វើឡើងនៅថ្ងៃទី២៤ ខែវិច្ឆិកា ឆ្នាំ២០២១ វេលាម៉ោង១៣និង២០នាទី នៅចំណុចកើតហេតុភូមិឆ្មាពួន ឃុំជើងកើប ស្រុកកណ្ដាលស្ទឹង ខេត្តកណ្ដាល ។
លោកបន្តថា ជនសង្ស័យមានចំនួន៩នាក់ គឺទី១-ឈ្មោះ នូ រស់ ភេទប្រុស អាយុ៦២ឆ្នាំ (ពិការ) មានទីលំនៅភូមិដើមមៀន សង្កាត់ដើមមាន ក្រុងតាខ្មៅ ខេត្តកណ្ដាល (អ្នកលេងអាប៉ោង), ទី២-ឈ្មោះ ប៉េង វុត្ថា ភេទប្រុស អាយុ៤៦ឆ្នាំ មានទីលំនៅភូមិកំពង់សំណាញ សង្កាត់កំពង់សំណាញ់ ក្រុងតាខ្មៅ ខេត្តកណ្ដាល មុខរបរកសិករ (អ្នកលេងអាប៉ោង), ទី៣-ឈ្មោះ ជុំ ជឿក ភេទប្រុស អាយុ៧០ឆ្នាំ មានទីលំនៅភូមិប្រាសាទ ឃុំព្រែកស្លែង ស្រុកកណ្តាលស្ទឹង ខេត្តកណ្ដាល មុខរបរកសិករ (អ្នកលេងអាប៉ោង), ទី៤-ឈ្មោះ អ៊ិន សាខន ភេទប្រុស អាយុ៤៣ឆ្នាំ មានទីលំនៅភូមិព្រែកសំរោង សង្កាត់ព្រែកសំរោង ក្រុងតាខ្មៅ ខេត្តកណ្ដាល មុខរបរនៅផ្ទះ (អ្នកលេងអាប៉ោង)។
លោកបន្តទៀតថា ទី៥-ឈ្មោះ មាន វី ភេទប្រុស អាយុ៤២ឆ្នាំ មានទីលំនៅភូមិតោម៉ា ឃុំកណ្តោក ស្រុកកណ្តាលស្ទឹង ខេត្តកណ្ដាល មុខរបរទិញអេតចាយ (អ្នកលេងអាប៉ោង), ទី៦-ឈ្មោះ ណែម វិធិន ភេទប្រុស អាយុ៤០ឆ្នាំ មានទីលំនៅភូមិព្រែករទាំង សង្កាត់ព្រែកកំពឹស ខណ្ឌដង្កោ រាជធានី ភ្នំពេញ មុខរបរលក់ដូរ (អ្នកលេងអាប៉ោង), ទី៧-ឈ្មោះ សែ ឈឿត ភេទប្រុស អាយុ៥៣ឆ្នាំ មានទីលំនៅភូមិ តាក្តុល សង្កាត់តាក្តុល ក្រុងតាខ្មៅ ខេត្តកណ្ដាល មុខរបរកសិករ (អ្នកលេងអាប៉ោង) និងទី៨-ឈ្មោះ ជឹម សុភា ភេទស្រី អាយុ៤០ឆ្នាំ មានទីលំនៅភូមិកំពង់សំណាញ់ សង្កាត់កំពង់សំណាញ់ ក្រុងតាខ្មៅ ខេត្តកណ្ដាល មុខរបរលក់ដូរ (អ្នកលេងអាប៉ោង)។
បើតាមរបាយការណ៍របស់សមត្ថកិច្ចដែលទទួលបាននៅថ្ងៃទី២៤ ខែវិច្ឆិកា ឆ្នាំ២០២១នេះ កម្លាំងជំនាញផ្នែកព្រហ្មទណ្ឌស្រុកបានទទួលព័ត៌មានពីប្រជាពលរដ្ឋល្អថា មានមុខសញ្ញាលេងល្បែងស៊ីសងខុសច្បាប់ (អាប៉ោង) នៅចំណុចភូមិ-ឃុំកើតហេតុខាងលើ ។ ក្រោយពីទទួលបានព័ត៌មានភ្លាម កម្លាំងផ្នែកព្រហ្មទណ្ឌស្រុកសហការជាមួយកម្លាំងប៉ុស្តិ៍នគរបាលរដ្ឋបាលឃុំជើងកើប បានចុះទៅដល់កន្លែងកើតហេតុ ហើយក៏បានឃើញមុខសញ្ញាកំពុងលេងល្បែងស៊ីសងខុសច្បាប់ (អាប៉ោង) តែម្តង ហើយភ្លាមៗនោះ កម្លាំងផ្នែកក៏បាននាំខ្លួនមុខសញ្ញា និងវត្ថុតាងមកកាន់អធិការដ្ឋាននគរបាលស្រុកកណ្តាលស្ទឹង ដើម្បីកសាងសំណុំរឿងតាមនីតិវិធីច្បាប់។
ចែករំលែកព័តមាននេះ