ចោរកាច់កម៉ូតូអស់លក្ខណ៍ ជាប់អន្ទាក់សមត្ថកិច្ច
ខេត្តកណ្តាល ៖ ចោរកាច់កម៉ូតូម្នាក់អស់លក្ខណ៍ជាប់អន្ទាក់នគរបាលស្រុកកៀនស្វាយ នៅថ្ងៃទ០២ ខែឧសភា ឆ្នាំ២០១៦ វេលាម៉ោង៩និង៤០នាទី ត្រង់ចំណុចភូមិគគីរ ឃុំគគីរ ស្រុកកៀនស្វាយ…
ខេត្តកណ្តាល ៖ ចោរកាច់កម៉ូតូម្នាក់អស់លក្ខណ៍ជាប់អន្ទាក់នគរបាលស្រុកកៀនស្វាយ នៅថ្ងៃទ០២ ខែឧសភា ឆ្នាំ២០១៦ វេលាម៉ោង៩និង៤០នាទី ត្រង់ចំណុចភូមិគគីរ ឃុំគគីរ ស្រុកកៀនស្វាយ…
ខេត្តកណ្តាល ៖ ចោរកាច់កម៉ូតូម្នាក់អស់លក្ខណ៍ជាប់អន្ទាក់នគរបាលស្រុកកៀនស្វាយ នៅថ្ងៃទ០២ ខែឧសភា ឆ្នាំ២០១៦ វេលាម៉ោង៩និង៤០នាទី ត្រង់ចំណុចភូមិគគីរ ឃុំគគីរ ស្រុកកៀនស្វាយ ខេត្តកណ្តាល។ ជនរងគ្រោះម្ចាស់ម៉ូតូឈ្មោះខុន ភារី ភេទប្រុស អាយុ២៩ឆ្នាំ ជនជាតិខ្មែរ មុខរបរបុគ្គលិកធនាគារបៃតង មានទីលំនៅភូមិ ឃុំកើតហេតុខាងលើ ។ ចំណែកឯជនសង្ស័យឈ្មោះ កា សុភាព ភេទប្រុស អាយុ៤០ឆ្នាំជនជាតិខ្មែរ ទីលំនៅភូមិឃុំចើងដើងស្រុកបារាយណ៍ ខេត្កកំពង់ធំ មុខរបរមិនពិតប្រាកដ។ ម៉ូតូដែលជនសង្ស័យ កាច់កនោះម៉ាកហុងដាសេ១២៥ ស៊េរីឆ្នាំ២០១៤ ពាក់ស្លាកលេខ1CK-8512 ត្រូវបានសមត្ថកិច្ចប្រគល់ឲ្យជនរងគ្រោះដែលជាម្ចាស់ម៉ូតូវិញ ។
សមត្ថកិច្ចបានឲ្យដឹងថា នៅមុនពេលកើតហេតុ ជនរងគ្រោះបានចតម៉ូតូទុកនៅមុខផ្ទះរួចក៏ចូលទៅធ្វើម្ហូបក្នុងផ្ទះបាយប្រហែលជា៥នាទី ក៍ឮសំឡេងម៉ូតូបញ្ឆេះ ពេលនោះជនរងគ្រោះបានចេញមកមើលឃើញជនល្មើសជិះម៉ូតូចេញ ភ្លាមៗនោះក៏ស្រែកថាចោរលួចកាច់កម៉ូតូ ជាមួយគ្នានោះ មានបងប្អូនប្រជាពលរដ្ឋដែលនៅក្បែរកន្លែងកើតហេតុ បានជួយជិះម៉ូតូដេញតាម និងស្រែកឲ្យកម្លាំងសមត្ថកិច្ចត្រួតពិនិត្យចរាចរនៅចំណុចភូមិជ្រោយអំពិល សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ ជួយឃាត់ជនល្មើសបានរួមទាំងងវត្ថុតាងបញ្ជូនមកអធិការដ្ឋានដើម្បីចាត់ការតាមនីតិវិធី ៕
ចែករំលែកព័តមាននេះ