សាច់ញាតិទម្លាយរឿងរ៉ាវ និងមូលហេតុ ក្រោយប្រទះឃើញស.ពបុរសម្នាក់ក្នុងបន្ទប់ជួល
- ភ្នំពេញ
រាជធានីភ្នំពេញ ៖ បុរសម្នាក់បានច.ង ក បណ្ដាលឱ្យបាត់បង់ជីវិតនៅក្នុងបន្ទប់ជួលមួយកន្លែង រហូតស.ពមានសភាពហើមស្អុយ
រាជធានីភ្នំពេញ ៖ បុរសម្នាក់បានច.ង ក បណ្ដាលឱ្យបាត់បង់ជីវិតនៅក្នុងបន្ទប់ជួលមួយកន្លែង រហូតស.ពមានសភាពហើ.មស្អុ.យទៅហើយ ទើបសាច់ញាតិដឹង និងបង្កឲ្យមានការភ្ញាក់ផ្អើល ។ ខណៈនោះក៏មានបុរសម្នាក់ទៀតដែលត្រូវជាប្អូនប្រុសបង្កើតរបស់ជនរងគ្រោះបានអះអាងប្រាប់សមត្ថកិច្ចថា បងប្រុសរបស់គាត់រូបនេះមានប្រពន្ធច្រើន ហើយកូនក៏ច្រើនដែរ ស្ទើរតែគ្រប់ខេត្តក្រុង ប៉ុន្តែមិនបានយកគ្នាជាប់លាប់នោះទេ គឺយកលែងៗ លុះចុងក្រោយនេះបានយកស្រីក្មេងម្នាក់ទៀតធ្វើជាគូស្នេហ៍ និងនាំគ្នាជួលបន្ទប់ខាងលើស្នាក់នៅ តែពុំបានប៉ុន្មានផង ត្រូវស្រីស្នេហ៍នេះរត់ចោលបាត់ ហើយសង្ស័យធ្វើឲ្យបងប្រុសរបស់គាត់តូចចិត្ត ទើបច.ង ក បែបនេះតែម្ដង។
ហេតុការណ៍ខាងលើនេះបានបង្កឲ្យមានការភ្ញាក់ផ្អើលកើតឡើងកាលពីវេលាម៉ោងម៉ោង៤រសៀលថ្ងៃទី៨ ខែវិច្ឆិកា ឆ្នាំ២០២១ នៅក្នុងបន្ទប់ជួលលេខ១៤ ជាន់ទី២ ផ្ទះជួលស្ថិតនៅតាមផ្លូវបេតុង ក្រុម២ ភូមិចោមចៅ២ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។
បុរសរងគ្រោះខាងលើនោះឈ្មោះ នឹម ឈីន អាយុ៤១ឆ្នាំ មានស្រុកកំណើតនៅភូមិរវៀង ឃុំតាំងដូង ស្រុកបាទី ខេត្តតាកែវ ។
តាមប្រភពព័ត៌មានបានឲ្យដឹងថា នៅមុនកើតហេតុ ដោយពុំបានឃើញបុរសរងគ្រោះរូបនោះចេញក្រៅបន្ទប់ ទើបបងប្អូនក៏បានយកម្ហូបអាហារទៅឲ្យបរិភោគ លុះពេលទៅដល់បានឃើញទ្វារបន្ទប់បិទជិត និងជាប់គន្លឹះពីខាងក្នុងថែមទៀតផង ។ ខណៈនោះបងប្អូនបានហៅឲ្យបើកទ្វារដែរ ប៉ុន្តែពុំឮឆ្លើយសោះ បងប្អូនក៏បានបើកបង្អួចមើល ស្រាប់តែឃើញបុរសនេះច.ង ក ដោយស.ពមានសភាពហើ.មស្អុ.យបាត់ទៅហើយ ។
តាមប្រភពដដែលបានបន្តទៀតថា ពេលនោះបានបង្កឲ្យឲ្យមានការភ្ញាក់ផ្អើលឆោឡោយ៉ាងខ្លាំង ហើយបងប្អូនក៏បានរាយការណ៍ជូនអាជ្ញាធរនិងសមត្ថកិច្ចវានដឹងនិងចុះទៅពិនិត្យមើល ។ ក្រោយពីទទួលបានដំណឹងខាងលើភ្លាម នគរបាលប៉ុស្តិ៍ចោមចៅទី២ បានចុះទៅកាន់ទីនោះ ហើយបានរាយការណ៍បន្តទៅកាន់នគរបាលការិយាល័យបច្ចេកទេសវិទ្យាសាស្ត្រនៃស្នងការដ្ឋាននគរបាលរាជធានីភ្នំពេញធ្វើកោសល្យវិច័យ ជាលទ្ធផល រកឃើញថា បុរសរងគ្រោះរូបនោះពិតជាបាត់បង់ជីវិត ដោយសារតែការធ្វើអត្តឃា.តដោយ ច.ង ក ប្រាកដមែន។
តាមប្រភពពីលោក នឹម ឆៃ អាយុ៣២ឆ្នាំ បាននិយាយប្រាប់សមត្ថកិច្ចថា បុរសរងគ្រោះខាងលើនោះគឺត្រូវជាបងបង្កើតរបស់គាត់ ដែលកន្លងមក បងប្រុសរបស់គាត់រូបនេះមានប្រពន្ធច្រើន ហើយកូនក៏ច្រើនដែរ ស្ទើរតែគ្រប់ខេត្តក្រុង ។ ប៉ុន្តែប្រពន្ធនីមួយៗអត់ដែលយកជាប់លាប់ម្នាក់ណានោះទេ គឺរួមរស់ជាមួយគ្នាតែមួយរយៈគឺលែងវិញហើយ និយាយរួមគឺយកលែងៗរហូត។
បុរសជាប្អូនបានបន្តថា ដោយឡែក ចុងក្រោយនេះ បងប្រុសរបស់គាត់បានយកស្រីក្មេងម្នាក់ធ្វើជាគូស្នេហ៍និងបាននាំគ្នាជួលបន្ទប់ខាងលើស្នាក់នៅ តែបានត្រឹមតែរយៈពេល១ខែប៉ុណ្ណោះ ស្រីក្មេងនោះក៏បានរត់ចោលបាត់ ហើយសង្ស័យបងប្រុសរបស់គាត់តូចចិត្ត ទើបច.ង ក បញ្ចប់ជីវិតបែបនេះតែម្ដង ៕
ចែករំលែកព័តមាននេះ