ADផ្ទាំងផ្សព្វផ្សាយពាណិជ្ជកម្ម

Picture

កីឡាការិនី​ចិន Peng Shuai ចោទប្រកាន់​អតីតមន្ត្រី​ជាន់ខ្ពស់​ម្នាក់​ពាក់ព័ន្ធ​បំពា.ន​ផ្លូវភេ.ទ

2 ខែ មុន

ចិន ៖ កីឡាការិនី​វាយ​កូន​បាល់​ចិន Peng Shuai បាន​ចោទប្រកាន់​លើ​មន្ត្រី​កុ​ម្មុ​យ​និ​ស្ត​ចូល​និវត្តន៍​ម្នាក់​ជា​សាធារណៈ​ពី​បទ​បំពា.ន​

ចិន ៖ កីឡាការិនី​វាយ​កូន​បាល់​ចិន Peng Shuai បាន​ចោទប្រកាន់​លើ​មន្ត្រី​កុ​ម្មុ​យ​និ​ស្ត​ចូល​និវត្តន៍​ម្នាក់​ជា​សាធារណៈ​ពី​បទ​បំពា.ន​ផ្លូវភេ.ទ​។

កាលពី​ថ្ងៃ​ទី​២ ខែវិច្ឆិកា កីឡាការិនី Peng Shuai បាន​ធ្វើការ​បង្ហោះ​លើ​បណ្តាញ​សង្គម Weibo ដោយ​អះអាង​ថា អតីត​ឧបនាយករដ្ឋមន្ត្រី​ចិន​គឺ​លោក Zhang Gaoli បាន​បង្ខំ​នាង​ឱ្យ​មាន​ទំនាក់ទំនង​ផ្លូវភេ.ទ​ជាមួយ​គាត់​កាលពី​ប៉ុន្មាន​ឆ្នាំ​មុន​។ ដែល​នេះ​គឺជា​លើក​ទី​មួយ​ហើយ ដែល​ការ​ចោទប្រកាន់​បែប​នេះ ត្រូវ​បាន​ធ្វើ​ឡើង​ប្រឆាំង​នឹង​មេដឹកនាំ​នយោបាយ​ជាន់ខ្ពស់​ចិន​។

ជុំវិញ​បញ្ហា​នេះ លោក Zhang អាយុ​៧៥​ឆ្នាំ មិន​បាន​ឆ្លើយ​តប​នឹង​ការ​អះអាង​របស់ Peng Shuai ឡើយ​។ ខណៈ​ការ​បង្ហោះ​របស់​នាង ក៏​ត្រូវ​បាន​គេ​លុប​ចេញពី​ប្រព័ន្ធ​អ៊ីនធឺណិត​ចិន​នៅ​ប៉ុន្មាន​ម៉ោង​ក្រោយ​ការ​បង្ហោះ​។

កីឡាការិនី Peng Shuai បញ្ជាក់​ថា លោក Zhang បាន​បង្ខំ​នាង បន្ទាប់​ពី​នាង​បាន​ទៅ​ផ្ទះ​គាត់​ដើម្បី​លេង​កីឡា​វាយ​កូន​បាល់ (Tennis) ៖ «​ខ្ញុំ​ពិតជា​ភ័.យ​ខ្លា.ច​ណាស់​នៅ​រសៀល​នោះ ខ្ញុំ​មិន​បាន​យល់ព្រម​ទេ ហើយ​ខ្ញុំ​បាន​យំ​រហូត​។ អ្នក​នាំ​ខ្ញុំ​ទៅ​ផ្ទះ​អ្នក ហើយ​បង្ខំ​ខ្ញុំ​ឱ្យ​មាន​ទំនាក់ទំនង​ផ្លូវភេ.ទ​ជាមួយ​អ្នក​» នេះ​ជា​សំ​ណេ​រ​របស់​កីឡាការិនី​រូប​នេះ​។

នាង​បាន​បន្ថែម​ទៀត​ថា នាង​គ្មាន​ភស្តុ​តាង​ណាមួយ ដើម្បី​គាំទ្រ​ដល់​ការ​ចោទប្រកាន់​របស់​នាង​ឡើយ​។ ប៉ុន្តែ​អ្វី​ដែល​នាង​បាន​លើក​ឡើង​គឺ​សុទ្ធសឹងតែ​ជា​ការ​ពិត​ទាំងអស់​។

ការិយាល័យ​ព័ត៌មាន​ក្រុមប្រឹក្សារដ្ឋ​របស់​ចិន មិន​បាន​ឆ្លើយ​តប​ភ្លាម​ៗ​ចំពោះ​សំណើសុំ​ការ​អត្ថាធិប្បាយ​លើ​បញ្ហា​នេះ​ទេ​។ ដោយនៅ​ពេល​ត្រូវ​បាន​សួរ​ក្នុង​សន្និសីទ​សារព័ត៌មាន​ប្រចាំ​ថ្ងៃ​នោះ អ្នកនាំពាក្យ​ក្រសួងការបរទេស​ចិន លោក Wang Wenbin បាន​និយាយ​ថា លោក​មិន​បានដឹង​អំពី​បញ្ហា​នេះ​ទេ ហើយ​នេះ​មិនមែន​ជា​សំនួរ​ទាក់ទង​នឹង​កិច្ចការបរទេស​ឡើយ​។

គួរ​បញ្ជាក់​ថា Peng Shuai ត្រូវ​បាន​គេ​ចាត់ទុកជា​កីឡាការិនី​វាយ​កូន​បាល់​ដ៏​ឆ្នើម​ម្នាក់​របស់​ចិន​។ នាង​ធ្លាប់​ជាប់​ចំណាត់​ថា្ន​ក់​លេខ​១​ពិភពលោក​កាល​ឆ្នាំ ២០១៤ ដែល​ជា​កីឡាករ​ចិន​ដំបូង​គេ​ទទួល​បាន​ចំណាត់ថ្នាក់​កំពូល បន្ទាប់​ពី​បាន​ឈ្នះ​ជើងឯក​២​ដង​លើ​វិញ្ញាសា​ដៃគូ​នៅ​ព្រឹត្តិការណ៍ Wimbledon ក្នុង​ឆ្នាំ​២០១៣ និង French Open ក្នុង​ឆ្នាំ​២០១៤​។

ដោយឡែក​លោក Zhang គឺជា​ឧបនាយករដ្ឋមន្ត្រី​ចន្លោះ​ឆ្នាំ​២០១៣ ដល់ ២០១៨ ហើយ​ក៏​ធ្លាប់​ជា​លេខា​បក្ស​នៃ​ខេត្ត Shandong ផង​ដែរ​។ និង​បាន​បម្រើ​ការ​នៅ​ក្នុង​គណៈកម្មាធិការ​អចិន្ត្រៃយ៍​ការិយាល័យ​នយោបាយ​រវាង​ឆ្នាំ​២០១២ ដល់ ២០១៧៕ (​ប្រភព​ពី BBC និង Reuters)

Picture
Picture
Picture
Picture
Picture
លោក Zhang Gaoli
Picture
Picture
Picture