ខេត្តសៀមរាប ៖ បុរសម្នាក់បានស្លាប់ក្រោយពេលបញ្ជូនទៅសង្គ្រោះនៅមណ្ឌលសុខភាពនិង៧នាក់ទៀតបានពុលក្អួតចង្អោរ ដោយសារទទួលទានត្រីកំពត ក្លែមស្រា.ស ។ ហេតុការណ៍នេះ បានកើតឡើងនៅវេលាម៉ោង៥ល្ងាចថ្ងៃទី៣០ មីនា ២០១៦
ខេត្តសៀមរាប ៖ បុរសម្នាក់បានស្លាប់ក្រោយពេលបញ្ជូនទៅសង្គ្រោះនៅមណ្ឌលសុខភាពនិង៧នាក់ទៀតបានពុលក្អួតចង្អោរ ដោយសារទទួលទានត្រីកំពត ក្លែមស្រា.ស ។ ហេតុការណ៍នេះ បានកើតឡើងនៅវេលាម៉ោង៥ល្ងាចថ្ងៃទី៣០ មីនា ២០១៦ នៅក្នុងភូមិគោកវត្ត ឃុំស្រែណូយ ស្រុកវ៉ារិន ។
បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងទៀតថា បុរសដែលស្លាប់ឈ្មោះ មឿត ម៉ែន អាយុ៤៥ឆ្នាំ រស់នៅក្នុងភូមិ-ឃុំខាងលើ ហើយថា មុនពេលកើតហេតុមនុស្សប្រុសស្រី៨នាក់រាប់ទាំងអ្នកស្លាប់ បានទៅបាចត្រីនៅចំណុចត្រពាំងរុនខាងជើង ភូមិល្វា ឃុំស្រែណូយ និងបានត្រីកំពតយកទៅបំពងហូបផ្ទាប់ជាមួយជ្រក់ស្វាយធ្វើជាម្ហូបក្លែមស្រា.ស និងបណ្តាលឲ្យពុលស្លាប់ម្នាក់និង៧នាក់ទៀតក្អួតចង្អោរ ហើយបានធូរស្រាលវិលទៅផ្ទះវិញអស់ដែរនៅព្រឹកថ្ងៃទី៣១ មីនានេះ ។
សេចក្តីរាយការណ៍បានស្រង់សំដីសមត្ថកិច្ចថា មនុស្សប្រុសស្រីទាំង៨នាក់នេះពិតជាពុលត្រីកំពតប្រាកដមែន មិនមែនពុលស្រា.សនោះទេ ៕
ចែករំលែកព័តមាននេះ