ព្រឹកនេះ! បិទកំណាត់ផ្លូវ១កន្លែង ហាមរថយន្តធុនធំឆ្លងកាត់ ខណៈទឹកស្ទឹងព្រែកត្នោតបន្តហក់ឡើង
- ភ្នំពេញ
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា ស្ថានភាពទឹកស្ទឹងព្រែកត្នោតបានបន្តហក់ឡើងរហូត មិនមានការ
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា ស្ថានភាពទឹកស្ទឹងព្រែកត្នោតបានបន្តហក់ឡើងរហូត មិនមានការថមថយឡើយ ខណៈរហូតមកដល់ព្រឹកថ្ងៃទី២៦ តុលា ឆ្នាំ២០២១ ទឹកនៅតែបន្តហក់ឡើងរហូត ដោយហូរកាត់ផ្លូវ១០៤ បុកទៅរង្វង់មូលកួរស្រូវ ទៅដល់កំពង់ទួល តភ្ជាប់ផ្លូវជាតិលេខ៣ ដោយទឹកហូរប្រមាណជា៣០០ម៉ែត្រ ស្ថិតក្នុងភូមិគងណយ សង្កាត់គងណយ ខណ្ឌដង្កោ រាជធានីភ្នំពេញ ។ ជាមួយស្ថានភាពបែបនេះ ផ្លូវលេខ១០៤ ត្រូវបានបិទ មិនអោយរថយន្តធុនធំឆ្លងកាត់នោះទេ ដោយអនុញ្ញាតអោយតែរថយន្តធុនតូច ជិះជាលក្ខណៈគ្រួសារ អាចធ្វើដំណើរឆ្លងកាត់បាន ។
តាមសេចក្តីរាយការណ៍បានបន្តថា ស្ថានភាពទឹកហូរកាត់ផ្លូវនៅចំណុចខាងលើ តាំងពីវេលាម៉ោង៨យប់ថ្ងៃទី២៥ តុលា ឆ្នាំ២០២១ ដោយកម្លាំងកងអង្គរក្សបាននាំគ្នាយកដីច្រកបាវដាក់ទប់ ។ គួរកត់សម្គាល់ផងដែរថា ដំបូងឡើយមានការជីកដីច្រកបាវទប់ទឹកតែ១បាវទៅ២បាវប៉ុណ្ណោះ ប៉ុន្តែដោយសារស្ថានភាពទឹកចេះតែហក់ឡើង ក៏នាំគ្នាទប់២បាវ រហូតដល់៣បាវត្រួតគ្នាតែម្តង ។
នាព្រឹកនេះដែរ គេសង្កេតឃើញខាងមន្ត្រីយោធា ខាងបញ្ជាការដ្ឋានអង្គរក្សសម្តេចអគ្គមហាសេនាបតីតេជោហ៊ុន សែន បានប្រចាំការទប់ស្ថានភាពទឹកនៅចំណុចខាងលើ ។
តាមសេចក្តីរាយការណ៍បានបន្តទៀតថា សង្កាត់ចំនួន១១ ក្នុងខណ្ឌដង្កោ បានរងការជន់លិចទាំងអស់ ដោយឡែកនៅសល់តែ១សង្កាត់ប៉ុណ្ណោះ គឺសង្កាត់ពងទឹក មិនមានរងការជន់លិច ។
តាមសេចក្តីរាយការណ៍បានបន្តទៀតថា ប្រជាពលរដ្ឋដែលរងផលប៉ះពាល់ដោយសារទឹកជន់លិចផ្ទះសម្បែង បាននាំគ្នាឡើងមកបោះតង់ស្នាក់នៅជាបណ្តោះអាសន្នលើផ្លូវទំនប់សណ្តស្ទឹងព្រែកត្នោតផងដែរ ។ ព័ត៌មានលម្អិតនឹងមានផ្សាយនៅលើកាសែតកោះសន្តិភាព ៕
ចែករំលែកព័តមាននេះ