អ្នកគាំទ្រ Barcelona ស្ទាក់ឡានលោក Koeman ក្រោយចាញ់ជំនួប El Clasico
អេស្ប៉ាញ ៖ អ្នកចាត់ការទូទៅ Ronald Koeman ត្រូវបានអ្នកគាំទ្រ Barcelona ស្ទាក់រថយន្តនៅខាងក្រៅកីឡដ្ឋាន Camp Nou
អេស្ប៉ាញ ៖ អ្នកចាត់ការទូទៅ Ronald Koeman ត្រូវបានអ្នកគាំទ្រ Barcelona ស្ទាក់រថយន្តនៅខាងក្រៅកីឡដ្ឋាន Camp Nou
អេស្ប៉ាញ ៖ អ្នកចាត់ការទូទៅ Ronald Koeman ត្រូវបានអ្នកគាំទ្រ Barcelona ស្ទាក់រថយន្តនៅខាងក្រៅកីឡដ្ឋាន Camp Nou បន្ទាប់ពីលោកដឹកនាំក្រុមចាញ់ក្នុងជំនួប El Clasico ទល់នឹង Real Madrid កាលពីយប់មិញ។
Real Madrid ក្រោមការដឹកនាំរបស់លោក Carlo Ancelotti យកបាន៣ពិន្ទុដ៏សំខាន់ពីជំនួប El Clasico ដែលជាការប្រកួតសប្តាហ៍ទី១០ ក្របខណ្ឌ La Liga ក្រោយយកឈ្នះម្ចាស់ផ្ទះ Barcelona លទ្ធផល ២-១។ ដែលជាការស៊ុតបញ្ចូលទីដោយខ្សែការពារ David Alaba នៅនាទី៣២ និងខ្សែការពារស្តាំ Lucas Vázquez នាទី៩០+៣។ ចំណែក១គ្រាប់របស់ម្ចាស់ផ្ទះរកបានដោយខ្សែប្រយុទ្ធ Sergio Agüero នាទី៩០+៧។
តាមរយៈជ័យជម្នះនេះ Real Madrid បន្តឈរលេខ២ មាន២០ពិន្ទុ តាមពីក្រោយក្រុមកំពូលតារាង Real Sociedad ដែលមាន២១ពិន្ទុ។ ខណៈ Barcelona ធ្លាក់មកនៅលេខ៩ ដោយមាន១៥ពិន្ទុ។
ការបន្តធ្លាក់ទម្រង់លេងរបស់ Barcelona ក្រោមការដឹកនាំរបស់អ្នកចាត់ការទូទៅសញ្ជាតិហូឡង់វ័យ៥៨ឆ្នាំ បានធ្វើឱ្យអ្នកគាំទ្រក្តៅស្លឹកត្រចៀកកាន់តែខ្លាំង។ ជាក់ស្តែងក្រោយបញ្ចប់ជំនួបនេះ អ្នកគាំទ្រដែលផ្ទុះកំហឹងជាច្រើននាក់បានស្ទាក់រថយន្តលោក Ronald Koeman តែម្តង។ ប៉ុន្តែក្នុងហេតុការណ៍នោះ ពុំមាននរណាម្នាក់រងរបួសឡើយ ដោយពួកគេគ្រាន់តែឈរស្រែកពីខាងក្រៅរថយន្តតែប៉ុណ្ណោះ។
សូមជម្រាបជូនថា Real Madrid បានយកឈ្នះក្នុងជំនួប El Clasico ទល់នឹង Barcelona ៤លើកជាប់ៗគ្នាជាលើកដំបូងក្នុងប្រវត្តិសាស្ត្រចាប់តាំងពីឆ្នាំ ១៩៦៥ ៖
• Real Madrid 2-0 Barcelona ថ្ងៃទី២ ខែមីនា ឆ្នាំ២០២០
• Barcelona 1-3 Real Madrid ថ្ងៃទី២៤ ខែតុលា ឆ្នាំ២០២០
• Real Madrid 2-1 Barcelona ថ្ងៃទី១១ ខែមេសា ឆ្នាំ២០២១
• Barcelona 1-2 Real Madrid ថ្ងៃទី២៤ ខែតុលា ឆ្នាំ២០២១៕ (ប្រភពពី Dailymail និង ESPN) ៕
ចែករំលែកព័តមាននេះ