រាជធានីភ្នំពេញ ៖ បើគ្មានការប្រែប្រួលទេ នៅវេលាម៉ោង៩ព្រឹកថ្ងៃទី២៥ មីនានេះ លោក ស្រី ចំរើន ដែលអះអាងថា ជាតំណាងក្រុមយុវជននិងនិស្សិតមួយចំនួន បានយកញ្ញត្តិ ២ទៀតទៅដាក់នៅរដ្ឋសភា ដើម្បីទាមទារឲ្យរដ្ឋសភាពន្លឿនការកោះហៅលោក
រាជធានីភ្នំពេញ ៖ បើគ្មានការប្រែប្រួលទេ នៅវេលាម៉ោង៩ព្រឹកថ្ងៃទី២៥ មីនានេះ លោក ស្រី ចំរើន ដែលអះអាងថា ជាតំណាងក្រុមយុវជននិងនិស្សិតមួយចំនួន បានយកញ្ញត្តិ ២ទៀតទៅដាក់នៅរដ្ឋសភា ដើម្បីទាមទារឲ្យរដ្ឋសភាពន្លឿនការកោះហៅលោក កឹម សុខា ចូលឆ្លើយបំភ្លឺទាក់ទងទៅនឹងខ្សែអាត់សំឡេងឆ្លើយឆ្លងជាមួយនារីម្នាក់ ។
បើតាម លោកស្រី ចំរើន ដែលសរសេរនៅលើបណ្តាញទំនាក់ទំនងសង្គម (Facebook) ញ្ញត្តិទាំងពីរនោះ គឺ០១-ដាក់ជូនសម្តេច ហេង សំរិន និង ០២-លោក អេង ឆៃអ៊ាង ប្រធានគណៈកម្មការសិទ្ឋិមនុស្ស ទទួលពាក្យបណ្តឹង អង្កេត និងទំនាក់ទំនងរដ្ឋសភា ព្រឹទ្ឋសភានៃរដ្ឋសភា ។
សូមបញ្ជាក់ថា កាលពីថ្ងៃទី២១ មីនា អគ្គលេខាធិការរដ្ឋសភា លោក ឡេង ប៉េងឡុង បន្ទាប់ពីទទួលបានពាក្យបណ្តឹងនិងក្នុងនាមលោក ងួន ញ៉ិល ប្រធានស្តីទីរដ្ឋសភា បានផ្ញើលិខិតជូនប្រធានស្តីទីគណបក្សសង្គ្រោះជាតិ លោក កឹម សុខា ដោយស្នើសុំឲ្យមេបក្សប្រឆាំងរូបនេះ ពិចារណានិងផ្តល់នូវការបំភ្លឺតាមសំណើរបស់ក្រុមយុវជននិងនិស្សិតឲ្យបានឆាប់តាមការគួរ ប៉ុន្តែមិនបានកំណត់កាលបរិច្ឆេទពិតប្រាកដនោះទេ ។ ភ្លាមៗបន្ទាប់រដ្ឋសភាកោះហៅលោក កឹម សុខា ក្រុមតំណាងរាស្ត្រគណបក្សសង្គ្រោះជាតិបានចាត់ទុកលិខិតរដ្ឋសភាកោះហៅលោក កឹម សុខានោះថាជារឿងដែលគួរឲ្យអស់សំណើច ដែលរដ្ឋភាចាត់ទុកសំណុំរឿងនេះជារឿងសំខាន់ជាងបញ្ហាជាច្រើនត្រូវដោះស្រាយចំពោះមុខ នោះគឺភាពក្រីក្រ បញ្ហាចំណាកស្រុក ទំនាស់ដីធ្លីនិងទីផ្សារកសិករជាដើម ។
ដោយឡែកសំណុំរឿងដ៍កក្រើកពេញបណ្តាញទំនាក់ទំនងសង្គមមួយនេះ ក៍ត្រូវបានអង្គភាពប្រឆាំងអំពើពុករលួយកំពុងដំណើរការនីតិវិធីដោយទទួលយកពាក្យបណ្តឹងរបស់លោក ស្រី ចំរើន មកពិនិត្យអង្កេតពាក់ព័ន្ឋនឹងលោក កឹម សុខា ទិញផ្ទះនិងដីឲ្យស្រីស្នេហ៍តាមពាក្យបណ្តឹង ហើយកាលពីថ្ងៃទី២៤មីនាម្សិលមិញ លោកទេសរដ្ឋមន្ត្រី ឱម យ៉ិនទៀង ប្រធានអង្គភាពប្រឆាំងអំពើពុករលួយក៍បានប្រកាសថានឹងបើកឯកសារលើការប្រកាសទ្រព្យសម្បត្តិរបស់លោក កឹម សុខានោះថែមទៀត មុននឹងចាត់វិធានការច្បាប់បន្តទៀត ។
ចាំមើលថាតើ លោក កឹម សុខា នឹងចូលឆ្លើយបំភ្លឺតាមការទាមទារឬយ៉ាងណា ខណៈលោកបានប្រកាសនៅតាមវេទិកាសកម្មជនមូលដ្ឋានរបស់ខ្លួនជាច្រើនដងនាពេលកន្លងមកថា លោកនិងគណបក្សសង្គ្រោះជាតិប្រកាន់យកគោលការណ៍ “មិនឆ្លើយ មិនឆ្លង មិនឈ្លោះ” ចំណែកលោកស្រី ចំរើននោះវិញថានឹងតាមលោក កឹម សុខា ដល់គ្រប់ទីកន្លែងដើម្បីទាមទារឲ្យឆ្លើយនោះ ។ ជាមួយគ្នានេះដែរ ថាតើសំណុំរឿងដែលអ្នកខ្លះគិតថាឥតប្រយោជន៍និងមួយចំនួនគិតថាមានប្រយោជន៍នេះ នឹងត្រូវបិទបញ្ចប់នៅពេលណា ហើយទីបំផុតអ្នកណាជាអ្នកឈ្នះនិងចំណេញនយោបាយពិតប្រាកដ ?៕
ចែករំលែកព័តមាននេះ