ស៊ីរីប្រហារជីវិតមនុស្សជាង២០នាក់ ពាក់ព័ន្ធករណីដុតព្រៃទ្រង់ទ្រាយធំ
ស៊ីរី ៖ ប្រទេសស៊ីរីបានធ្វើការប្រហារជីវិតមនុស្សចំនួន២៤នាក់ ដែលត្រូវចោទប្រកាន់ពីបទភេរវកម្ម ដោយសារការដុតបំផ្លាញព្រៃ
ស៊ីរី ៖ ប្រទេសស៊ីរីបានធ្វើការប្រហារជីវិតមនុស្សចំនួន២៤នាក់ ដែលត្រូវចោទប្រកាន់ពីបទភេរវកម្ម ដោយសារការដុតបំផ្លាញព្រៃទ្រងទ្រាយធំកាលពីឆ្នាំមុន។ នេះបើតាមក្រសួងយុត្តិធម៌ស៊ីរីកាលពីថ្ងៃព្រហស្បតិ៍ម្សិលមិញ។
ភ្លើងឆេះព្រៃទ្រងទ្រាយធំកាលពីខែតុលា ឆ្នាំមុនបានសម្លា.ប់ជីវិតមនុស្សចំនួន៣នាក់ ប៉ះពាល់ដល់ក្រុងចំនួន២៨០បំផ្លាញផ្ទះចំនួន៣៧០ខ្នង និងបំផ្លាញដីព្រៃអស់១១.០០០ហិចតា ព្រមទាំងប៉ះពាល់ដល់ជីវិតសត្វ និងបំផ្លាញឧបករណ៍កសិកម្មជាច្រើន។ ភ្លើងបានរាលដាលយ៉ាងលឿននៅក្នុងខេត្ត Latakia, Tartous និង Homs។
សេចក្តីប្រកាសរបស់ក្រសួងថ្លែងថា ជនល្មើសបានសារភាពថាពួកគេបានដុតព្រៃជាច្រើនកន្លែងក្នុងខេត្តចំនួន៣ និងត្រូវបានចាប់ខ្លួនកាលពីឆ្នាំមុន។
ពួកគេត្រូវបានប្រហារជីវិតកាលពីថ្ងៃពុធកន្លងទៅនេះ។ មនុស្សចំនួន ១១នាក់ផ្សេងទៀតដែលពាក់ព័ន្ធ ត្រូវបានកាត់ទោសឲ្យជាប់គុកអស់មួយជិវិតដោយត្រូវឲ្យធ្វើការងារធ្ងន់ ចំណែកមនុស្ស ៤នាក់ទៀតត្រូវឲ្យធ្វើការងារធ្ងន់បណ្តោះអាសន្ន។ អនិតិជនចំនួន ៥នាក់ត្រូវបានផ្តន្ទាទោសឲ្យជាប់គុកពី១០ ទៅ១២ឆ្នាំពីបទពាក់ព័ន្ធ។
ក្រសួងយុត្តិធម៌ស៊ីរី បានថ្លែងថា ជនល្មើសទទួលសារភាពថាពួកគេបានរៀបចំផែនការដើម្បីដុតព្រៃនៅចុងខែសីហា ឆ្នាំ ២០២០ ហើយពួកគេបានតាំងចិត្តប្រព្រឹត្តិបទឧក្រិ.ដ្ឋនោះចាប់ពីខែកញ្ញា ដល់ខែតុលា ឆ្នាំ២០២០។
សូមបញ្ជាក់ថា នៅក្នុងប្រទេសស៊ីរី ទោសប្រហារជីវិតនឹងត្រូវអនុវត្តន៍លើករណីឧក្រិ.ដ្ឋកម្មធ្ងន់ៗដូចជា ការក្បត់ជាតិ ចារកម្ម ឃា.តកម្ម និងការបង្កអគ្គិភ័យជាដើម៕ (យោងតាមប្រភព៖ CNN)
ចែករំលែកព័តមាននេះ