ADផ្ទាំងផ្សព្វផ្សាយពាណិជ្ជកម្ម

Picture

ស្រី​ស្អាត វី​រៈ និច្ច រៀប​ការ​១០​តុ​ជាមួយ​ថៅកែ​ផ្ទះសំណាក់​នៅ​កំពង់សោម

1 ខែ មុន
  • ភ្នំពេញ

ក្រោយ​ពី​បាន​ភ្ជាប់ពាក្យ​កាលពី​ប៉ុន្មាន​ខែ​មុន​នេះ ស្រី​ស្អាត វី​រៈ និច្ច ដែល​បោះ​ជំហាន​សិល្បៈ​ដោយសារ​ការ​ប្រឡង​ហ្វ្រេ​ស៊ី​ហ្គើ​ល និង​ក្លាយជា​តារាចម្រៀង​កំពុង​លេចធ្លោ​នៅ​ក្នុង​ផលិតកម្ម​សាន​ដេ​នោះ បាន​រៀប​ការ​ជា​ផ្លូវការ​ហើយ កាលពី​

រាជធានី​ភ្នំពេញ ៖ ក្រោយ​ពី​បាន​ភ្ជាប់ពាក្យ​កាលពី​ប៉ុន្មាន​ខែ​មុន​នេះ ស្រី​ស្អាត វី​រៈ និច្ច ដែល​បោះ​ជំហាន​សិល្បៈ​ដោយសារ​ការ​ប្រឡង​ហ្វ្រេ​ស៊ី​ហ្គើ​ល និង​ក្លាយជា​តារាចម្រៀង​កំពុង​លេចធ្លោ​នៅ​ក្នុង​ផលិតកម្ម​សាន​ដេ​នោះ បាន​រៀប​ការ​ជា​ផ្លូវការ​ហើយ កាលពី​ថ្ងៃ​ទី​១៦ ខែតុលា ឆ្នាំ​២០២១ មុន​នេះ​។

ស្វាមី​ស្របច្បាប់​របស់​នាង គឺជា​លោក ខៀវ ពេជ្រ ថៅកែ​ផ្ទះសំណាក់​មួយ​កន្លែង​នៅ​ខេត្ត​ព្រះ​សីហ​នុ ហើយ​ពួក​គេ​បាន​ភ្ជាប់ពាក្យ​ជាមួយ​គ្នា​តាំងពី​ថ្ងៃ​ទី​៤ ខែសីហា ឆ្នាំ​២០២១ មក​ម្ល៉េះ​។ មិន​ត្រឹមតែ​ប៉ុណ្ណោះ​ក៏​មាន​ព័ត៌មាន​ថា វី​រៈ និច្ច នឹង​ត្រៀម​យក​កូន​ភ្លាម​ៗ​តែ​ម្ដង ក្រោយ​មាន​ប្ដី ព្រោះថា​ឪពុក​ម្ដាយ​ទាំង​សងខាង​ចង់បាន​ចៅ​ពរ​។

Picture

ដោយឡែក​ទាង់​ទង​នឹង​អាជីព​ចម្រៀង​វិញ ស្រី​ស្អាត វី​រៈ និច្ច ថា នាង​នៅ​តែ​បន្ដ​ច្រៀង​ឲ្យ​សាន់​ដេ​ដដែល ព្រោះ​ប្ដី​នាង​មិន​ហាមឃាត់​ការងារ​សិល្បៈ​ដែល​នាង​ស្រលាញ់​តាំងពី​តូច​មកនេះ​ទេ​។ ប៉ុន្ដែ​នាង​ថា ត្រូវ​បន្ថែម​អាជីព​ថ្មី​មួយទៀត​នោះ គឺ​ការ​ធ្វើ​ជំនួញ​ឲ្យ​ដើរ​ទន្ទឹម​នឹង​ការងារ​សិល្បៈ​តែ​ម្ដង​។

តារាចម្រៀង​រូប​ស្រស់ ចេ​ង ស្រី​និច្ច ហៅ​វី​រៈ និច្ច ដែល​ត្រូវជា​ក្មួយ​ស្រី​របស់​លោក​ខាន់ ជេ​ម​ស៍ នោះ​បាន​លា​ភាព​ក្រមុំ​ត្រឹម​វ័យ​២៣​ឆ្នាំ​តាម​រយៈ​ការ​ដឹក​ដៃ​លោក ខៀវ ពេជ្រ វ័យ​២៨​ឆ្នាំ រៀប​ការ​នៅ​ភោជនីយដ្ឋាន «​មីង​ផា​លេស​» នៅ​ថ្ងៃ​ទី​១៦ ខែតុលា ឆ្នាំ​២០២១​។

Picture

ម្ចាស់​បទ «​សម័យនេះ​ស្រលាញ់​ស្មោះ​ម៉េច​ស្ទាវ?​» រូប​នេះ​ធ្វើ​តែ​១០​តុ ឬ​មាន​ភ្ញៀវ​កំណត់​ឲ្យ​ចូលរួម​តែ​១០​តុ​ប៉ុណ្ណោះ ដើម្បី​បង្ការ​ការ​ជួបជុំ​ទ្រង់ទ្រាយ​ធំ​ពិបាក​ទប់ស្កាត់​កូ​វី​ដ ដែល​ស្រី​និច្ច ប្រាប់​ថា ភ្ញៀវ​ទាំងនោះ គឺ​មាន​តែ​មិត្តភក្ដិ​ដ៏​ជិតដិត​បំផុត និង​ក្រុម​គ្រួសារ​ទាំង​សងខាង ហើយ​ចំពោះ​អ្នកសិល្បៈ​រួម​អាជីព​វិញ ភាគច្រើន​គឺ​មាន​តែ​តារា​រួម​ដំបូល​សាន់​ដេ​។

តែ​ស្រី​និច្ច ថា មង្គលការ​មិន​អាច​ពន្យា​ពេល​តទៅ​ទៀត​បាន​នោះ​ទេ ព្រោះថា​លោកតា​អាចារ្យ​ដេញ​ពា​លា​ទៅ​ល្អ​នៅ​ថ្ងៃនេះ ហើយដោយ​សារ​តែ​កូនប្រុស​អាយុ​ច្រើន​ដែរ និង​ម្យ៉ាងទៀត​ចាស់ទុំ​ទាំង​សងខាង​ចង់​ឲ្យ​ការ​ពេល​នេះ ទើប​មិន​អាច​ចាំ​ដល់​ពេល​ស្ងាត់​កូ​វី​ដ​នោះ​ឡើយ​។

Picture

តារាចម្រៀង​សាន់​ដេ ចេ​ង ស្រី​និច្ច ហៅ​វី​រៈ និច្ច បាន​សម្រេចចិត្ត​លា​ភាព​នៅ​លីវ​នៅ​ថ្ងៃ​ទី​១៦ ខែតុលា ឆ្នាំ​២០២១​នេះ ហើយ​តាម​រយៈ​ការ​ដឹក​ដៃ​លោក​ខៀវ ពេជ្រ រៀប​ការ​នៅ​ហាង​មួយ​ម្ដុំ​ស្ដុក​បូកគោ ខណ្ឌចំការមន ក្រុងភ្នំពេញ ក្រោយ​ពី​អ្នក​ទាំង​២​បាន​ភ្ជាប់ពាក្យ​ជាមួយ​គ្នា​ជាង​២​ខែ​។ វី​រៈ និច្ច ហ៊ាន​ដឹក​ដៃ​កំពូល​ស្នេហ៍​រៀប​ការ​ទាំង​មិន​ទាន់​ស្ងាត់​កូ​វី​ដ​បែប​នេះ ច្បាស់​ជា​ធ្វើ​ឲ្យ​តារា​មួយ​ចំនួន​ទៀត​ដែល​បាន​ផ្អឹប​មង្គលការ​នោះ​ប្រាកដជា​ចង់​ក្រាប​ផ្ទឹម​ដែរ​ជា​មិន​ខាន ក្នុង​នោះ​មាន​ដូច​ជា នាង​ពេជ្រ សោភា​, វ៉ា​ន់ នី​ឡា​, ប៉ាច គី​ម​មួយ​, ម៉​ង់ ច័ន្ទ​កញ្ញា​, ចំរើន សុ​ភ័​ក្រ និង​ឈិ​ន ម៉ា​និច្ច ជាដើម​៕

Picture
Picture
Picture
Picture
Picture
Picture
Picture
Picture
Picture
Picture