ខេត្តព្រះសីហនុ ៖ ឃ្លាំងស្តុកកាវធ្វើកាបូបរបស់រោងចក្រTONG TA WEGC ប្រវែង៨ម៉ែត្រគុណ៣០ម៉ែត្រ ត្រូវបានអគ្គិភ័យឆេះទាំងស្រុងតាំងពីម៉ោង៣និង៣០នាទីរហូតដល់ម៉ោង៥ទៀបភ្លឺថ្ងៃទី១៨ មីនា ទើបរលត់ទៅវិញ
ខេត្តព្រះសីហនុ ៖ ឃ្លាំងស្តុកកាវធ្វើកាបូបរបស់រោងចក្រTONG TA WEGC ប្រវែង៨ម៉ែត្រគុណ៣០ម៉ែត្រ ត្រូវបានអគ្គិភ័យឆេះទាំងស្រុងតាំងពីម៉ោង៣និង៣០នាទីរហូតដល់ម៉ោង៥ទៀបភ្លឺថ្ងៃទី១៨ មីនា ទើបរលត់ទៅវិញ ស្ថិតនៅម្តុំឃ្លាំងលើ តាមបណ្ដោផ្លូវជាតិលេខ៤ សង្កាត់លេខ១ ក្រុងព្រះសីហនុ ។
លោក ប្រាក់ ពុទ្ឋា នាយនគរបាលប៉ុស្តិ៍រដ្ឋបាលលេខ១ បានឱ្យដឹងថា រោងចក្រដែលឆេះខាងលើនេះ ជារបស់ជនជាតិបារាំង ឈ្មោះ TONG TA WEGC ជារោងចក្រផលិតកាបូប និងដេរស្រោមវែនតា ។ មូលហេតុដែលបណ្តាលឱ្យអគ្គិភ័យកើតឡើងនោះពុំទាន់ដឹងច្បាស់នៅឡើយ គ្រាន់តែដឹងថា ការឆេះនេះផ្តើមចេញពីឃ្លាំងស្តុកកាវដោយមុនដំបូង គេឮសូរសំឡេងផ្ទុះចេញពីក្នុងឃ្លាំង តែសំណាងល្អអគ្គិភ័យពុំបណ្តាលឆ្លងរាលដាលដល់ឃ្លាំងផ្សេងៗនោះទេ ។ រថយន្តពន្លត់អគ្គិភ័យរបស់ស្នងការដ្ឋាននគរបាលខេត្ត២គ្រឿង រថយន្តពន្លត់អគ្គិភ័យកងរាជអាវុធហត្ថខេត្ត២គ្រឿង និងរថយន្តពន្លត់អគ្គិភ័យរបស់កំពង់ផែស្វយ័ត២គ្រឿង បានចេញទៅអន្តរាគមន៍ដោយប្រើប្រាស់ទឹកពន្លត់អគ្គិភ័យចំនួន៥រថយន្ត ទើបរលត់ ។
ចំពោះការខូចខាតគិតជាទឹកប្រាក់ បើយោងតាមការសន្និដ្ឋានជំហានដំបូងពីម្ចាស់រោងចក្រ អស់ប្រមាណជាង១ម៉ឺនដុល្លារ ព្រោះនៅក្នុងឃ្លាំងនេះ មានតែកាវសម្រាប់បិទកាបូបប៉ុណ្ណោះ ៕
ចែករំលែកព័តមាននេះ