ខេត្តពោធិ៍សាត់ ៖ ក្មេងស្រីម្នាក់ត្រូវហ្វូងគោផ្អើលបោលជាន់ បណ្ដាលឱ្យរងរបួសយ៉ាងធ្ងន់ធ្ងរ លុះបញ្ជូនទៅសង្គ្រោះនៅមន្ទីរពេទ្យ មិនបានប៉ុន្មានផង ក៏ដាច់ខ្យល់ស្លា.ប់ ដែលហេតុការណ៍នេះ កើតឡើងកាលពីវេលាម៉ោង១២ថ្ងៃទី១៦ មីនា ២០១៦ ស្ថិតនៅភូមិព្រៃឪម៉ាល់ សង្កាត់រលាប ក្រុងពោធិ៍សាត់ ។
ខេត្តពោធិ៍សាត់ ៖ ក្មេងស្រីម្នាក់ត្រូវហ្វូងគោផ្អើលបោលជាន់ បណ្ដាលឱ្យរងរបួសយ៉ាងធ្ងន់ធ្ងរ លុះបញ្ជូនទៅសង្គ្រោះនៅមន្ទីរពេទ្យ មិនបានប៉ុន្មានផង ក៏ដាច់ខ្យល់ស្លាប់ ដែលហេតុការណ៍នេះ កើតឡើងកាលពីវេលាម៉ោង១២ថ្ងៃទី១៦ មីនា ២០១៦ ស្ថិតនៅភូមិព្រៃឪម៉ាល់ សង្កាត់រលាប ក្រុងពោធិ៍សាត់ ។
ក្មេងស្រីរងគ្រោះឈ្មោះសុខ ស្រីនិច អាយុ៤ឆ្នាំ មានឪពុកឈ្មោះហែម សុខ អាយុ២៨ឆ្នាំ និងម្ដាយឈ្មោះរ៉ន គន្ធា អាយុ២៦ឆ្នាំ រស់នៅក្នុងភូមិកើតហេតុខាងលើ ។
ប្រភពឱ្យដឹងថា មុនពេលកើតហេតុ ក្មេងស្រីរងគ្រោះកំពុងដេកលក់ក្នុងអង្រឹងក្រោមសំយ៉ាបផ្ទះខាងមុខ ខណៈនោះស្រាប់តែមានគោមួយហ្វូងពី៦ ទៅ៧ក្បាល បានបោលដេញគ្នាមកប៉ះអង្រឹង បណ្ដាលឱ្យក្មេងស្រីធ្លាក់មកដី ហើយជាន់ចំលើខ្លួន និងក្បាលរងរបួសយ៉ាងធ្ងន់ធ្ងរ ។
ភ្លាមៗនោះ ក្រុមគ្រួសារបងប្អូនបានដឹកយកទៅសង្គ្រោះនៅមន្ទីរពេទ្យបង្អែកខេត្ត ប៉ុន្តែដោយសារសភាពធ្ងន់ធ្ងរពេក ក៏បញ្ជូនបន្តទៅព្យាបាលនៅមន្ទីរពេទ្យរាជធានីភ្នំពេញ ហើយក៏ដាច់ខ្យល់ស្លាប់តាមផ្លូវតែម្ដង ។
ឪពុកម្ដាយក្មេងស្រីពុំបានដឹងថា ហ្វូងគោទាំងនោះមានម្ចាស់ឈ្មោះអីនោះទេ ឃើញតែលែងឱ្យយដើរស៊ីដំណាំគេឯង និងជុះអាចម៍យ៉ាងអនាធិបតេយ្យក្នុងក្រុងពោធិ៍សាត់ ធ្វើឱ្យប៉ះពាល់សណ្ដាប់ធ្នាប់សង្គមខ្លាំងណាស់ ដែលទាមទារឱ្យខាងអាជ្ញាធរដែនដី និងសមត្ថកិច្ច មេត្តាចាត់វិធានការបន្ទាន់ ៕
ចែករំលែកព័តមាននេះ