រាជធានីភ្នំពេញ ៖ ​នៅក្នុងពិធីសម្ពោធដាក់ឲ្យប្រើបា្រស់ជាផ្លូវការ​ស្ថានីយ៍អ្នកដំណើរថ្មីក្នុងព្រលានយន្តហោះអន្តរជាតិភ្នំពេញ ​នាព្រឹកថ្ងៃទី១៦ មីនា ២០១៦ ​សម្តេចតេជោ ហ៊ុន សែន មានប្រសាសន៍ថា ​”អ្នកសារព័ត៌មានមិនសុច្ចរិត និងអ្នកនយោបាយខ្លះគឺនិយាយ​អាក្រក់ពីកម្ពុជាដែលខុសពីកម្ពុជាពិត ​។ សូមទេសចរណ៌បរទេសមកទស្សនាកម្ពុជា ​ដែលមានសន្តិភាព​ពេញលេញ ! ​ និងសូមអរគុណចំពោះការគាំទ្រពីរដ្ឋាភិបាលប្រទេសបារាំង ​និងក្រុមហ៊ុនបារាំងដែលចូលរួម​កសាងអភិវឌ្ឍន៌កម្ពុជា ។

សម្តេចបានអំពាវនាវឲ្យ​ជួយថែរក្សាពង្រឹងសុវត្ថិភាព ​ សន្តិភាពសណ្តាប់ធ្នាប់ក្នុងព្រលានអោយបានល្អ ​ហើយសូមមន្រ្តី ​និងសមត្ថកិច្ចដែលបម្រើការនៅក្នុង​ព្រលានយន្តហោះទាំងអស់ យក​ចិត្តទុកដាក់ធ្វើការ ​និងផ្តល់ភាពកក់ក្តៅនិងទំនុកចិត្ត​ដល់ភ្ញៀវទេសចរណ៌ទាំងអស់ ​ដើម្បីពួកគេវិលត្រឡប់មកទស្សនាកម្ពុជា ​ជាមួយសាច់សារលោហិត និងមិត្តភ័ក្តិ ​ជាច្រើនថែមទៀត ។” សម្តេចតេជោ​នាយករដ្ឋមន្រ្តីបញ្ជាក់ទៀតថា ​”ដោយសារកម្ពុជាមានសន្តិភាព ពេលនេះ​យើងទទួលបានទេសចរណ៌ជាង ​៤លាន៧សែន នាក់។ ​សូមស្វាគមន៌ FREE WIFI​ សូមអោយមាន WIFI និងមាន Internet ​គ្រប់គ្រាន់ដើម្បីបម្រើភ្ញៀវទេសចរ​អោយមានប្រសិទ្ឋ​ភាព។ ​កុំមានតែ WIFI ​ ពេញតែអត់ Internet!!” ៕