រាជធានីភ្នំពេញ ៖ រថយន្តធុនធ្ងន់ប្រមាណជិត២០០គ្រឿង ត្រូវបានមន្ទីរសាធារណការ និងដឹកជញ្ជូនរាជធានីសហការជាមួយអាជ្ញាធរនិងសមត្ថកិច្ចខណ្ឌឫស្សីកែវ ខណ្ឌពោធិ៍សែនជ័យ និងខណ្ឌសែនសុខ បានឃាត់ទុករូចធ្វើការអបរំ
រាជធានីភ្នំពេញ ៖ រថយន្តធុនធ្ងន់ប្រមាណជិត២០០គ្រឿង ត្រូវបានមន្ទីរសាធារណការ និងដឹកជញ្ជូនរាជធានីសហការជាមួយអាជ្ញាធរនិងសមត្ថកិច្ចខណ្ឌឫស្សីកែវ ខណ្ឌពោធិ៍សែនជ័យ និងខណ្ឌសែនសុខ បានឃាត់ទុករូចធ្វើការអបរំ និងណែនាំឱ្យធ្វើលិខិតចេញចូលរាជធានីភ្នំពេញដោយស្របច្បាប់ ។
លោកស្រី បុប្ជា ផានី មន្ត្រីសាធារណការរាជធានីភ្នំពេញបានឱ្យដឹងថា នៅកាលពីព្រឹកថ្ងៃទី១៣ខែ មីនា មន្ទីរសាធារណះការនិងដឹកជញ្ជូនរាជធានីភ្នំពេញបានចុះទៅសហការជាមួយអាជ្ញាធរនិងសមត្ថកិច្ច នៅតាមបណ្តាខណ្ឌ ចំនួន៣ទាំងនៅថ្ងៃឈប់សម្រាក ដើម្បីឃាត់រថយន្តធុនធ្ងន់ដែលបានធ្វើចរាចរណ៍ចូលរាជធានីភ្នំពេញទាំងថ្ងៃល្មើសនឹងបម្រាមរបស់សាលារាជធានីភ្នំពេញ ដែលក្នុងនោះនៅក្នុងខណ្ឌឬស្សីកែវឃាត់បានរថយន្តចំនួន៤០គ្រឿង ខណ្ឌពោធិ៍សែនជ័យចំនួន៣៣គ្រឿង និងខណ្ឌសែនសុខ ឃាត់បានរថយន្តចំនួន១០០គ្រឿង ដើម្បីធ្វើការអប់រំព្រមទាំងណែនាំឱ្យធ្វើប័ណ្ណចេញចូលរាជធានីភ្នំពេញនៅនឹងកន្លែងតែម្តង ។
លោកស្រីបានឱ្យដឹងទៀតថា កាលពីឆ្នាំ២០១៣ សាលាធានីភ្នំពេញបានចេញសេចក្តីជូនដំណឹងដល់រថយន្តដឹកកុងតឺន័រ និងរថយន្តដឹកទំនិញធន់ធ្ងន់ទាំងអស់ ហាមចូលរាជធានីភ្នំពេញនៅពេលថ្ងៃ តែម្ចាស់រថយន្តទាំងនោះមិនស្តាប់តាមការណែនាំនៅតែធ្វើចរាចរណ៍ចូលរាជធានីភ្នំពេញយ៉ាងអនាធិបតេយ្យ ។ ការឃាត់រថយន្តណែនាំនៅពេលនេះ គឺជាវិធានមួយដើម្បីក្រើនរំលឹកដល់ម្ចាស់រថយន្តទាំងនោះ ហើយចាប់ពីខែមេសាខាងមុខនេះទៅសាលារាជធានីភ្នំពេញនឹងមានវិធានការក្តៅចំពោះម្ចាស់រថយន្តធុនធ្ងន់ទាំងនោះ ។
លោកស្រី បុប្ផា ផានី បានបន្តទៀតថា រថយន្តដែលសមត្ថកិច្ចឃាត់នៅពេលនេះភាគច្រើនសុទ្ធតែរថយន្តធុនធ្ងន់ដែលហាមចូលរាជធានីភ្នំពេញនៅពេលថ្ងៃ និងមួយចំនួនទៀតអាចចូលរាជធានីភ្នំពេញបានពេលថ្ងៃតែពុំមានលិខិតអនុញ្ញាត្តពីសាលារាជធានីភ្នំពេញ ទើបមន្ត្រីជំនាញចុះទៅសហការណែនាំឱ្យម្ចាស់រថយន្តធ្វើប័ណ្ណចូលរាជធានីភ្នំពេញឱ្យបានត្រឹមត្រូវ ។
លោកស្រីបានបញ្ជាក់ថា រថយន្តចំណុះក្រោម១០តោន អាចធ្វើចរាចរណ៍ចេញចូលរាជធានីភ្នំពេញពេលថ្ងៃបាន តែត្រូវមានលិខិតអនុញ្ញាត្តពីសាលារាជធានីភ្នំពេញនិងហាមធ្វើចរាចរណ៍នៅក្នុងម៉ោង៦ព្រឹកទៅម៉ោង៩ព្រឹក និងពីម៉ោង៤រសៀលទៅម៉ោង៨យប់ ។ ដោយឡែក ចំពោះរថយន្តដែលផ្ទុកលើសពី១៦តោនឡើងទៅដល់២៥តោនធ្វើចរាចរណ៍ចូលរាជធានី បានតែចាប់ពីម៉ោង៨យប់ទៅដល់ម៉ោង៦ព្រឹក ។ រីឯរថយន្តដែលផ្ទុកលើសពី២៥តោនដល់៣៥តោនហាមធ្វើចរាចរណ៍ក្នុងរាជធានី គឺអាចធ្វើចរាចរណ៍បានតែតាមផ្លូវជាតិតែប៉ុណ្ណោះ ។ ចំពោះរថយន្តដែលផ្ទុកលើពី៣៥តោនគីច្បាប់ហាមឃាត់មិនអោយធ្វើចរាចរឡើយ ៕
ចែករំលែកព័តមាននេះ