ស្ត្រីតួកគីម្នាក់ បំបែកឯតទគ្គកម្មមានកម្ពស់ខ្ពស់ជាងគេបំផុតលើពិភពលោក
តួកគី ៖ នាង Rumeysa Gelgi ជនជាតិតួកគី អាយុ២៤ឆ្នាំ ដែលមានកម្ពស់២១៥,១៦សង្ទីម៉ែត្រ (២,១៥ម៉ែត្រ) ត្រូវបានប្រកាស
តួកគី ៖ នាង Rumeysa Gelgi ជនជាតិតួកគី អាយុ២៤ឆ្នាំ ដែលមានកម្ពស់២១៥,១៦សង្ទីម៉ែត្រ (២,១៥ម៉ែត្រ) ត្រូវបានប្រកាសក្លាយជាស្ត្រីខ្ពស់ជាងគេបំផុតលើពិភពលោកដែលនៅរស់ជាផ្លូវការ ដោយសៀវភៅកំណត់ត្រាពិភពលោកហ្គីនណេស (Guinness World Records)។
បើតាមការចេញផ្សាយគេហទំព័រផ្លូវការរបស់ហ្គីនណេសនៅថ្ងៃទី១៣ ខែតុលា នេះ បានឱ្យដឹងថា ដោយសារតែកត្តានៃជំងឺដ៏កម្រមានឈ្មោះថា «Weaver Syndrome» ទើបធ្វើឱ្យ Rumeysa មានការលូតលាស់លឿនខុសពីប្រក្រតី។ ដោយសារកម្ពស់ខ្ពស់ខុសពីធម្មតានេះហើយ បានធ្វើឱ្យនាងភាគច្រើនត្រូវជិះរទេះរុញ បើទោះបីជាអាចដើរដោយប្រើឈើច្រត់ជាជំនួយយ៉ាងណាក៏ដោយ។
នេះជាលើកទីពីរហើយសម្រាប់ Rumeysa ដែលជាប់ឯតទគ្គកម្មពិភពលោក។ ខណៈកាលពីឆ្នាំ ២០១៤ នាងត្រូវបានប្រកាសជាក្មេងស្រីជំទង់ខ្ពស់ជាងគេបំផុតលើពិភពលោកផងដែរ។
គួរបញ្ជាក់ថា សម្រាប់បុរសខ្ពស់ជាងគេបំផុតលើពិភពលោកក៏ជាជនជាតិតួកគីផងដែរ គឺលោក Sultan Kosen បច្ចុប្បន្នអាយុ៣៨ឆ្នាំ ជាមួយកម្ពស់២៥១សង់ទីម៉ែត្រ (២,៥១ម៉ែត្រ) ដែលវាស់កាលពីឆ្នាំ ២០១៨៕ (ដកស្រង់ចេញពី Guinness World Records)
ចែករំលែកព័តមាននេះ