រាជធានីភ្នំពេញ ៖ ដើម្បីចូលរួមការពារថែរក្សា និងលើកកម្ពស់វិស័យព្រះពុទ្ធសាសនា ឱ្យបានគង់វង្សយូរអង្វែងជារៀងរហូត សម្រាប់ទុកឱ្យប្រជាជនកម្ពុជាគោរពបូជានោះ ថា្នក់ដឹកនាំ លោកគ្រូ អ្នកគ្រូ និងសិស្សានុសិស្ស នៃគ្រឹះស្ថានអប់រំអិុន ធី ស៊ី គ្រុប បានផ្ដួច
រាជធានីភ្នំពេញ ៖ ដើម្បីចូលរួមការពារថែរក្សា និងលើកកម្ពស់វិស័យព្រះពុទ្ធសាសនា ឱ្យបានគង់វង្សយូរអង្វែងជារៀងរហូត សម្រាប់ទុកឱ្យប្រជាជនកម្ពុជាគោរពបូជានោះ ថា្នក់ដឹកនាំ លោកគ្រូ អ្នកគ្រូ និងសិស្សានុសិស្ស នៃគ្រឹះស្ថានអប់រំអិុន ធី ស៊ី គ្រុប បានផ្ដួចផ្ដើមធ្វើបុណ្យផ្កាសាមគ្គីមួយដើម្បីប្រមូលថវិកាយកទៅកសាងព្រះពុទ្ធរូបព្រះអង្គទ្រង់បរិនិពា្វន្តដែលមានប្រវែង២២ម៉ែត្រ ស្ថិតនៅក្នុងវត្តរំលក ភូមិ រំលក ឃុំបាស្រែ ស្រុកអង្គរបុរី ខេត្តតាកែវ ។
លោកឧកញ៉ា ជា ធីឡាយ អគ្គនាយក អិុន ធី ស៊ី គ្រុប បានមានប្រសាសន៍ថា ការបង្កើត ឱ្យមានកម្មវិធីនេះឡើងគឺដើម្បីរៃអង្គាសថវិកា និងជំរុញដល់ការបណ្ដុះនូវផ្នត់គំនិត និងស្មារតីចូលរួមសាមគ្គីគ្នារបស់លោកគ្រូ អ្នកគ្រូ និងសិស្សានុសិស្សឱ្យចេះធ្វើអំពើល្អ និងចេះជួយគ្នាទៅវិញទៅមក យល់អំពីតម្លៃនៃព្រះពុទ្ធសាសនា ដែលជាសាសនារបស់រដ្ឋ ។
លោកឧកញ៉ាបានបញ្ជាក់ថា គ្រឹះស្ថានអប់រំអិុន ធី ស៊ី គ្រុបបានដើរតួនាទីឈានមុខគេក្នុងការអប់រំទាំងចំណេះដឹង សីលធម៌ សុជីវធម៌ និងការអប់រំឱ្យសិស្សានុសិស្សចូលរួមក្នុងសកម្មភាពការងារមនុស្សធម៌ក្នុងសង្គម ដើម្បីបង្ហាញអំពីគំរូដ៏ល្អដល់មនុស្សដទៃទៀតឱ្យមានវប្បធម៌ចែករំលែក ចេះជួយគ្នាទៅវិញទៅមក ពិសេសសកម្មភាពប្រមូលថវិកាសម្រាប់យកទៅកសាងព្រះពុទ្ធរូបនេះ នឹងក្លាយទៅជាសកម្មភាពក្នុងការលើកស្ទួយដល់វិស័យព្រះពុទ្ធសាសនា ឱ្យមានការរីកចម្រើនកាន់តែស្ថិតស្ថេរយូរអង្វែងបន្ថែមទៀត ។
លោកឧកញ៉ាបន្ថែមទៀតថា បច្ចុប្បន្ននេះ ការពង្រីកវិសាលភាពសេវាកម្មអប់រំរបស់ អិុន ធី ស៊ី គ្រុប ដើម្បីឆ្លើយបតទៅតាមតម្រូវការរបស់អ្នកសិក្សាដែលពួកគេចាំបាច់ត្រូវតែទទួលបាននូវការអប់រំមួយប្រកបដោយចំណេះដឹង និងចំណេះធ្វើពិតប្រាកដ ស្របតាមគោលនយោបាយរបស់រាជរដ្ឋាភិបាល ក៏ដូចជាក្រសួងអប់រំ យុវជន និងកីឡា ក្នុងការលើកកម្ពស់គុណ ភាពអប់រំនៅកម្ពុជា។
កម្មវិធីបុណ្យនេះបានផ្ដួចផ្តើមឡើងដោយលោកឧកញ៉ា ជា ធីឡាយ អគ្គនាយក អិុន ធី ស៊ី គ្រុប និងលោកជំទាវ ព្រមទាំងបុត្រ លោក ឃឹម ផុន ប្រធាននាយកប្រតិបត្តិ អិុន ធី ស៊ី គ្រុប និងលោកស្រី ព្រមទាំងបុត្រ និងថ្នាក់ដឹកនាំសាលារៀនសុវណ្ណភូមិ សាលារៀនប្រ៊ីជតុន សាលាញូវតុនធីឡាយ សាលាអន្តរជាតិអាមេរិកាំងប៉ាស៊ីហ្វិក សាលាអន្តរជាតិអុិសវ៉េស និងបុគ្គលិក លោកគ្រូ អ្នកគ្រូ មាតាបិតា អាណាព្យាបាលសិស្សព្រមទាំងសិស្សានុសិស្សទាំងអស់របស់អិុន ធី ស៊ីគ្រុប ។
សូមបញ្ជាក់ថា ថវិកាដែលទទួលបានពីបុណ្យផ្កាសាមគ្គីនេះសរុបចំនួនជាង១០០លានរៀល (១២០.៣៩០.៥០០រៀល) និងប្រាក់ដុល្លារជិត១ម៉ឺនដុល្លារ(៨.០៨៩ដុល្លារ) ៕
ចែករំលែកព័តមាននេះ