ឈុតតំណាងជាតិ ល្អ៣ឈុត ត្រូវបានគណៈកម្មាការជ្រើសរើសអោយជាប់ជាឈុត ល្អជាងគេ ក្រោយពិនិត្យយ៉ាងលម្អិត។ ការរកឃើញនេះ បានទទួលការសាទរពីអ្នកទស្សនាជាច្រើនលើសលុប ហើយថាសាកសមទាំងម្ចាស់មកុដរកឃើញ។ នេះជា
រាជធានីភ្នំពេញ ៖ ឈុតតំណាងជាតិ ល្អ៣ឈុត ត្រូវបានគណៈកម្មាការជ្រើសរើសអោយជាប់ជាឈុត ល្អជាងគេ ក្រោយពិនិត្យយ៉ាងលម្អិត។ ការរកឃើញនេះ បានទទួលការសាទរពីអ្នកទស្សនាជាច្រើនលើសលុប ហើយថាសាកសមទាំងម្ចាស់មកុដរកឃើញ។ នេះជាការលើកកម្ពស់ផ្នែកច្នៃម៉ូដ និងវប្បធម៌ជាតិបន្ថែមទៀត បើទោះជាលំបាកបែបណា។
ព្រឹត្តិការណ៍ ប្រកួតកញ្ញាឯកកម្ពុជា ឆ្នាំ២០២១ បានបិទបញ្ចប់ហើយ កាលពីយប់ថ្ងៃទី១១ ខែតុលា ឆ្នាំ២០២១ ដោយមានការផ្សាយបន្តផ្ទាល់នៅលើកញ្ចក់ទូរទស្សន៍បាយ័ន។ ជ័យលាភី៥រូប ត្រូវបានជ្រើសរើស និងក្នុងនោះមានកញ្ញាឯកម្នាក់គត់ដែលគ្រងមកុដ ក្រោយពេលដឹងថា មានសមត្ថភាពល្អ។
ទោះបីជាយ៉ាងណា ព្រឹត្តិការណ៍នោះ ក៏មានការចាប់អារម្មណ៍លើឈុតតំណាងជាតិយ៉ាងសម្បើមរបស់ អ្នកតាមដាន។ មានស្រីស្អាត២០រូប បានមកប៉ែងជើងគ្នា ដណ្តើមមកុដយ៉ាងស្វិតស្វាញ ក្នុងនោះយើងឃើញថា អ្នកទាំង២០រូប បានខិតខំព្យាយាម ពង្រឹងទេពកោសល្យ ដើម្បីប្រមូលការទាក់ទាញ។ នៅយប់វគ្គផ្តាច់ព្រ័ត្រនោះ ឃើញថា មានវិញ្ញាសាច្រើនប្រភេទ ត្រូវបានដាក់ចេញ ដោយម្ចាស់កម្មវិធី តម្រូវ ហើយម្នាក់ត្រូវតែខិតខំ ដើម្បីជាប់ និងមានឱកាសឡើងទៅកាន់ឆាកអន្តរជាតិ។
យ៉ាងណាក្នុងចំណោម វិញ្ញាសា ទាំងនោះ វិញ្ញាសា ឈុតតំណាងជាតិ ត្រូវបានគេតាមដាន ហើយក៏ឃើញថា ឈុតនីមួយៗ ស្រស់ស្អាតប្លែកៗពីគ្នា ក្រោមការច្នៃប្រឌិតយ៉ាងលំបាកពីអ្នករួមសហការ។ ក្នុងចំណោមឈុតតំណាងជាតិទាំង២០ឈុត គឺមាន៣ឈុត ត្រូវបានរកឃើញថា ជាឈុតល្អដាច់គេ សូម្បីតែមហាជនក៏សរសើរ ហើយសមទទួលបានជ័យលាភី។
ឈុតទាំង៣នោះរួមមាន ៖ ឈុត «នាងភិម៉ាល័យ ភួងភិគន្ឋ» គ្រងដោយកញ្ញាស្លាកលេខ១១ សារ៉ាន់ គីមឡាង, ឈុត «គ្រុឌជ័យ» គ្រងដោយកញ្ញាស្លាកលេខ១០ អូន សុខលីន និងឈុត «នាងសិតាព្រះអគ្គី» គ្រងដោយកញ្ញា ស្លាកលេខ៦ ម៉ៅ រស្មី។
ចែករំលែកព័តមាននេះ