Huawei គឺជាក្រុមហ៊ុនស្មាតហ្វូនលំដាប់ថ្នាក់លេខ3 ក្នុងពិភពលោក និងជាម៉ាកស្មាតហ្វូន ដែលបាននិងកំពុងប្រកួតប្រជែងខ្លាំង ដោយមានការគាំទ្រពីម្ចាស់ហាងគ្រប់ទីកន្លែង និងទទួលនូវការពេញនិយមយ៉ាងខ្លាំងពីអតិថិជននៅកម្ពុជានៅទូទាំង25ខេត្ត-ក្រុង បានសម្ពោធជាផ្លូវការនូវស្មាតហ្វូនស៊េរីថ្មីបំផុតរបស់ខ្លួនដែលមានលក្ខណៈពិសេស8យ៉ាង នាថ្ងៃទី20 កុម្ភៈ ថ្មីៗនេះ នោះគឺ Huawei Mate 8 ដែលជាស្មាតហ្វូនសម័យទំនើប សមត្ថភាពកំពូលប្រចាំឆ្នាំ2016 ដែលធ្វើឱ្យអតិថិជនសរសើរមិនដាច់ពីមាត់ និងប្រាកដជាងាយស្រួលក្នុងការទំនាក់ទំនងជាមួយ «មិត្តភក្តិ» ឬ «ដៃគូអាជីវករ» ថ្មីៗទាំងក្នុងជីវិតនិការរកស៊ីប្រចាំថ្ងៃ។
១-សុវត្ថិភាពខ្ពស់ ងាយស្រួលប្រើ និងផ្តល់នូវបទពិសោធន៍ដ៏ល្អឥតខ្ចោះ
Huawei Mate 8 សូមណែនាំនូវប្រព័ន្ធសុវត្ថិភាពស្កេនម្រាមដៃថ្មីជំនាន់ទី2 ជាមួយបច្ចេកវិជ្ជាការពារល្អឥតខ្ចោះ ផ្តល់នូវសុវត្ថិភាពខ្ពស់ជាងមុន ។ ការរចនាសេនស័រថ្មី បានបង្កើនល្បឿនដោះសោ 100% ដែលផ្តល់នូវភាពងាយស្រួលក្នុងការរក្សាទុករូបថត វីដេអូ ឯកសារ និងមានមុខងារជាច្រើនទៀត ដោយប្រើក្រយ៉ៅដៃយ៉ាងងាយស្រួល និងលឿនបំផុតត្រឹមតែ0.5 វិនាទី សម្រាប់ថតសែលហ្វីលើកទូរស័ព្ទ និងបិទម៉ោងរោទ៍។
២-ល្អឥតខ្ចោះសម្រាប់ការថតរូប
ជាមួយកាមេរ៉ាសេនស័រស៊េរីថ្មីដ៏មានអានុភាពកាមេរ៉ាក្រោយទំហំ 16MP កាមេរ៉ាមុខទំហំ 8MP និងមុខងារកាមេរ៉ាដ៏ឆ្លាតវៃដូចជា ការចាប់លំនឹងរូបភាព (OIS) និងសេនស័រចាប់រួបភាព (ISP) ស៊េរីថ្មីរបស់ Huawei ធ្វើឲ្យទូរស័ព្ទ Mate 8 អាចផ្តិចយកគ្រប់រូបភាពបានយ៉ាងច្បាស់ល្អឥតខ្ចោះ។ Mate 8 បន្ថែមនូវបច្ចេកវិទ្យា Focus បានលឿន (Fast and All-focus) ថតច្បាស់ក្នុងទីងងឹត (Low light situation) ជាមួយនឹងបច្ចេកវិទ្យាថ្មីៗ កំរិតអាជីពថតបានលឿន មុខងារថតវីដេអូយឺតៗ (Slow motion) មុខងារថតវីដេអូលឿន (Time-lapse) និងបំពាក់នូវមុខងារជាកាមេរ៉ាអាជីព (Professional functions) ដូចជា ការជ្រើសរើស ISO, S, EV, AF, WB… ស្មើនឹងលោកអ្នកមានកាមេរ៉ាអាជីព នៅជាប់ខ្លួន។
៣-រូបរាងរចនាឡើងយ៉ាងឆើតឆាយ និងល្អឥតខ្ចោះ
ទូរស័ព្ទ Huawei Mate 8 រចនាឡើងយ៉ាងស្រស់ស្អាត ភ្លឺរលោង មានអេក្រង់ការពារពន្លឺទំហំ6អ៊ីញ ដ៏គួរឲ្យទាក់ទាញ ជាមួយកម្រិតពណ៌ដិត95ភាគរយ ទូរស័ព្ទមានទំហំស្តើងស្រាល និងអេក្រង់ធំងាយស្រួលប្រើ។ លើសពីនេះ ជ្រុងមុខកាត់ 2.5D មានរាងកោងផលិតពីលោហៈ អាលុយមីញ៉ូម មាំធុន ដូចដែកថែប ធ្វើឲ្យទូរស័ព្ទនេះកាន់តែស្រស់ស្អាត ភ្លឺរលោង និងងាយស្រួលកាន់ ។
៤-រចនាឡើងសម្រាប់តំរូវការអាជីវកម្មយ៉ាងល្អឥតខ្ចោះ
បន្ថែមលើបច្ចេកវិជ្ជាថ្មីៗជាច្រើន ទូរស័ព្ទ Huawei Mate 8 មានលក្ខណៈពិសេសដ៏ល្អ ឥតខ្ចោះដែលអាចជួយឲ្យលោកអ្នកទទួលបានជោគជ័យក្នុងផ្នែកអាជីវកម្ម។ ព្រោះវាបានបំពាក់នូវមីក្រូហ្វូនអាចស្រូបសំឡេងបានចម្ងាយ3ម៉ែត្រ ឧបករណ៍បំពងសំឡេងច្បាស់ល្អ មានថាមពលខ្ពស់មីក្រូហ្វូនស្រូបសំឡេងបាន120ដឺក្រេ និងប្រព័ន្ធកាត់បន្ថយសំឡេងរំខានដ៏វៃឆ្លាត ដែលងាយស្រួលក្នុងការបើកកិច្ចប្រជុំតាមទូរស័ព្ទ។ ជាពិសេសលោកអ្នកអាចថតការសន្ទនាដែលមានមីក្រូហ្វូនចំនួន3 ដែលអាចថតសំឡេងនៃការសន្ទនា និងអាចចាក់ស្តាប់ឡើងវិញ ដោយផ្ទាល់បាន។
Huawei Mate 8 គឺជាឧបករណ៍ដ៏វៃឆ្លាត និងមានកម្មវិធី Knuckles អ្នកអាចប្រើក្រញរដៃ ដើម្បីកាត់តម្រឹម និងកែសម្រួលរូបថតរបស់អ្នក កត់ត្រាពីអេក្រង់ និងកាត់តវីដេអូ និងអាចចែករំលែករាល់ទិន្នន័យ ។ លើសពីនេះទៅទៀត លោកអ្នកអាចប្រើក្រញរ ឬខ្នងម្រាណដៃ ដើម្បីបញ្ជាដូចជា គូរអក្សរ M ដើម្បីចូលទៅភ្លេង គូរអក្សរ C ដើម្បីចូលទៅកាមេរ៉ា គូរអក្សរ E ដើម្បីចូលទៅអីុនធើរណេត គូរអក្សរ W ដើម្បីចូលមើលអាកាសធាតុ ។
៥-ល្អឥតខ្ចោះសម្រាប់ការបង្ហាញស្ទីលផ្ទាល់ខ្លួនរបស់អ្នក
Huawei Mate 8 មិនត្រឹមតែជួយដល់ការងារមុខជំនួញប៉ុណ្ណោះទេ ថែមទាំងផ្តល់នូវភាពរីករាយពេលបានកាន់ប្រើក្នុងដៃ។ វាមានកម្រាស់ស្តើងត្រឹមតែ 7.9mm គឺស្តើងជាង Mate 7 ដល់ទៅ 0.4mm ។ ការប្រើបច្ចេកវិជ្ជាបង្ហាប់ឱ្យលោហៈធាតុមាំតាន់ធ្វើឱ្យតួលោហៈធាតុមាំតាន់ បានធ្វើឲ្យទូរស័ព្ទ Mate 8 មានរូបរាងហាប់ស្តើង និងស្រាលប្រកបដោយស្ទីលគួរឲ្យទាក់ទាញ និងទាន់សម័យបំផុតជាងទូរស័ព្ទដទៃទៀត ។ តួទូរស័ព្ទ Mate 8 អាចបញ្ចេញពន្លឺយ៉ាងភ្លឺរលោង ការបញ្ចូលគ្នារវាងបច្ចេកវិជ្ជាបញ្ចូលគ្នាបានប្រែក្លាយទូរស័ព្ទមានរូបរាងកាន់តែស្រស់ស្អាត ភ្លឺរលោង ប្រកបដោយស្ទីលគួរឲ្យទាក់ទាញ និងទាន់សម័យបំផុត។
៦-ល្អឥតខ្ចោះសម្រាប់ពាណិជ្ជករដែលធ្វើដំណើរជុំវិញពិភពលោក
នៅពេលអ្នកធ្វើដំណើរទៅក្រៅប្រទេស អ្នកអាចពឹងផ្អែកលើមិត្ត Mate 8 របស់អ្នក។ ព្រោះទូរស័ព្ទ Mate 8 អាចប្រើហ្វ្រេកង់បានច្រើនជាងទូរស័ព្ទស៊ីមពីរដទៃទៀត ដែលជួយឲ្យអ្នកអាចរីករាយនឹងសេវា Roaming ល្បឿន 4G និងការតភ្ជាប់ល្បឿនលឿននៅជាង200ប្រទេស។ នេះជាទូរស័ព្ទដ៏ល្អសម្រាប់ពាណិជ្ជករដែលធ្វើដំណើរជុំវិញពិភពលោក។
៧-ដំណើរការល្អឥតខ្ចោះ
Huawei Mate 8 គឺជាស្មាតហ្វូនដំបូងគេដែលប្រើបន្ទះឈីប Kirin 950 ដែលជា Huawei CPU ចុងក្រោយបំផុត ដែលអាចដំណើរការបានពេញ100ភាគរយ ហើយដំណើរការ GPU ដល់ 125 ភាគរយ និងប្រសិទ្ធភាពដំណើរការដល់70ភាគរយ បើធៀបនឹងបន្ទះឈីប Kirin 950 ។ វាត្រូវបានរចនាឡើងដើម្បីឲ្យមានតុល្យភាពនៃប្រសិទ្ធភាពដំណើរការនៅពេលមានដំណើរការខ្ពស់ តាមរយៈអង្គដំណើរការ 4 x A72 2.3 GHz និង 4 x A53 1.8 GHz ជាមួយនឹង RAM 4GB និងទំហំម៉ាស៊ីន ROM 64 GB ដើម្បីធានាបាននូវល្បឿនដំណើរការលឿនជានិច្ច។
៨-រចនាឡើងដើម្បីប្រសិទ្ធភាពល្អឥតខ្ចោះ
Huawei Mate 8 បំពាក់នូវថ្មដែលមានថាមពលខ្ពស់ 4000mAH ផ្ដល់នូវប្រសិទ្ធភាព ថាមពលឈានមុខគេដែលអាចប្រើបានលើសពី២ថ្ងៃសម្រាប់ការប្រើប្រាស់ធម្មតា។ ហើយមានបច្ចេកវិជ្ជាសាកថ្មលឿន សម្រាប់ថាមពលប្រើប្រាស់ក្នុងមួយថ្ងៃ គឺគ្រាន់តែសាកត្រឹមតែ30នាទីប៉ុណ្ណោះ ដែលលឿនជាងស្មាតហ្វូនម៉ាកផ្សេងៗ រហូតដល់105ភាគរយ។ Huawei Mate 8 ក៏មានស្រទាប់មេកានិចបន្ថយកម្តៅចំនួន6ស្រទាប់ ដែលអាចការពារកម្តៅខ្លាំង និងប្រើប្រាស់ ថាមពលតិច។ ទូរស័ព្ទ Huawei Mate 8 បានទទួលការត្រួតពិនិត្យយ៉ាងម៉ត់ចត់ពីប្រព័ន្ធផ្សព្វផ្សាយជាច្រើន នៅក្នុងពិព័រណ៍អេឡិចត្រូនិក CES ប្រចាំឆ្នាំ 2016 ។ បណ្តាអ្នកនិពន្ធ និងសារព័ត៌មានល្បឺៗនៅលើ ពិភពលោក បានចាត់ទុកថា ទូរស័ព្ទ Huawei Mate 8 ជា «ស្មាតហ្វូនដ៏គួរឲ្យចាប់អារម្មណ៍» ដោយអះអាងថា វាមានអេក្រង់ល្អអស្ចារ្យ ថាមពលថ្មល្អឥតខ្ចោះ ការរចនាល្អឯក កម្មវិធីស្កេនម្រាមដៃមានល្បឿនលឿន ដែលល្អលើសស្មាតហ្វូនដទៃនៅលើទីផ្សារបច្ចុប្បន្ន ។
ការរចនាយ៉ាងល្អឯក រាងស្តើងឆើតឆាយ មុខងារល្អឥតខ្ចោះ លក្ខណៈពិសេសៗកម្រិតកំពូល និងពេញដោយអត្ថប្រយោជន៍ជាច្រើន ជាហេតុផលធ្វើឲ្យទូរស័ព្ទ Huawei Mate 8 ទទួលបានពានរង្វាន់ចំនួន16 ដូចជា «រង្វាន់ទូរស័ព្ទដៃល្អបំផុត» «រង្វាន់ស្មាតហ្វូនល្អបំផុត» «ពានរង្វាន់ ស្មាតហ្វូនល្អបំផុតក្នុងពិព័រណ៍អេឡិចត្រូនិក CES» និងរង្វាន់ជាច្រើនទៀត។
ចែករំលែកព័តមាននេះ