រាជធានីភ្នំពេញ ៖ នៅសាលាខណ្ឌប្ញស្សីកែវ នាព្រឹកថ្ងៃទី០៤ មីនា ២០១៦ នេះ មានរៀបចំពិធីប្រកាសតែងតាំងប្រធាន-អនុសមាគមនារីខណ្ឌ និងពិធីអបអរសាទរខួបអនុស្សាវរីយ៍លើកទី១០៥ ទិវាអន្តរជាតិនារី៨ មីនា ក្រោមអធិបតីភាពលោកស្រីម៉ក់ វ៉ាន់ស៊ីថា អភិបាលរងរាជធានីភ្នំពេញ ។
ក្នុងពិធីនោះ ក៏មានការចូលរួមពីប្រធាន-អនុប្រធានគណៈកម្មការបក្ស, ប្រធានក្រុមប្រឹក្សា និងគណៈអភិបាលខណ្ឌ និងនារីតាមបណ្តាសង្កាត់ជាច្រើនរូបទៀត ។
គួរបញ្ជាក់ថា លោកស្រីអាន ផល្លា ដែលជាភរិយារបស់លោកជា ពិសី អភិបាលខណ្ឌប្ញស្សីកែវ ត្រូវបានតែងតាំងជាប្រធានសមាគមនារីខណ្ឌ និងលោកស្រីលី រ៉ូហ្សាមី អភិបាលរងខណ្ឌ ត្រូវបានតែងតាំងជាអនុប្រធានសមាគមនារីខណ្ឌ ។
ក្នុងឱកាសអបអរសាទរទិវាសិទ្ធិ៨ មីនា នោះ ក៏មានរៀបចំការចែករង្វាន់ទុកជាអនុស្សាវរីយផងដែរ ។
ចែករំលែកព័តមាននេះ