រាជធានីភ្នំពេញ ៖ ចៅក្រមតុលាការកំពូល កាលពីព្រឹកថ្ងៃទី២ មីនា ២០១៦ បានបើកសវនាការសកម្មជនដីធ្លីបឹងកក់ ដែលមានជនជាប់ចោទអ្នកស្រីទេព វន្នី និងស្ត្រីចំនួន១២នាក់ផ្សេងទៀត ។
រាជធានីភ្នំពេញ ៖ ចៅក្រមតុលាការកំពូល កាលពីព្រឹកថ្ងៃទី២ មីនា ២០១៦ បានបើកសវនាការសកម្មជនដីធ្លីបឹងកក់ ដែលមានជនជាប់ចោទអ្នកស្រីទេព វន្នី និងស្ត្រីចំនួន១២នាក់ផ្សេងទៀត ។ ក្រុមសកម្មជនស្ត្រីបឹងកក់ប្រមូលផ្តុំតវ៉ានៅមុខតុលាការកំពូល
ជនជាប់បាននាំគ្នាមកកាន់តុលាការកំពូលតាមដីកាកោះរបស់ចៅក្រមតុលាការកំពូល ដើម្បីជំនុំជម្រះបណ្តឹងសារទុក្ខរបស់ពួកប្រឆាំងការសម្រេចរបស់សាលាឧទ្ធរណ៍ ដែលបានផ្ដន្ទាទោសពួកគាត់ពីបទរារាំងចរាចរណ៍សាធារណៈ និងញុះញង់ប្រឆាំងនឹងមន្ត្រីសាធារណៈ ។
យោងតាមដីកាកោះរបស់តុលាការកំពូលបានលើកឡើងថា ស្ត្រីជនជាប់រួមមាន ១-ទេព វន្នី ២-ហេង មុំ ៣-សួង សម័យ ៤-ង៉ែត ឃុន ៥-ឆេង លាប ៦-ថូ ដាវី ៧-បូវ សោភា ៨-គង់ ចន្ថា ៩-ងួន គឹមឡាង ១០-សុង ស្រីលាភ ១១-ចាន់ ណាវី ១២-ផាន់ ឈុន
រ៉េត និង១៣-តុល ស្រីពៅ ដោយពួកគាត់បានឈរកាន់ដីកាចម្លងម្នាក់ៗមួយសន្លឹក តវ៉ាខាងមុខតុលាការ មុនពេលក្នុងបន្ទប់សវនាការ ។
តុលាការបានចោទប្រកាន់ស្ត្រីទាំង១៣នាក់ ពីកាន់កាប់ដោយខុសច្បាប់លើកចលនវត្ថុរបស់នីតិបុគ្គលសាធារណៈ និងប្រឆាំងអ្នករាជការសាធារណៈ ដោយស្ថានទម្ងន់ទោសប្រព្រឹត្តទៅនៅចំណុចបឹងកក់១ ភូមិ១ សង្កាត់ស្រះចក ខណ្ឌដូនពេញ រាជធានីភ្នំពេញ កាលពីថ្ងៃទី២២ ឧសភា ២០១២ បទព្រហ្មទណ្ឌដែលចែងឲ្យផ្តន្ទាទោសតាមមាត្រា៣៤ និងមាត្រា២៥៥ នៃច្បាប់ភូមិបាល និងមាត្រា៥០៤នៃច្បាប់ព្រហ្មទណ្ឌព្រះរាជាណាចក្រកម្ពុជា ។
បន្ទាប់ពីបានចូលក្នុងបន្ទប់សវនាកា ហើយចៅក្រមបានបញ្ចប់ការសាកសួរស្ត្រីបឹងកក់ជាជនជាប់ចោទទាំង១៣នាក់ និងបានសម្រេចលើកពេលប្រកាសសាលដីកានៅថ្ងៃទី១៦ មីនា ២០១៦ ខាងមុខវិញ ។ សមាសភាពក្រុមប្រឹក្សាជំនុំជម្រះលោក សឹង បញ្ញាវឌ្ឍ ជាប្រធាន, លោកយស សូឌឿន, លោកស្រីខៀវ សុខា, លោកតែ សំអាង, លោកស្រីសែម សូកូឡា ជាចៅក្រមប្រឹក្សាជំនុំជម្រះ ។
ចែករំលែកព័តមាននេះ