ខេត្តបន្ទាយមានជ័យ ៖ តាមសេចក្តីរាយការណ៍ពីអ្នកឆ្លើយឆ្លងព័ត៌មានបានឱ្យដឹងថា ខណៈនេះ កម្លាំងសមត្ថកិច្ចចម្រុះខេត្តបន្ទាយជ័យ សហការជាមួយកម្លាំងប៉ូលិសមកពីប្រទេសចិន កំពុងឡោមព័ទ្ធកាស៊ីណូឈ្មោះCROWN ស្ថិតនៅក្បាលស្ពានទី១ សង្កាត់ប៉ោយប៉ែត ក្រុងប៉ោយប៉ែត ។
មន្ត្រីសមត្ថកិច្ចបានឱ្យដឹងថា ការអនុវត្តរបស់សមត្ថកិច្ចខាងលើនេះ ដើម្បីចុះបង្ក្រាបនិងចាប់ខ្លួនជនជាតិចិនជាច្រើននាក់ពីបទចាប់ជំរិតមនុស្សតាមប្រព័ន្ធអនឡាញ ដែលមានទីតាំងនៅកាស៊ីណូខាងលើ ។ មន្ត្រីសមត្ថកិច្ចបានបន្តថា ជាបឋមសមត្ថកិច្ចចាប់ខ្លួនជនជាតិចិនបានមួយចំនួនធំ ប៉ុន្តែមួយចំនួនទៀតបានរត់ចូលបន្ទប់សម្ងាត់ក្នុងកាស៊ីណូ ធ្វើឱ្យសមត្ថកិច្ចពិបាក ដោយបន្ទាប់ដែលជនសង្ស័យរត់ចូលទៅពួនសម្ងំនោះប្រើខ្ចៅដៃទើបចូលបាន ។
រហូតមកដល់ម៉ោងជាង១២ថ្ងៃត្រង់ថ្ងៃទី២ មីនា ២០១៦ កម្លាំងសមត្ថកិច្ចចម្រុះបាននិងកំពុងសហការជាមួយម្ចាស់កាស៊ីណូ ដើម្បីចាប់ខ្លួនបន្តទៀត ៕
ព័ត៌មានលម្អិតមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ