ខេត្តតាកែវ ៖ ជនសង្ស័យម្នាក់ត្រូវប៉ូលិសចាប់ខ្លួន រួចកសាងសំណុំរឿងបញ្ជូនទៅការិយាល័យព្រហ្មទណ្ឌកម្រិតស្រាលខេត្ត ចាត់ការបន្ត បន្ទាប់ពីជនសង្ស័យបានយកកាំបិតប៉័ងតោកាប់ទៅលើមិត្តភក្តិរបស់ខ្លួន បណ្ដាលឱ្យរយះក្បាលរងរបួសធ្ងន់ នៅពេលភាគី
ខេត្តតាកែវ ៖ ជនសង្ស័យម្នាក់ត្រូវប៉ូលិសចាប់ខ្លួន រួចកសាងសំណុំរឿងបញ្ជូនទៅការិយាល័យព្រហ្មទណ្ឌកម្រិតស្រាលខេត្ត ចាត់ការបន្ត បន្ទាប់ពីជនសង្ស័យបានយកកាំបិតប៉័ងតោកាប់ទៅលើមិត្តភក្តិរបស់ខ្លួន បណ្ដាលឱ្យរយះក្បាលរងរបួសធ្ងន់ នៅពេលភាគីទាំង២ បានស៊ីផឹកជាមួយរួចជជែកគ្នា ហើយជនសង្ស័យក៏ទាញកាំបិតពីចង្កេះកាប់ទៅលើជនរងគ្រោះតែម្ដង ។
ហេតុការណ៍នេះ កើតឡើងកាលពីវេលាម៉ោង១រំលងអធ្រាត្រឈានចូលថ្ងៃទី២៩ កុម្ភៈ ២០១៦ ស្ថិតលើផ្លូវលំក្នុងភូមិរំចេក ឃុំត្នោត ស្រុកបាទី ។
ប៉ូលិសស្រុកបាទីបានឱ្យដឹងថា ជនសង្ស័យដែលត្រូវចាប់ខ្លួននេះឈ្មោះស្រេង ពន្លក ហៅលក ភេទប្រុស អាយុ១៨ឆ្នាំ រស់នៅភូមិតានប់ ឃុំត្នោត ស្រុកបាទី ។ ចំណែកជនរងគ្រោះឈ្មោះគឹម វិសាល ភេទប្រុស អាយុ២០ឆ្នាំ បានរងរបួសក្បាលពីក្រោយមួយកាំបិតប៉័ងតោ ត្រូវបានក្រុមគ្រួសារយកមកព្យាបាលនៅមន្ទីរពេទ្យបង្អែកខេត្ត ។
នៅចំពោះមុខប៉ូលិស ជនសង្ស័យបាននិយាយសារភាពថា រូបគេពិតជាបានយកកាំបិតប៉័ងតោកាប់ទៅលើជនរងគ្រោះពិតប្រាកដមែន ។ បច្ចុប្បន្ន ជនសង្ស័យត្រូវប៉ូលិសការិយាល័យព្រហ្មទណ្ឌកំរិតស្រាលខេត្ត កំពុងតែកសាងសំណុំរឿងបញ្ជូនទៅសាលាដំបូងខេត្ត នៅរសៀលថ្ងៃទី១ មីនា ២០១៦ នេះ ។
ចែករំលែកព័តមាននេះ