អតីតកីឡាករ Arsenal ម្នាក់ជឿថា Arteta នឹងក្លាយជា Arsene Wenger ទី២
អង់គ្លេស ៖ ក្រុមកាំភ្លើងធំ Arsenal បន្តធ្វើបានយ៉ាងល្អសម្រាប់ការប្រកួតក្របខណ្ឌ Premier League ក្រោយពីបំបាក់ក្រុមមាន់
អង់គ្លេស ៖ ក្រុមកាំភ្លើងធំ Arsenal បន្តធ្វើបានយ៉ាងល្អសម្រាប់ការប្រកួតក្របខណ្ឌ Premier League ក្រោយពីបំបាក់ក្រុមមាន់
អង់គ្លេស ៖ ក្រុមកាំភ្លើងធំ Arsenal បន្តធ្វើបានយ៉ាងល្អសម្រាប់ការប្រកួតក្របខណ្ឌ Premier League ក្រោយពីបំបាក់ក្រុមមាន់ខ្នាយមាស Tottenham Hotspur នៅក្នុងជំនួប North London Derby ដោយលទ្ធផល ៣-១ កាលពីយប់មិញ។
ជំនួបសប្តាហ៍ទី៦ ដែលធ្វើឡើងក្នុងកីឡដ្ឋាន Emirates គ្រាប់បាល់ជ័យជម្នះរបស់ម្ចាស់ផ្ទះ Arsenal សម្រេចបានដោយកីឡាករ Emile Smith Rowe, Pierre-Emerick Aubameyang និង Bukayo Saka។ ខណៈដែល១គ្រាប់របស់ក្រុមភ្ញៀវ Spurs រកបានដោយកីឡាករ Son Heung-Min។
ឆ្លងកាត់ការប្រកួត៦សប្តាហ៍កន្លងមក Arsenal ដែលធ្លាប់នៅបាត់តារាង បានរំកិលខ្លួនឡើងមកចំណាត់ថ្នាក់លេខ១០ មាន៩ពិន្ទុ ដោយមានគម្លាត៥ពិន្ទុពីក្រុមកំពូលតារាង Liverpool។ ខណៈ Spurs ដែលធ្លាប់នៅកំពូលតារាង បានធ្លាក់មកនៅលេខ១១ មាន៩ពិន្ទុផងដែរ។
ជ័យជម្នះលើ Spurs គឺជាការឈ្នះ៣ប្រកួតជាប់គ្នារបស់ Arsenal ក្រោមការដឹកនាំរបស់លោក Mikel Arteta កំពុងបង្ហាញក្រុមខ្លាំងរួមលីគទាំងអស់ថា ក្រុមលោកមានសមត្ថភាពគ្រប់គ្រាន់ដើម្បីប្រជែងជើងឯករដូវកាលនេះ។
តាមរយៈលទ្ធផលនេះ Gael Clichy អតីតខ្សែការពារ Arsenal ធ្លាប់លេងក្រោមការដឹកនាំរបស់លោក Arsene Wenger និងធ្លាប់លេងឱ្យក្រុម Man City ពេលដែល Arteta នៅជាជំនួយការរបស់លោក Pep Guardiola បានបង្ហាញការជឿជាក់ថា Arteta នឹងក្លាយជាលោក Arsene Wenger ទី២ សម្រាប់កាំភ្លើង Arsenal។
Clichy បានថ្លែងប្រាប់ BBC យ៉ាងដូច្នេះថា «Arteta ទទួលបានចំនេះដឹងយ៉ាងច្រើនពីលោក Pep Guardiola។ ហើយខ្ញុំជឿជាក់ថា នៅថ្ងៃខាងមុខ គាត់នឹងអាចជាលោក Arsene Wenger ទី២។ គាត់នៅវ័យក្មេង ដូច្នេះគួរតែទុកពេលវេលាសម្រាប់គាត់ ដើម្បីបង្ហាញថា អ្នកគ្រប់គ្នាបានគិតខុសលើគាត់ហើយ»៕ (ដកស្រង់ចេញពី BBC)
ចែករំលែកព័តមាននេះ