រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា ស្ត្រីម្នាក់ឈ្លោះប្រកែកជាមួយប្តី រួចក៏ទៅអង្គុយយំនៅរានហាលមុខផ្ទះជាន់ទី១ ហើយក៏ឃើញប្តីជិះម៉ូតូចេញពីផ្ទះ ធ្វើឲ្យប្រពន្ធរឹតតែខឹងប្តីមិនលួងខ្លួន ក៏សម្រេចចិត្តលោ.តចុះមកក្រោមប៉ុនប៉ងបញ្ចប់ជីវិត តែមិនស្លា.ប់គ្រាន់តែរបួសជើងប៉ុណ្ណោះ បង្កឱ្យមានការភ្ញាក់ផ្អើលនៅវេលាម៉ោង៩និង៣០នាទីយប់ ថ្ងៃទី២៦ ខែកញ្ញា ឆ្នាំ២០២១ នៅចំណុចផ្ទះលេខ១៣៦ ផ្លូវសុធារស ក្នុងភូមិ៨ ក្រុម៤០ សង្កាត់ទន្លេបាសាក់ ខណ្ឌចំការមន ។
បើតាមប្រភពពីប្រជាពលរដ្ឋនៅកន្លែងកើតហេតុបានប្រាប់អោយដឹងថា មុនកើតហេតុ គេលឺសម្លេងស្ត្រីខាងលើបានឈ្លោះប្រកែកគ្នាជាមួយប្តីមួយប្រ៉ាវ តែមិនដឹងឈ្លោះគ្នាពីរឿងអ្វីនោះទេ ។ បន្ទាប់ពីឈ្លោះប្រកែកគ្នារួចហើយ ស្ត្រីជាប្រពន្ធបានទៅអង្គុយយំតែម្នាក់ឯងនៅរានហាលមុខផ្ទះជាន់ទី១ ចំណែកឯប្តីមិនចង់ឈ្លោះប្រកែកគ្នា ក៏ជិះម៉ូតូគេចចេញទៅ ទើបធ្វើអោយស្ត្រីជាប្រពន្ធរឹតតែខឹង ក៏សម្រេចចិត្តលោ.តពីលើផ្ទះតែម្តង ។
ប្រភពដដែលបន្តថា តែគ្រានោះសំណាងល្អ ដែលបានប្រជាពលរដ្ឋប្រទះឃើញទាន់ ក៏នាំគ្នាទាញសាឡុងពូក ដែលគេដាក់អង្គុយលេងមុខផ្ទះនោះមកទ្រស្ត្រីរងគ្រោះ ទើបធ្វើឲ្យស្ត្រីរងគ្រោះធ្លាក់មកទើរលើសាឡុង បណ្តាលឱ្យរងរបួសស្រាល និងសន្លប់ស្តូកស្តឹងតែម្តងទៅ ។
ភ្លាមៗនោះផងដែរ បុរសជាប្តីឃើញដូច្នេះ ក៏បានបត់ម៉ូតូត្រឡប់ក្រោយមកវិញ រួចជួយសង្គ្រោះប្រពន្ធ ដោយលើកដាក់ម៉ូតូកង់បី ដឹកទៅសង្គ្រោះនៅមន្ទីរពេទ្យភ្លាមៗផងដែរ ៕
ចែករំលែកព័តមាននេះ