បេក្ខជន៤រូបក្នុងនោះមានបុរស២រួបនិងនារី២រូប កាលពីថ្ងៃទី១៧ កញ្ញា ចាប់ផ្ដើមជាផ្លូវការយុទ្ធនាការឃោសនាបោះឆ្នោត សម្រាប់ក្លាយជាប្រធាននាពេលខាងមុខគណបក្សកាន់អំណាច ក្នុងឱកាសនៃ
ប្រទេសជប៉ុន ៖ បេក្ខជន៤រូបក្នុងនោះមានបុរស២រួបនិងនារី២រូប កាលពីថ្ងៃទី១៧ កញ្ញា ចាប់ផ្ដើមជាផ្លូវការយុទ្ធនាការឃោសនាបោះឆ្នោត សម្រាប់ក្លាយជាប្រធាននាពេលខាងមុខគណបក្សកាន់អំណាច ក្នុងឱកាសនៃការបោះឆ្នោតផ្ទៃក្នុងនាថ្ងៃទី២៩កញ្ញា ដែលនឹងបើកផ្លូវឲ្យអ្នកដែលឈ្នះក្លាយជានាយករដ្ឋមន្ត្រីថ្មីជប៉ុន។
កាលបរិច្ឆេទកំណត់ចុងក្រោយសម្រាប់ការដាក់បេក្ខភាព ត្រូវផុតកំណត់នាព្រឹកថ្ងៃទី១៧កញ្ញា ហើយមានបេក្ខជន៤រូបប្រកួតប្រជែងគ្នាដណ្ដើមយកតំណែងបន្តពីលោកយ៉ូសីុហីុដស៊ូហ្គា ប្រធានគណបក្សសេរីប្រជាធិបតេយ្យជប៉ុនបច្ចុប្បន្ន។ ក្នុងចំណោមបេក្ខជនទាំង៤រូប លោកតារ៉ូកូណូអាយុ៥៨ឆ្នាំអតីតរដ្ឋមន្ត្រីកែទម្រង់រដ្ឋបាល ហើយក៏ទទួលបន្ទុកផងដែរ ខាងយុទ្ធនាការជាតិចាក់វ៉ាក់សាំងប្រឆាំងកូវីដ-១៩ត្រូវបានគេចាត់ទុកថា ជាអ្នកដែលមានសង្ឃឹមឈ្នះច្រើន។ ប៉ុន្តែវាមិនប្រាកដដែរអ្វីៗតែងមានការប្រែប្រួល។ លោកតូរ៉ូអាសូរដ្ឋមន្ត្រីហិរញ្ញវត្ថុបច្ចុប្បន្នអះអាងថា លោកនឹងគាំទ្រទាំងលោកតារ៉ូកូណូទាំងលោកហ្វូមីអូគីស៊ីដា អតីតរដ្ឋមន្ត្រីការបរទេស។
អតីតរដ្ឋមន្ត្រីដែរលោកស្រីសាណាអ៊ីតាកាអ៊ីជីអាយុ៦០ឆ្នាំ ជាអ្នកជាតិនិយមជ្រុលទទួលការគាំទ្រពីសំណាក់អតីត នាយករដ្ឋមន្ត្រីលោក ស៊ីនហ្សូអាបេ ក៏មានអ្នកគាំទ្រច្រើនក្នុងសភាដែរ។បេក្ខនារីមួយរូបទៀត លោកស្រីសៃកូណូដា អតីតរដ្ឋមន្ត្រីអាយុ៦១ឆ្នាំ ហាក់មានវាសនាអាចជាប់ឆ្នោតតិច៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ