ADផ្ទាំងផ្សព្វផ្សាយពាណិជ្ជកម្ម

Picture

ចង្រិតដែក​១​គីឡូ​ជាង​១​ម៉ឺន​រៀល កសិករ​នាំ​គ្នា​ចិញ្ចឹម​ដើម្បី​ផ្គត់ផ្គង់​គ្រួសារ

2 ឆ្នាំ មុន
  • កណ្តាល

កសិករ​ដែល​រស់នៅ​ក្នុងភូមិ​ទូល​ពពេល ឃុំ​គោក​គង់​លិច ស្រុក​ក​ញ្ច្រៀ​ច ខេត្តព្រៃវែង បាន​នាំ​គ្នា​ចាប់​យកមុខ​របរ​ចិញ្ចឹម​ចង្រិតដែក​លក់ ដោយសារ​មាន​ទីផ្សារ​ច្រើន ហើយ​ប្រើ​រយៈពេល​ខ្លី ចំណែក​តម្លៃ​វិញ គឺ

ខេត្តព្រៃវែង ៖ កសិករ​ដែល​រស់នៅ​ក្នុងភូមិ​ទូល​ពពេល ឃុំ​គោក​គង់​លិច ស្រុក​ក​ញ្ច្រៀ​ច ខេត្តព្រៃវែង បាន​នាំ​គ្នា​ចាប់​យកមុខ​របរ​ចិញ្ចឹម​ចង្រិតដែក​លក់ ដោយសារ​មាន​ទីផ្សារ​ច្រើន ហើយ​ប្រើ​រយៈពេល​ខ្លី ចំណែក​តម្លៃ​វិញ គឺ​ថ្លៃ​គួរសម ដែល​អាច​ទទួលយក​បាន ដើម្បី​រក​ប្រាក់​ចំណូល​ជួយ​ផ្គត់ផ្គង់​ជីវភាព​គ្រួសារ​ឱ្យ​ធូរធា​បាន​មួយ​កម្រិត​ទៀត​។

បើ​តាម​កសិករ​ដែល​បាន​លើក​ឡើង​ប្រហាក់ប្រហែល​គ្នា បាន​ប្រាប់​អោយ​ដឹង​កាលពី​ថ្ងៃ​ទី​១ ខែកញ្ញា ឆ្នាំ​២០២១​ថា ការ​ចាប់​យកមុខ​របរ​ចិញ្ចឹម​ចង្រិតដែក​នេះ គឺ​ដោយសារ​មាន​ទីផ្សារ​ច្រើន ជួន​ការ​ចិញ្ចឹម​មិន​ទាន់​តម្រូវការ​ឈ្មួញ​ផង ហើយ​ចង្រិតដែក​នេះ មិន​ពិបាក​ចិញ្ចឹម​នោះ​ទេ​។

កសិករ​បាន​អះអាង​ថា ចង្រិត​ងាយស្រួល​ចិញ្ចឹម​ជាង​មាន់ ទារ និង​ជ្រូក​ទៀត ដែល​ប្រើ​រយៈពេល​ត្រឹមតែ​៤០​ថ្ងៃ​ប៉ុណ្ណោះ​នឹង​បាន​ប្រមូល​ផល ហើយ​ក៏​មាន​ឈ្មួញ​ចុះ​មក​ប្រមូល​ទិញ​ដល់​ផ្ទះ​ទៀត ដោយ​ក្នុង​១​គ​ឡូ​ក្រាម​អាច​លក់​បាន​តម្លៃ​១១,០០០​រៀល​ឯណោះ​។

កសិករ​បញ្ជាក់​បន្ថែម​ទៀត​ថា នៅ​ឃុំ​គោក​គង់​លិច​នេះ ក្រៅពី​មុខរបរ​បង្កបង្កើន​ផលដំណាំ​ធ្វើស្រែ​ចំការ​បន្តិចបន្តួច​ហើយ កសិករ​ជា​ច្រើន​គ្រួសារ​ក៏​បាន​នាំ​គ្នា​ឆ្លៀតពេល​ងាក​មក​ចាប់​យកមុខ​របរ​ចិញ្ចឹម​ចង្រិត ដោយ​អ្នកខ្លះ​ចិញ្ចឹម​១០​ទ្រុង និង​អ្នកខ្លះ​ទៀត​ចិញ្ចឹម​២០​ទ្រុង ព្រោះ​ចំណាយ​ដើមទុន​តិច អោយ​វា​ស៊ី​ស្លឹកឈើ និង​ចំណី​កូន​មាន់​បន្តិចបន្តួច​តែ​ប៉ុណ្ណោះ ដើម្បី​រក​ប្រាក់​ជួយ​ផ្គត់ផ្គង់​សេដ្ឋកិច្ច​គ្រួសារ​ធូរធា​បាន​មួយ​កម្រិត​ដែរ​៕

អត្ថបទសរសេរ ដោយ

កែសម្រួលដោយ