តាមចាប់ពីកំពត មកដល់ភ្នំពេញ ក្រុមដើរឆបោក លួចលុយតាមវីង ធ្វើសកម្មភាព ៣ខេត្ត
- កំពត
ខេត្តកំពត៖ នគរបាលខេត្តកំពត កាលពីព្រឹកថ្ងៃទី១៥ ខែសីហា ឆ្នាំ២០២១ បានបង្ហាញជនសង្ស័យ ចំនួន ៥នាក់ ក្នុងនោះ មានស្ត្រីអាយុ…
ខេត្តកំពត៖ នគរបាលខេត្តកំពត កាលពីព្រឹកថ្ងៃទី១៥ ខែសីហា ឆ្នាំ២០២១ បានបង្ហាញជនសង្ស័យ ចំនួន ៥នាក់ ក្នុងនោះ មានស្ត្រីអាយុ ៦០ឆ្នាំម្នាក់ និងរថយន្តកាមរីឆ្លាម ចំនួន ២គ្រឿង សម្រាប់ធ្វើមធ្យោបាយរបស់ជនសង្ស័យ ទាំង ៥នាក់ ដើរធ្វើសកម្មភាព លើភូមិសាស្ត្រចំនួន ៣ខេត្ត។
លោកឧត្តមសេនីយ៍ត្រី លក ញ៉ាវ ស្នងការរង ទទួលផែនយុត្តិធម៌ខេត្តកំពត បានអោយដឹង កាលពីព្រឹកថ្ងៃអាទិត្យនេះថា ដោយសាតែមានបទបញ្ជាពីលោកឧត្តមសេនីយ៍ទោ ម៉ៅ ច័ន្ទមធុរិទ្ធិ ស្នងការនគរបាលខេត្តកំពត សហការជាមួយនគរបាលក្រសួងមហាផ្ទៃ និងនគរបាលរាជធានីភ្នំពេញ បានចុះមកដល់ភូមិត្រពាំងពោធិ៍ សង្កាត់គោករការ ខណ្ឌព្រែកព្នៅ រាជធានីភ្នំពេញ បានឃាត់ខ្លួនមនុស្សចំនួន ៥នាក់ ក្នុងនោះ មានស្ត្រីម្នាក់ ជាប់ពាក់ពន្ធ័បទឆបោក នៅទីតាំងវេរលុយ។
លោក លក ញ៉ាវ បន្តថា ករណីដើរឆបោកលួចលុយ នៅកន្លែងវេរលុយនេះ នគរបាល តាមស្រាវជ្រាវជាយូរហើយ ប៉ុន្តែអ្វីដែលមិនទាន់ចាប់ខ្លួនបាន ដោយសារតែ ខាងសមត្ថកិច្ច ប្រមូលព័ត៌មានឲ្យគ្រប់ទិសទី ទើបឈានទៅដល់ការឃាត់ខ្លួន។
លោកឧត្តមសេនីយ៍ត្រី លក ញ៉ាវ បន្ថែមថា យោងតាមចម្លើយរបស់ជនសង្ស័យ សារភាព ប្រាប់នគរបាលថា ពួកគេបាន ដើរលួចលុយ តាមបែបជំនាញ នៅកន្លែងវេរលុយ មាននៅខេត្តកំពត ខេត្តកំពង់ចាម និងខេត្តព្រៃវែង។
ជនសង្ស័យទាំង ៥នាក់នេះ ម្នាក់ឈ្មោះ ផាន់ រ័ត្នភេទប្រុស អាយុ ៤៥ឆ្នាំ នៅភូមិកណ្ដោល ឃុំប្រធាតុ ស្រុកអូររាំងឪ ខេត្តត្បូងឃ្មុំ។ ឈ្មោះ តុង សំណាង នៅភូមិរស្មី ឃុំត្រយោង ស្រុកបារាយ ខេត្តកំពង់ធំ។ ៣-ឈ្មោះ សេង សំអាត ភេទប្រុស អាយុ ៤២ឆ្នាំ នៅភូមិបាយ៉ាប ខណ្ឌសែនសុខ រាជធានីភ្នំពេញ។ ៤-ឈ្មោះ ឈុំ ស្រី ភេទស្រី អាយុ ៦០ឆ្នាំ រស់នៅភូមិថ្មីលើ ឃុំប្រធាតុ ស្រុកអូររាំងឪ ខេត្តត្បូងឃ្មុំ និង៥-ឈ្មោះ ជេត ឃុនភេទប្រុស អាយុ ៣៨ឆ្នាំ រស់នៅភូមិថ្មីលើ ឃុំប្រធាតុ ស្រុកអូររាំងឪ ខេត្តត្បូងឃ្មុំ។
លោកឧត្តមសេនីយ៍ត្រី លក ញ៉ាវ លើកឡើងថា ករណីក្រុមឆបោក លួចលុយតាមវីង យ៉ាងជំនាញមួយក្រុមទៀត ក៏បានអោយពលរដ្ឋ ផ្ញើលុយតាមវេរលុយកន្លែងផ្សេងៗទៀត ហើយខាងនគរបាល កំពុងតាមចាប់ខ្លួនមនុស្សផ្សេងទៀត ព្រោះនៅមានមេខ្លោង៕ កែវឆាត
ចែករំលែកព័តមាននេះ