ផ្សារណាត់ទំនើបជិតលេចរូបរាងក្នុងក្រុងដូនកែវ
- តាកែវ
ខេត្តតាកែវ ៖ នៅព្រឹកថ្ងៃទី២៨ កក្កដា នេះ លោកកង អាណាន់ អភិបាលក្រុងដូនកែវ រួមជាមួយមន្ត្រីជំនាញលោក ឡោ…
ខេត្តតាកែវ ៖ នៅព្រឹកថ្ងៃទី២៨ កក្កដា នេះ លោកកង អាណាន់ អភិបាលក្រុងដូនកែវ រួមជាមួយមន្ត្រីជំនាញលោក ឡោ…
ខេត្តតាកែវ ៖ នៅព្រឹកថ្ងៃទី២៨ កក្កដា នេះ លោកកង អាណាន់ អភិបាលក្រុងដូនកែវ រួមជាមួយមន្ត្រីជំនាញលោក ឡោ ជំនិត និងលោកស្រី ម្ចាស់វិនិយោគគំរោងសង់ផ្សារណាត់ទំនើបខ្នាតតូច បានអញ្ជើញចុះពិនិត្យការដ្ឋានស្ថាបនាផ្សារណាត់ថ្មី ដែលស្ថិតនៅភូមិ១ សង្កាត់រកាក្នុង ក្រុងដូនកែវ ខេត្តតាកែវ ដែលមានទំហំ ១៥ម៉ែត្រ គុណ៨០,១៥ ម៉ែត្រមានកម្ពស់៣ជាន់។
លោកកង អាណាន់ អភិបាលក្រុងដូនកែវ បានធ្វើការណែនាំដល់ម្ចាស់គំរោងវិនិយោគផ្សារណាត់ថ្មី និងមេការជាងទាំងអស់ ត្រូវពិនិត្យ និងតាមដានគុណភាពសំណង់ ឱ្យបានត្រឹមត្រូវតាមស្ដង់ដារបច្ចេកទេស ព្រមទាំងពន្លឿនការសាងសង់ ឲ្យបានឆាប់រហ័ស ជាទីបំផុត ដើម្បីឲ្យបានបងប្អូនក្រុមអាជីវករចូលលក់ដូរវិញបានឆាប់រហ័សផងដែរ ។
លោក ឡោ ជំនិត បានប្រាប់កោះសន្តិភាពយើងអោយដឹងថា បច្ចុប្បន្ននេះ សំណង់អាគារផ្សារ គឺសម្រេចបានជាង៤៥ភាគរយ ដែលគ្រោងនឹងបញ្ចប់មុខគំរោងនៅខែមេសា ឆ្នាំ២០២២ខាងមុខ ដោយឡែក សម្រាប់ជាន់ផ្ទាល់ដី គឺនៅដើមឆ្នាំ២០២២នេះ បងប្អូនអាជីវករ គឺអាចចូលមកលក់ដូរបានវិញជាធម្មតា ព្រោះយើងនឹងធ្វើអោយបានលឿនដើម្បីជួយសម្រួលដល់បងប្អូនអាជីវករយើងបានចូលមកលក់ដូរ ៕
ចែករំលែកព័តមាននេះ