កំពត៖ អ្នកជំងឺកូវីដ១៩ ចំនួន១១៦នាក់ ដែលបានសម្រាកព្យាបាល នៅមណ្ឌលវិទ្យាល័យ ព្រះបិតាជាតិ និងនៅមណ្ឌលវិទ្យាល័យហ៊ុនសែន អង្គសូរភី ក្នុងស្រុកកំពង់ត្រាច បានជាសះស្បើយ ពីជំងឺកូវិដ ហើយត្រូវបានក្រុមគ្រូពេទ្យ ប្រចាំការនៅមណ្ឌលនោះ អនុញ្ញាតអោយត្រឡប់ទៅផ្ទះវិញ កាលពីព្រឹកថ្ងៃទី២៣ ខែកក្កដា ឆ្នាំ២០២១។
ក្រុមគ្រូពេទ្យ ឲ្យដឹងថា នៅវិទ្យាល័យព្រះបិតាជាតិ មានអ្នកជំងឺកូវីដ១៩ បានជាសះស្បើយចំនួន ៥២នាក់។ ប៉ុន្តែសម្រាប់មណ្ឌលវិឡាល័យព្រះបិតាជាតិ មានអ្នកមិនទាន់ជាសះស្បើយ ចំនួន ៦២នាក់ទៀត កំពុងសម្រាកព្យាបាល។
នៅព្រឹកថ្ងៃទី២៣ ខែកក្កដា ឆ្នា២០២១ លោក អូន ខន អភិបាលស្រុកកំពង់ត្រាច បានទៅសួរសុខទុក្ខពលរដ្ឋ ដែលជាសះស្បើយពីជំងឺកូវីដផងដែរ។
លោក អូន ខន មានប្រសាសន៍ សុំអោយបងប្អូនទាំងអស់ ដែលបានជាសះស្បើយត្រឡប់ទៅផ្ទះវិញ ត្រូវតាមដានសុខភាពរបស់ខ្លួនឯងបន្តទៀត ហើយត្រូវរក្សាគម្លាតគ្នា អនុវត្តតាមគោលការណ៍ណែនាំរបស់ក្រសួងសុខាភិបាល និងប្រសាសន៍របស់ប្រមុខរាជរដ្ឋាភិបាលកម្ពុជា ដែលមានសម្ដេចតេជោ ហ៊ុន សែន បីកុំ និងបីការពារ រួមទាំងពាក់ម៉ាស់ អោយបានជាប់។
លោក អូន ខន អភិបាលស្រុក ក៏បានអរគុណក្រុមគ្រូពេទ្យ ប្រចាំការនៅទីនេះ ដែលថែទាំអ្នកជំងឺកូវីដ១៩ តាំងពីអ្នកកើតច្រើន មកសម្រាកព្យាបាល រហូតដល់ជាសះស្បើយ។
នៅព្រឹកថ្ងៃទី២៣ ខែកក្កដា អ្នកជំងឺកូវីដ ចំនួន ៥២នាក់ នៅមណ្ឌលវិឡាល័យហ៊ុនសែន អង្គសូរភី ក្នុងស្រុកកំពង់ត្រាច បានជាសះស្បើយ ហើយត្រូវបានត្រឡប់ទៅផ្ទះវិញផងដែរ។
បើតាមអោយដឹងពីក្រុមគ្រូពេទ្យ នៅវិទ្យាល័យ ហ៊ុន សែន អង្គសូរភី មានអ្នកជំងឺកូវីដ ចំនួន ៦៣នាក់ទៀត កំពង់សម្រាកព្យាបាល៕ កែវ ឆាត
ចែករំលែកព័តមាននេះ