មនុស្សច្រើនសិបពាន់នាក់ត្រូវបានជម្លៀសចេញ កាលពីថ្ងៃទី២២ ខែកក្កដា ឆ្នាំ២០២១ ចេញពីបណ្ដាតំបន់នៅភាគកណ្ដាលចិន ដែលរងគ្រោះខ្លាំងបំផុត ដោយទឹកជំនន់មកពីភ្លៀងធ្លាក់់មហាខ្លាំង ចាប់តាំងពី
ប្រទេសចិន ៖ មនុស្សច្រើនសិបពាន់នាក់ត្រូវបានជម្លៀសចេញ កាលពីថ្ងៃទី២២ ខែកក្កដា ឆ្នាំ២០២១ ចេញពីបណ្ដាតំបន់នៅភាគកណ្ដាលចិន ដែលរងគ្រោះខ្លាំងបំផុត ដោយទឹកជំនន់មកពីភ្លៀងធ្លាក់់មហាខ្លាំង ចាប់តាំងពីដើមសប្ដាហ៍នេះមក ដែលបណ្ដាលឲ្យមនុស្សស្លា.ប់យ៉ាងតិច៣៣នាក់រួចមកហើយក្នុងខេត្តហ៊ឺណាន់។
ទីក្រុងជាច្រើននៃខេត្តនោះ ត្រូវទឹកជន់លិច ហើយផលដំណាំនានារងការបំផ្លាញ បើគិតជាប្រាក់ប្រមាណជា១,២២ពាន់លានយន់ ប្រមាណជា១៦០លានដុល្លារ។ ក្នុងចំណោមជនរងគ្រោះ ១២នាក់ស្លា.ប់ក្នុងមេត្រូដែលទឹកលិចត្រឹម.ក ក្នុងទីប្រជុំជនខេត្តហ៊ឺណាន់ គឹទីក្រុង ZHENGZHOU ចម្ងាយប្រមាណជា៦៥០គីឡូម៉ែត្រភាគនិរតីក្រុងប៉េកាំង។
យោងតាមស៊ីនហួថា ប្រជាជនទីក្រុងអានយ៉ាងស្ថិតនៅចន្លោះខេត្តហ៊ឺណាន និងខេត្តហ៊ឺបុី ត្រូវបានជម្លៀសចេញ ក្រោយពីភ្លៀងធ្លាក់មានកម្រិតទឹកដល់៦៦មីល្លីម៉ែត្រ ចាប់តាំងពីថ្ងៃទី១៩ កក្កដាមក។ ទីក្រុង XINXIANG ខាងជើងក្រុង ZHENGZHOU ភ្លៀងធ្លាក់មានកម្រិតទឹកដល់៨១២មីល្លីម៉ែត្រ រវាងថ្ងៃទី២០ និងថ្ងៃទី២២ ខែកក្កដា។ ហើយកាលពីយប់ថ្ងៃទី២១ ខែកក្កដា ភ្លៀងធ្លាក់ខ្លាំងប៉ះពាល់រួចហើយដល់មនុស្ស៤៧០.០០០នាក់ និងផ្ទៃដីដាំដុះ៥៥.០០០ហិកតា។
ខេត្តហ៊ឺណាន់ជាខេត្តមានប្រជាជនច្រើនទី៣ របស់ចិន ដល់ជិត១០០លាននាក់ជាខេត្តរងការប៉ះពាល់ខ្លាំងបំផុត ទឹកជំនន់បានប្រែក្លាយវិថីនានា ទៅជាការហូរភក់យ៉ាងត្របាញ់។ ក្រុង ZHENGZHOU ទីប្រជុំខេត្ត មានការបាត់បង់ជីវិតមនុស្សច្រើន ពិសេសមនុស្សដល់១២នាក់ស្លា.ប់ក្នុងមេត្រូមួយ។
ទីក្រុងមានប្រជាជន១០លាននាក់នេះ នាថ្ងៃទី២៣ កក្កដា ពេលទឹកចាប់ស្រកចុះវិញ បណ្ដាអ្នកពន្លត់ភ្លើងនិងពួកអ្នកជួយសង្គ្រោះ បានសកម្មក្នុងការបូមទឹកចេញ ពីបណ្ដាវិថីនានា។ ប៉ូលិសបានដាក់រាយនៅជិតច្រកចូល ផ្លូវរូងក្រោមដីមួយដែលនៅទីនោះរថយន្តជាច្រើនគ្រឿងនៅជាប់ខាងក្នុងកាលពីថ្ងៃទី២០ ខែកក្កដា ពេលទឹកឡើងខ្ពស់។ បណ្ដាសាកស.ពមនុស្សអាចនៅជាប់ខាងក្នុងរថយន្ត ដែលលិចក្នុងទឹក។
ភ្លៀងធ្លាក់ខ្លាំងនាពេលយប់នាំឲ្យមានទឹកជំនន់ខ្លាំងដែរ នៅចុងខាងជើងខេត្ត។ ក្រុង XINXIANG ចម្ងាយ៩០គីឡូម៉ែត្រពីក្រុងZHENGZHOU ត្រូវទឹកកាត់ដាច់ពីតំបន់នានាទៀត។ បណ្ដារូបភាពបង្ហាញពួកអ្នកជួយសង្គ្រោះខិតខំជម្លៀសប្រជាជនចេញ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ