ខេត្តស្វាយរៀង៖ នៅថ្ងៃទី១៣ ខែកក្កដា ឆ្នាំ២០២១ រដ្ឋបាលខេត្តស្វាយរៀង បានប្រកាសនូវអត្តសញ្ញាណអ្នកវិជ្ជមានកូវីដ១៩ ថ្មី ចំនួន ៤៨នាក់ (ស្ត្រី…
ខេត្តស្វាយរៀង៖ នៅថ្ងៃទី១៣ ខែកក្កដា ឆ្នាំ២០២១ រដ្ឋបាលខេត្តស្វាយរៀង បានប្រកាសនូវអត្តសញ្ញាណអ្នកវិជ្ជមានកូវីដ១៩ ថ្មី ចំនួន ៤៨នាក់ (ស្ត្រី ១៩នាក់ )។ ក្នុងនោះ មានកម្មករ កម្មការិនីរោងចក្រ ចំនួន ២២នាក់ ករណីឆ្លងលើអ្នកប៉ះពាល់ផ្ទាល់ជាមួយអ្នកកូវីដ១៩ ចំនួន ៥នាក់ និងលើអ្នកមានការសង្ស័យ ម្នាក់។ ក្នុងនោះ មានអ្នកជាសះស្បើយ ៩៩នាក់។
ចំពោះអ្នកវិជ្ជមានកូវីដ១៩ ចំនួន ៤៨នាក់ ត្រូវបានបញ្ជូនទៅសម្រាកព្យាបាល នៅមន្ទីរពេទ្យស្រុកស្វាយជ្រំ ចំនួន ២១នាក់ បញ្ជូនទៅមន្ទីរពេទ្យបង្អែកសាមគ្គីរំដួល ម្នាក់ និងបញ្ជូនទៅមជ្ឈមណ្ឌលព្យាបាលកូវីដ១៩ ក្រុងបាវិត ចំនួន ២៣នាក់។
រដ្ឋបាលខេត្តស្វាយរៀង ក៏បានប្រកាសថា កាលពីថ្ងៃទី១២ ខែកក្កដា ឆ្នាំ២០២១ នៅខេត្តស្វាយរៀង មានករណីស្លាប់ថ្មី ៣នាក់ រួមមាន៖ ស្ត្រីឈ្មោះ យ៉ង សុខ អាយុ ៥៤ឆ្នាំ បានទទួលមរណភាព នៅគេហដ្ឋាន នៅភូមិពោធិថ្មី ឃុំស្វាយតាយាន ស្រុកកំពង់រោទិ៍ នៅថ្ងៃទី១២ ខែកក្កដា ឆ្នាំ២០២១ វេលាម៉ោង ១០ និង ៣០នាទីព្រឹក ក្រុមការងារចុះ ទៅយកសំណាកពិនិត្យធ្វើតេស្តរហ័ស ឃើញវិជ្ជមានកូវីដ១៩។ ស្ត្រី ឈ្មោះ កុល ផង់ អាយុ ៧៥ឆ្នាំ បានទទួលមរណភាព នៅគេហដ្ឋាននៅភូមិត្រពាំងផ្លុង សង្កាត់បាទី ក្រុងបាវិត នាថ្ងៃទី១២កក្កដា ឆ្នាំ២០២១ វេលាម៉ោង ៩ និង ៣០នាទីព្រឹក ក្រុមការងារបានចុះទៅយកសំណាកធ្វើតេស្តរហ័ស ឃើញវិជ្ជមានកូវីដ១៩។ បុរសឈ្មោះ រ័ត្ន ឌឿន អាយុ ៥៧ឆ្នាំ បានទទួលមរណភាព នៅគេហដ្ឋាន នៅភូមិបឹងវែង ឃុំស្វាយជ្រំ ស្រុកស្វាយជ្រំ នៅថ្ងៃទី១១ ខែកក្កដា ឆ្នាំ២០២១ វេលាម៉ោង ១១ និង ១៥នាទីយប់ ក្រុមការងារ បានចុះទៅយកសំណាកពិនិត្យធ្វើតេស្តរហ័ស ឃើញវិជ្ជមានកូវីដ១៩។
គិតត្រឹមថ្ងៃទី១២ ខែកក្កដា ឆ្នាំ២០២១ ខេត្តស្វាយរៀង មានអ្នកវិជ្ជមានកូវីដ១៩ សរុប ៣៥៤៦នាក់ (ស្រី្ត ១៩៦៦នាក់) ជាសះស្បើយសរុប ២៤៩៩នាក់ (ស្រី ១៤៣៥នាក់) កំពុងសម្រាកព្យាបាលចំនួន ១០៤៤នាក់ (ស្រី ៥៣៦នាក់)។ ករណីស្លាប់ កើនឡើង ៥១នាក់ (ស្រី ៣៣នាក់)៕
ចែករំលែកព័តមាននេះ