១-ថើបមាត់អាចពន្យារអាយុបានមួយកម្រិត
អ្នកវិទ្យាសាស្ត្រសន្និដ្ឋានថា បុរសដែលថើបមាត់មិត្តស្រី ឬប្រពន្ធរបស់ខ្លួនជារៀងរាល់ព្រឹកបន្ទាប់ពីភ្ញាក់ពីដំណេក និងមុនពេលចេញទៅធ្វើការអាចនឹងមានអាយុវែងជាងអ្នកដែលមិនបានថើប៥ឆ្នាំ ។ ប៉ុន្តែគ្មានស្ថិតិណាបង្ហាញពីការពន្យារអាយុរបស់ស្ត្រីតាមរយៈការថើបមាត់នេះទេ ។
២-មនុស្សចំណាយពេលពីរសប្តាហ៍ថើបមាត់គ្នា
អ្នកវិទ្យាសាស្ត្របង្ហាញថា ជាមធ្យមមនុស្សចំណាយពេលប្រហែលពីរសប្តាហ៍ចំពោះការថើបគ្នា ។ តាមរយៈតួលេខនេះឱ្យដឹងថា ការថើបមាត់ធ្វើឱ្យកាន់តែមានភាពស្និទ្ធស្នាលគ្នាខ្លាំងឡើង ។
៣-ការថើបមាត់ជួយដល់សុខភាព
វេជ្ជបណ្ឌិតជំនាញអះអាងថា ការថើបគ្នាអាចដុតកាឡូរីពីរទៅបីក្នុង១នាទី វាអាចជួយជំរុញប្រព័ន្ធការពាររាងកាយឱ្យកាន់តែសកម្ម។ ការថើបមាត់ដើរតួនាតីសំខាន់ដែលអាចជួយបំបាត់ភាពឈឺចាប់ ព្រមទាំងជួយការពាររោគពុកធ្មេញផងដែរ ។
៤-ការថើបបែរទៅរកផ្នែកខាងស្តាំ
ក្រុមអ្នកស្រាវជ្រាវនិយាយថា ២ភាគ៣នៃអ្នកថើបគ្នានៅលើពិភពលោកតែងតែបែរទៅរកផ្នែកខាងស្តាំ ។ ក្រុមអ្នកស្រាវជ្រាវអាល្លឺម៉ង់បានសិក្សាពីការថើបទៅរកផ្នែកខាងស្តាំដោយមានគូស្នេហ៍ចំនួន១០០គូ សាកល្បងក្នុងការសិក្សានេះ ។ ក្រោយមកគេរកឃើញថា ការបែរទៅរកផ្នែកខាងស្តាំនេះត្រូវបានកំណត់តាំងពីក្នុងស្បូនមកម្ល៉េះ ពោលគឺជាកន្លែងដែលពួកគេបែរក្បាលរបស់គេទៅផ្នែកខាងស្តាំ ។ ចំណែកអ្នកដែលថើបមាត់គ្នាបែរទៅផ្នែកខាងឆ្វេងមិនទាន់ត្រូវរកឃើញហេតុផលទេ ។
៥-ការថើបគ្នាត្រូវបានហាមឃាត់នៅអង់គ្លេស
ស្តេចហែនរីទី៤ បានហាមប្រាមមិនឱ្យមានការថើបមាត់គ្នាក្នុងប្រទេសអង់គ្លេសក្នុងឆ្នាំ១៤៣៩។ គោលបំណងនៃបម្រាមនេះ គឺបង្ការចម្លងជំងឺ ផ្សេងៗដែលនឹងអាចរីករាលដាលដល់ប្រទេសទាំងមូល ។ ក្រោយមកស្តេចហែនរីបានសុគតដោយសារបញ្ហាជំងឺខូចចិត្តក្នុងឆ្នាំ១៤៥៣ ។ ដូច្នេះហើយប្រទេសអង់គ្លេសអំឡុងពេលនេះត្រូវមហាក្សត្រីរបស់ព្រះអង្គគ្រប់គ្រងជំនួស និងបានកែប្រែការហាមមិនឱ្យថើបមាត់គ្នាក្នុងប្រទេសទៅជាសភាពធម្មតាវិញ ។
៦-ថើបថ្មនៅអៀរឡង់ទទួលបានលាភសំណាង
នៅប្រទេសអៀរឡង់មានអ្នកទេសចរច្រើនជាង៤០០.០០០ នាក់នាំគ្នាថើបផ្ទាំងថ្មឈ្មោះថា «Blarney Stone»។ សិលាចារឹកលើផ្ទាំងថ្មនោះបានសរសេរថា « អ្នកដែលថើបផ្ទាំងថ្មនឹងទទួលបានកាដូដ៏ត្រចះត្រចង់ក្នុងដំណើរជិវិត»។ ដោយសារតែការថើបរបស់មនុស្សមានការកើនឡើងរៀងរាល់ឆ្នាំផ្ទាំងថ្ម «Blarney Stone» បានប្រែពណ៌ និងសណ្ឋានរាងរបស់វា ខណៈមាត់សម្បូរដោយជាតិគីមីបានប៉ះផ្ទាល់ទៅនឹងផ្ទាំងថ្មនោះ ។
៧-ការថើបគ្នាបង្ករបញ្ហាចរាចរណ៍នៅបារាំង
គ្រប់គ្នាដឹងហើយថា ជនជាតិបារាំងចូលចិត្តស្មេហាបែបស៊ីជម្រៅ ការស្រឡាញ់របស់មនុស្សក្នុងប្រទេសនេះបានបង្កឱ្យមានបញ្ហាចរាចរណ៍យ៉ាងខ្លាំង ។ ដូច្នេះក្នុងឆ្នាំ១៩១០ ជនជាតិបារាំងគ្រប់រូប ត្រូវបាមប្រាមមិនឱ្យថើបគ្នាលើដងផ្លូវព្រោះធ្វើឱ្យរថភ្លើងពន្យារពេលជាដើម ។ ចូលដល់សតវត្សរ៍ទី២០ អ្នកដំណើរបារាំងបានថើបគ្នាយ៉ាងអនាធិបតេយ្យនៅតាមទីសាធារណៈដែលធ្វើឱ្យអាជ្ញាធរពិបាកដោះស្រាយ ។ ពួកគេបានបញ្ចេញមតិថា ការថើបគ្នានៅទីណានោះមិនសំខាន់ទេ តែអ្វីដែលសំខាន់គឺពួកគេមានក្តីស្រឡាញ់បរិសុទ្ធ ។
៨-ការថើបគ្នាប្រើប្រាស់ថាមពលសាច់ដុំយ៉ាងពិសេស
នៅពេលដែលអ្នកថើបនរណាម្នាក់នោះ អ្នកប្រាកដជាប្រើប្រាស់សាច់ដុំជាច្រើន ពោលគឺសាច់ដុំចំនួន១៤៦ប្រភេទ ផ្សេងៗគ្នាត្រូវបានប្រើប្រាស់អំឡុងពេលថើប ។ ដូច្នេះការថើបគ្នាបានធ្វើលំហាត់ប្រាណលើផ្ទៃមុខ ។
៩-ការថើបមាត់គ្នាអាចមានប្រភពពីសត្វកណ្តុរ
អ្នកស្រាវជ្រាវនិយាយថា ការថើបមាត់គ្នាអាចមានប្រភពពីពូជសត្វកណ្តុរក្រិកមានឈ្មោះថា «Eomaia Scansoria » ។ ពូជកណ្តុរនេះថើបគ្នាពេលពួកវាត្រដុសច្រមុះគ្នាទៅវិញទៅមក ហើយការត្រដុសនេះ គឺជាឧទាហរណ៍នៃអ៊័រម៉ូន Pheromones ដែលឈានទៅរកចំណង់ផ្លូវភេទរបស់ពួកវា ។ អ្នកវិទ្យាសាស្ត្រនិយាយថា កណ្តុរ និងមនុស្សប្រុសមានហ្សែនស្ទើរតែមានលក្ខណៈដូចគ្នា ។
១០-ជំនាញមួយជួយចិញ្ចឹមជិវិតមនុស្សគឺ «ជំនាញថើប»
ជឿ ឬ មិនជឿ មានមុខវិជ្ជាវិទ្យាសាស្ត្រមួយដែលត្រូវចំណាយប្រាក់សិក្សាពីការថើបគ្នា ។ វិទ្យាសាស្ត្រនៃការថើបគ្នាត្រូវបាគេស្គាល់ថា «Philematology» ចំណែកអ្នកសិក្សាពីសកម្មភាពថើបមានឈ្មោះថា Osculologists។ ដូច្នេះអ្នកអាចនឹងពេញចិត្តជាមួយនឹងមុខវិជ្ជាបែបវិទ្យាសាស្ត្រគួរឱ្យចាប់អារម្មណ៍ ហើយយកមកធ្វើជាអាជីពផ្ទាល់ខ្លួនទៅថ្ងៃអានាគតបាន ៕
ចែករំលែកព័តមាននេះ