រាជធានីភ្នំពេញ ៖ នៅប៉ុន្មានថ្ងៃចុងក្រោយនេះមានមហាជនដែលចាប់អារម្មណ៍ពីផ្សារមូលបត្រកម្ពុជាមានការងឿងឆ្ងល់ ឬយល់មិនច្បាស់ថា នៅពេលពួកគាត់ចុចទៅចូលក្នុងប្រព័ន្ធដាក់បញ្ជាជួញដូរ MTS របស់CSX តាមរយៈវែប (web based)…
រាជធានីភ្នំពេញ ៖ នៅប៉ុន្មានថ្ងៃចុងក្រោយនេះមានមហាជនដែលចាប់អារម្មណ៍ពីផ្សារមូលបត្រកម្ពុជាមានការងឿងឆ្ងល់ ឬយល់មិនច្បាស់ថា នៅពេលពួកគាត់ចុចទៅចូលក្នុងប្រព័ន្ធដាក់បញ្ជាជួញដូរ MTS របស់CSX តាមរយៈវែប (web based) ឬទូរស័ព្ទដៃនិងថេប្លេត ឃើញសារបញ្ជាក់ថា «មានភាពរអាក់រអួលក្នុងប្រព័ន្ធជួញដូរចល័ត។សូមទាក់ទងទៅក្រុមបច្ចេកទេស ។
បញ្ហានេះ CSX បានបញ្ជាក់ថា ប្រព័ន្ធជួញដូរមិនមានបញ្ហាគាំំង ឬមានបញ្ហាអ្វីនោះទេ គឺដោយសារ មានការធ្វើប្រតិបត្តិការរបស់អតិថិជនមានច្រើនលើសកម្រិតក្នុងកំឡុងពេលតែមួយរួមគ្នា។
ថ្លែងប្រាប់សារព័ត៌មានកោះសន្តិភាពនាថ្ងៃទី ១៨ ខែមិថុនានេះ អ្នកស្រី គឹម សុផានីតា ប្រធាននាយកដ្ឋានប្រតិបត្តិការទីផ្សារមូលបត្រនៃក្រុមហ៊ុនផ្សារមូលបត្រកម្ពុជាបានពន្យល់ថាជាធម្មតាវាជា«វែប» វាអាចមានបញ្ហាមួយភ្លេតៗ តែបើយើងRefrese វាលែងអីវិញហើយ។ ព្រោះរយៈពេលពីរថ្ងៃកន្លងមកនេះមានការជួញដូរច្រើននៅក្នុងពេលតែមួយ ទើបវាចេញជាសារនេះឡើង តែពីរឬបីវិនាទីក្រោយវាដំណើរការធម្មតាឡើងវិញ។
អ្នកស្រីសង្កត់ធ្ងន់ថា «បញ្ហាខាងលើនេះវាមិនមែនមកពីប្រព័ន្ធជួញដូរគាំងនោះទេ ។មានន័យថាច្រកទ្វាចូលទៅក្នុងប្រព័ន្ធមានលក្ខណៈចង្រៀតនៅពេលមានប្រតិបត្តិការច្រើនធ្វើឱ្យវារអាក់រអួលបន្តិចបន្តួច។
កាលពីម្សិលមិញ យើងមានបញ្ហាបែបនេះតិចតួចអីចឹងមែន តែយើងបានពន្យល់ថាវាមិនមែនមានបញ្ហាដោយសារតែប្រព័ន្ធជួញដូរនោះទេនេះជាបញ្ហាទូទៅ។ ជាក់ស្តែងនៅពេលដែលធនាគារអេស៊ីលីដាចូលទៅក្នុងផ្សារហ៊ុនដំបូងហើយបញ្ហានេះយូរបំផុតត្រឹម៥នាទី»៕
ចែករំលែកព័តមាននេះ