សហគមន៍កសិករចិញ្ចឹមកង្កែបថារកទីផ្សារលក់មិនបាន ពេលនេះអភិបាលខេត្តចេញមុខជួយទិញ១តោន
- បន្ទាយមានជ័យ
ខេត្តបន្ទាយមានជ័យ ៖ ក្រោយពីសហគមន៍កសិករចិញ្ចឹមកង្កែបត្អូញត្អែររកទីផ្សារលក់មិនបានកាលពីពេលកន្លងទៅ លោក
ខេត្តបន្ទាយមានជ័យ ៖ ក្រោយពីសហគមន៍កសិករចិញ្ចឹមកង្កែបត្អូញត្អែររកទីផ្សារលក់មិនបានកាលពីពេលកន្លងទៅ លោក
ខេត្តបន្ទាយមានជ័យ ៖ ក្រោយពីសហគមន៍កសិករចិញ្ចឹមកង្កែបត្អូញត្អែររកទីផ្សារលក់មិនបានកាលពីពេលកន្លងទៅ លោកអភិបាលខេត្តបន្ទាយមានជ័យបានជួយទិញកង្កែបទម្ងន់១តោន ដើម្បីយកទៅចែកជូនដល់កងកម្លាំងទាំងបីស្ថាប័ន និងមន្ត្រីរាជការសាលាខេត្តបន្ទាយមានជ័យ កាលពីថ្ងៃទី១៤ ខែមិថុនា ឆ្នាំ២០២១ នៅសាលាខេត្តបន្ទាយមានជ័យ។
គួររំលឹកថា កាលពីថ្ងៃទី១២ ខែមិថុនា ឆ្នាំ២០២១ កន្លងទៅ សហគមន៍កសិករចិញ្ចឹមកង្កែបសង្កាត់ភ្នៀតបានត្អូញត្អែរថាចិញ្ចឹមកង្កែបបានផល បែរជាគ្មានទីផ្សារលក់ ជាហេតុធ្វើឱ្យប្រជាកសិករបាក់ទឹកចិត្ត និងគ្មានអ្វីសងធនាគារ ហើយប្រជាកសិករដែលប្រកបរបរចិញ្ចឹមកង្កែបមានប្រមាណជិត៥០គ្រួសារ ដោយចិញ្ចឹមកង្កែបសរុបប្រមាណជិត១០តោន ។ ប្រជាពលរដ្ឋចិញ្ចឹមកង្កែបទទួលបានផល ប៉ុន្តែរកទីផ្សារលក់គ្មាន ជាប់គាំងលក់មិនចេញ ហើយពួកគាត់ក៏អំពាវនាវដល់អភិបាលខេត្តបន្ទាយមានជ័យនិងមន្ទីជំនាញជួយរកទីផ្សារ។
សហគមន៍កសិករចិញ្ចឹមកង្កែបបានបញ្ជាក់ថា នៅឆ្នាំ២០២១នេះ ប្រជាកសិករដែលចិញ្ចឹមកង្កែបមានភូមិកន្ទួត ភូមិភ្នៀត ភូមិថ្មី ភូមិកំព្រីង ស្ថិតក្នុងសង្កាត់ភ្នៀត និងសង្កាត់កំពង់ស្វាយ ក្រុងសិរីសោភ័ណ ជួបប្រទះបញ្ហាគ្មានទីផ្សារ និងគ្មានអ្នកទិញ ខណៈការចិញ្ចឹមកង្កែបលក់កាលពីឆ្នាំមុន លក់បានកង្កែបក្នុង១គីឡូក្រាម តំលៃ៨.០០០ទៅ៩.០០០រៀល ៕
ចែករំលែកព័តមាននេះ