ADផ្ទាំងផ្សព្វផ្សាយពាណិជ្ជកម្ម

Picture

ស្ងាត់​ៗ កែវ ចាន់​និមល ចេញ​ទៅ​អា​មេ​រិ​ក​ទម្លាក់​ចោលការ​ងារ​សិល្បៈ

1 ខែ មុន
  • Phnom Penh

ពិធី​ការិនី​អ្នក​នាង កែវ ចាន់​និមល បាន​ដឹក​ដៃ​គ្រួសារ​ចេញ​ទៅ​អា​មេ​រិ​ក ដោយ​ទម្លាក់​ចោលការ​ងារ​សិល្បៈ​មួយ​រយៈ បន្ទាប់​ពី​នាង​បានជា​សះស្បើយ​ពី​ជំងឺ​កូ​វី​ដ​១៩​។ តារា​រូប​បាន​ចេញ​ទៅ

រាជធានី​ភ្នំពេញ ៖ ពិធី​ការិនី​អ្នក​នាង កែវ ចាន់​និមល បាន​ដឹក​ដៃ​គ្រួសារ​ចេញ​ទៅ​អា​មេ​រិ​ក ដោយ​ទម្លាក់​ចោលការ​ងារ​សិល្បៈ​មួយ​រយៈ បន្ទាប់​ពី​នាង​បានជា​សះស្បើយ​ពី​ជំងឺ​កូ​វី​ដ​១៩​។ តារា​រូប​បាន​ចេញ​ទៅ​អា​មេ​រិ​ក​យ៉ាង​ស្ងៀមស្ងាត់ បន្ទាប់​ពី​នាង​ត្រូវ​មិត្តភក្តិ​ជិតដិត​រៀបចំ​ពិធី​ខួបកំណើត​តូច​មួយ មុន​ពេល​នាង​ឡើង​យន្តហោះ​ចេញ​ទៅ​។

រូបភាព​ជា​ច្រើន​សន្លឹក​ត្រូវ​បាន កែវ ចាន់​និមល បង្ហោះ​នៅ​លើ​បណ្តាញ​សង្គម​ហ្វេ​ស​ប៊ុ​ក បង្ហាញ​ពី​ភាព​សប្បាយ​រីករាយ​ជួបជុំ​គ្រួសារ​នៅ​លើ​ទឹកដី​សហរដ្ឋអាមេរិក​។

Picture

ពិធី​ការិនី នាង ប៉ែន ស្រី​ពេជ្រ ដែល​ជា​អ្នក​ជិតដិត​បំផុត​ជាមួយ​អ្នក​នាង កែវ ចាន់​និមល បាន​អះអាង​ប្រាប់​កោះសន្តិភាព​ថា អ្នក​នាង កែវ ចាន់​និមល បាន​ធ្វើ​ដំណើរ​ទៅ​អា​មេ​រិ​ក​ទាំង​គ្រួសារ​ក្នុង​គោលបំណង​លំហែ​កំសាន្ត​នៅ​ទីនោះ​មួយ​រយៈ​។

អ្នក​នាង​បញ្ជាក់​ថា ការ​ចេញ​ទៅ​អា​មេ​រិ​ក​របស់​អ្នក​នាង កែវ ចាន់​និមល នា​ពេល​នេះ គឺ​មាន​រយៈពេល​ប្រមាណ​១​ខែ​កន្លះ ក្នុង​នោះ​ឪពុក​ម្តាយ​របស់​នាង​ក៏​បាន​ចេញ​ទៅ​ជាមួយ​គ្នា​ផង​ដែរ​។ យ៉ាងណា ក្រៅពី​ដំណើរ​កំសាន្ត​នៅ​លើ​ទឹកដី​មហាអំណាច​នោះ គេ​មិនដឹង​ថា កែវ ចាន់​និមល នឹង​ត្រូវ​បំពេញភារកិច្ច​អ្វី​ផ្សេង​ទៀត​នោះ​ឡើយ ខណៈ​ការងារ​នៅ​ស្រុក​ខ្មែរ​នាង​នៅ​បន្ត​ផ្អឹប​ចោល​នៅឡើយ​។

Picture

ជា​ការ​កត់សម្គាល់ បន្ទាប់​ពី​បានជា​សះស្បើយ​ពី​ជំងឺ​កូ​វី​ដ​១៩​នោះ​មក កែវ ចាន់​និមល ហាក់​នៅ​មិន​ទាន់​ទទួលយក​ការងារ​សិល្បៈ​របស់​ខ្លួន​អោយ​ពេញដៃ​នៅឡើយ​ទេ​។ នាង​បាន​ចំណាយពេល​នៅ​ជាមួយ​គ្រួសារ​សម្រាប់​ការ​លំហែ​កំសាន្ត​នៅ​ទីកន្លែង​នានា ដោយ​មិន​ទាន់​នឹកនា​ដល់​ការងារ​សិល្បៈ​នោះ​ឡើយ​។

យ៉ាងណា មហាជន​រំពឹង​ថា បន្ទាប់​ពី​ការ​វិល​ត្រឡប់​មក​ពី​លំហែ​នៅ​អា​មេ​រិ​ក​វិញ កែវ ចាន់​និមល នឹង​វិល​មក​កាន់​ក្បាល​មេក្រូ​បន្ត​អាជីព​ជា​ពិធី​ការិនី​របស់​នាង​ឡើង​វិញ ខណៈ​ពេល​ដែល​ស្ថានីយទូរទស្សន៍​ហង្ស​មាស ក៏​បាន​ត្រៀម​រៀបចំ​កម្មវិធី​កំសាន្ត​លំដាប់​ពិភពលោក​ដែល​នាង​ធ្លាប់​កាន់​នោះ​ឡើង​វិញ​ផង​ដែរ​៕

Picture
Picture
Picture
Picture
Picture
Picture
Picture
Picture
Picture
Picture